သခင်အကျင့် သခင်စိတ်

သခင်စိတ်ဓါတ်၊ သခင်အကျင့် (၁)

သခင်ဆိုသည်မှာ  
သခင်ဆိုသည်မှာ လူတိုင်းလူတိုင်း၏ အခွင့်အရေးကို ပိုင်ဆိုင်ရန်အတွက် ဆောင်ရွက် လုပ်ကိုင်သူများနှင့် လူတိုင်းလူတိုင်းတို့၏ လူတန်းစေ့နေရေးထိုင်ရေးတို့ကို ကြံစည်အားထုတ်သူတိုင်း သခင်ဟုခေါ်သည်။ လူတိုင်းလူတိုင်း အခွင့်အရေးတူညီသည့် သခင်ဖြစ်ရန်လိုသည်။

ဗမာ့စိတ်ထား
မှတ်မိပါသေးသည်။ လတခြမ်းပဲ့ကလေးသည် အနောက်ဘက်ကောင်းကင်ပြင်ဝယ် ရှိနေကာ တောင်ကုန်းကလေးများဆီဝယ် လျှပ်စီးရောင်များ ၀င်းကနဲ ၀င်းကနဲ လက်နေသည်။ လယ်ကွင်းပြင်များ ထက်ဝယ် ဘော်သာခွာငွေအဆင်းကဲ့သို့ ဖြူဖွေးနေသော နှင်းမှုံများက အုံ့မှိုင်းလျက် ရှိနေသည်။

ကျွန်ုပ်တို့နှင့် (ကျွန်ုပ်တို့ဆိုသည်မှာ အင်္ဂလိပ်အရာရှိ စာရေးသူ H Fielding Hall ဖြစ်သည်။) ရှေ့တည့်တည့်တွင် ချောင်းငယ်ဆိုရှိလျက် ဟိုဘက်ကမ်းတွင်မူ တောင်တန်းကြီးတခုက ရေနှင့်နီးကပ်စွာ တည်ရှိနေသည်။ ထိုတောင်တန်းကြီးအနီးတွင် သစ်တောများရှိပြီး တောင်ထိပ်အနီးတ၀ိုက်တွင် ကောင်းကင်ပြင်နှင့်ဟပ်၍ ငွေဖြူရောင်တောက်နေလေသည်။ ထိုနေရာမှာ ကျွန်ုပ်တို့နေရာနှင့် ဝေးကွာ၍ မြန်မာတို့၏ မီးကျိုးမောင်းပျက်သေနတ်တို့ဖြင့် ပစ်ခတ်သော်လည်း မရောက်နိုင်ချေ။ ကျွန်ုပ်တို့စခန်း တဖက်တချက်တွင် လယ်ကွင်းပြင်များရှိပြီး ထိုလယ်ကွင်းပြင်ကျယ်ကြီး အဆုံးတွင် သစ်တောကြီးများကို ညှို့ညှို့မှိုင်းမှိုင်းမြင်နေရလေသည်။ ကျွန်ုပ်တို့သည် ကောလင်းမြို့စားသား (ကျွန်ုပ်တို့ လားခါးရွာသွားစဉ်က လမ်းပြ)နှင့် နောင်ရေးကိစ္စများကို ပြောဆိုတိုင်ပင်နေသည်။ စကားထဲတွင် လားခါးရွာတွင် ရောက်ရှိနေသော ၀န်းသိုစော်ဘွား၏ နောက်လိုက်များက သူ့ ( ကောလင်းမြို့စား၏သား) အား အလွန်မုန်းတီး၍ ဆဲဆိုခဲ့ကြပုံကို ပြန်ပြောပြနေရာ သူကလည်း ထိုအတိုင်းအမုန်းခံနေရကြောင်း ၀န်ခံလေသည်။

ကျွန်ုပ်မိတ်ဆွေတွေကလွဲရင် အားလုံးက ကျွန်ုပ်ကို မုန်းကြတာပဲ။ ကျွန်ုပ်ဘာတွေလုပ်ခဲ့လို့လဲ။ ကျွန်ုပ်က ကျွန်ုပ်အဖေ သူ့ရာထူး သူပြန်ရအောင် ကူညီခဲ့တာပဲ။ ကျွန်ုပ်တို့ကို သူတို့ကစပြီး တိုက်တယ်ဆိုတဲ့ အကြောင်းတော့ သူတို့မေ့ကုန်ပြီလေဟု သူကပြောလေသည်။ သူကဆက်၍ ခင်ဗျားတို့နှင့် ပေါင်းမိတာကြောင့် အသတ်ခံရမှာပဲ။ တနေ့တချိန်တော့ ကျုပ်ကို သူတို့က သတ်တော့မှာပဲဟု ဆိုလေသည်။

ကျွန်ုပ်တို့သည် ဤသို့ဖြင့် အချိန်ကြာမြင့်စွာ စကားပြောနေကြသည်။ လဆုတ်ရက်ဖြစ်၍ အနီးမီးဖိုမှ မီးရောင်ဖြင့် ဤသို့စကားပြော၍ အားရသောအခါ ကျွန်ုပ်တို့သည် အိပ်ရာသို့ ၀င်တော့မည်အပြုတွင် ချောင်းတဘက်ကမ်းမှ ကျွန်ုပ်တို့ဘက်ဆီသို့ လှမ်းအော်ပြောသံကြားရသည်။ ထိုအသံမှာ
“ ကောင်းကောင်းအိပ်ထားလိုက်၊ ထမင်းကောင်းကောင်း စားထားလိုက်ဦးကွယ့်နော် သိပ်မကြာတော့ဘူး....”
ကျွန်ုပ်တို့အားလုံး အံ့သြစွာဖြင့် မတ်တပ်ရပ်လိုက်ကြသည်။ မြန်မာလို နားမလည်သူတို့မှာ ဘာပြောမှန်းမသိ၍ အလွန်အံ့သြစွာ နားထောင်နေကြသည်။ စန္ဒရီအစောင့်တို့က အကင်းပါးစွာဖြင့် ခေါင်းပြူကာ နားစွင့်လျက်ရှိနေလေသည်။ နောက်တခါ ထပ်အော်ပြန်သည်။
“ ကောင်းကောင်းအိပ်ထားလိုက်၊ ထမင်းကောင်းကောင်း စားထားလိုက်ဦးကွယ့်နော် သိပ်မကြာတော့ဘူး....”
ခဏကြာသောအခါ ကောလင်းမြို့စား၏သားအမည်ကိုခေါ်၍ ' သစ္စာဖောက်၊ သစ္စာဖောက် ဟု သံကုန်အော်ဟစ်၍ တောင်ကုန်းတ၀ိုက်တွင် ပဲ့တင်သံများထပ်သွားသည်။ ထိုအော်ဟစ်သော မြန်မာများလည်း အဝေးသို့ထွက်သွားတော့သည်။

' ဗမာ့စိတ်ထား '
မိုးနတ်သျှင် ( မြန်မာပြန် )
The Soul of A People by H Fielding Hall မှ

သမိုင်းနောက်ခံအကျဉ်း

၁၈၈၅ခုနှစ်၊ နိုဝင်္ဘာ ၂၉မှာ သီပေါမင်းကို အလွယ်တကူ ဖမ်းဆီးခေါ်ဆောင်သွားခဲ့တဲ့နောက် မြန်မာတပြညလုံး ကျွန်ဖြစ်ခဲ့ကြရတော့တာပါပဲ။ အဲဒီနောက် ခဏတဖြုတ် ငြိမ်သက်နေကြပြီး မြန်မာပြည်အနှံ့အပြားမှာ အင်္ဂလိပ်နယ်ချဲ့ဆန့်ကျင်ရေး ထကြွလှုပ်ရှားမှုတွေ ဖြစ်ကြပါတယ်။ အဲဒီထဲမှာ ၀န်းသိုစော်ဘွားလည်း အပါအ၀င်ပါ။ ၀န်းသိုစော်ဘွားက ကောလင်းမြို့စားကို ဖြုတ်ချခဲ့ဖူးတာမို့ အဲဒီကောလင်းမြို့စားရဲ့သားက မာစတာအသစ် အင်္ဂလိပ်နဲ့ပေါင်းပါတယ်။ သူ့အဆိုအရ သူ့အဖေကို မြို့စားပြန်ဖြစ်အောင်လုပ်တာပါတဲ့။

ကျနော်တို့တွေရဲ့ စိတ်ဓါတ်ပုံပြင်လေးက အဲဒီကတည်းက စခဲ့တာပါ။ အင်္ဂလိပ်အုပ်ချုပ်သူတွေက သူတို့ထက် နိမ့်ကျတဲ့သူတွေလိုကြည့်၊ ကိုယ့်ကိုယ်ကိုကျ မာစတာရယ်လို့ သဘောထားကြပါတယ်။ ကောလင်းမြို့စားရဲ့သားလို ကိုယ့်နယ်ပယ်ကျဉ်းကျဉ်းလေးမှာ မာစတာပေါက်စဖြစ်ချင်သူတွေက မာစတာကြီးတွေကို ပြေးကပ်ပြီး ကျွန်ခံကြပြန်ပါတယ်။ ဒီလိုနဲ့ ကျွန်စိတ်ဝင်လာတဲ့ လူတွေရယ်လို့ ပေါ်လာရပါလေရော။

အဲဒီလိုမဟုတ်ပဲ ငါတို့သာအရှင်သခင်လို့ ကိုယ့်ကိုယ်ကိုယူဆတဲ့သူတွေကတော့ ကိုယ့်မှာ မီးကျိုးမောင်းပျက်သေနတ်ပဲရှိစေဦး၊ ငြိမ်မနေကြပဲ မာစတာနဲ့ ကျွန်ပါးဝမာစတာပေါက်စလေးတွေကို ကောင်းကောင်းအိပ်ထား၊ ကောင်းကောင်းစားထား လို့ကြိမ်းဝါးလိုက်ကြတာကိုး။ အဲဒီလို သခင်စိတ်ရှိသူတွေလည်း ပေါ်ထွန်းလာပါတော့တယ်။ ဒါပေမယ့် မြန်မာတွေရဲ့ပုန်ကန်မှုဟာ ဆယ်စုတစုထက် ပိုမကြာနိုင်ခဲ့ပါဘူး။ ဒီလိုနဲ့ အုပ်ချုပ်သူအင်္ဂလိပ်တွေကို သခင်ကြီးလို့ ခေါ်ရတဲ့ဘ၀ ရောက်ပါလေရော။ အင်္ဂလိပ်လိုတော့ မာစတာဆိုပါတော့။

အဲသလို အဖြေအနေကနေ မြန်မာတွေစပြီး လူးလွန့်ခဲ့ရတာကတော့ ဘာသာရေးအဖွဲ့အစည်းတွေ အနေနဲ့ပါပဲ။ ဟိုတဖွဲ့ ဒီတဖွဲ့ ဖြစ်နေရာကနေ ၁၉၀၆ခုနှစ်ရောက်တော့ ၀ိုင်အမ်ဘီအေလို့ အင်္ဂလိပ်လို အတိုကောက်ခေါ်တဲ့ ဗုဒ္ဓကလျာဏယုဝအသင်း တသင်းကို စထူထောင်ဖြစ်ကြပါတယ်။ ပိုပြီးကျယ်ပြန့်အောင် မြို့နယ်တိုင်းမှာ အသင်းခွဲထူထောင်ဖို့ ဆုံးဖြတ်ပြီး ၁၉၁၀ ရောက်တော့ အဖွဲ့ချုပ်ကြီးတခုအဖြစ် ဖွဲ့လို့ရလာပါတယ်။ အဲဒီလိုနဲ့ နှစ်စဉ်နှစ်တိုင်းလို ကွန်ဖရင့်အစည်းအဝေး ကျင်းပနိုင်ခဲ့ပါတယ်။ ဒါပေမယ့် အစည်းအဝေး အဖွင့်အပိတ်တိုင်းမှာ ဘုရင်မင်းမြတ်အား ဘုရားသခင် ကြည့်ရှုတော်မူပါလော့ ( God Save The King ) ဆိုတဲ့ အင်္ဂလိပ်အမျိုးသားသီချင်းကို ဆိုကြရတာပါ။

တို့ဗမာ သခင်သီချင်းရှိသလို ကျွန်သီချင်းလည်းရှိတယ်။ အဲဒါ God Save The King ဆိုတဲ့သီချင်းပဲ။ ကျောင်းတွေမှာ ကျောင်းတက်ရင် အဲဒီသီချင်းဆိုရတယ်။ အခမ်းအနားတွေမှာ အဖွင့်အပိတ် အဲဒီသီချင်းဆိုရတယ်။ တကယ်တော့ ကျွန်စိတ်ဝင်အောင် လုပ်ထားတာပဲလို့ ၀ါးခယ်မသခင်သိန်းဖေက သူတို့ငယ်ငယ်ဘ၀ကို ပြန်ပြောင်းပြောပြပါတယ်။

ငါတို့၏သခင် ဘုရင်မင်းမြတ်

ုမြန်မာလူမျိုးတွေရဲ့ သဘောထားက ကိုယ့်ဘုရင်မင်းမြတ်တောင် ရန်သူမျိုးငါးပါးစာရင်းထဲ သွင်းထားကြတာ မဟုတ်လား။ အဲဒါကို ငါတို့၏သခင် ဘုရင်မင်းမြတ်ဆိုပြီး ဘုရင်မင်းမြတ်အတွက် မြန်မာတွေကို ဆုတောင်းခိုင်းကြတာကိုး။ ရုပ်ရှင်တွေပေါ်လာတော့ ရုပ်ရှင်ရုံတွေမှာလည်း ဒီသီချင်းလာရင် မတ်တပ်ရပ်ရပါသတဲ့။ အဲဒီသီချင်းစာသားတွေက ဒီလိုပါ။

“ဘုရားသခင်သည် ကျေှးဇူးကြီးမားတော်မူသော ငါ၏ဘုရင်မင်းမြတ်ကို မစပါစေသတည်း။ မြင့်မြတ်သော စိတ်နှလုံးတို့နှင့်ပြည့်စုံတော်မူသော ငါတို့၏သခင် ဘုရင်မင်းမြတ်သည် သက်တော်ရာကျော် ရှည်မြင့်တော်မူပါစေသတည်း။

ဘုရားသခင်သည် ငါတို့၏သခင် ဘုရင်မင်းမြတ်အား ခပ်သိမ်းသော အောင်ပွဲတို့ကို ခံပါစေသတည်း။

ဘုရားသခင်သည် ငါတို့သခင် ဘုရင်မင်းမြတ်အား ဘုန်းတန်ခိုးတေဇော် ကျက်သရေတော် အပေါင်းတို့နှင့် ကောင်းကောင်းကြီး ပြည့်စုံပါစေသတည်း။

ငါတို့များစွာ သတ္တ၀ါအ၀ှန်းတို့ အဓွန့်ရှည်စွာ စောင့်ရှောက်အုပ်စိုးနိုင်ပါစေသတည်း။

အို ဘုရားသခင်၊ ဘုရင်မင်းမြတ်အား သနားသမှု ကြည့်ရှုမစတော်မူပါလော့။"

သီချင်းထဲမှာ ဘုရားသခင်ကို ဆုတောင်းဟန်နဲ့ ဘုရင်မင်းမြတ်ရှေ့မှာ နာမ၀ိသေသနတွေ ထည့်သွားလိုက်တာ ကျေးဇူးကြီးမားတော်မူသောတဲ့။

ုမြန်မာ့ယဉ်ကျေးမှုမှာ ကျေးဇူးတရားနဲ့ပက်သက်လာရင် အနန္တော အနန္တ ငါးပါးဖြစ်တဲ့ ဘုရား၊ တရား၊ သံဃာ၊ မိဘ၊ ဆရာပဲ ဦးထိပ်ထားလေ့ရှိပါတယ်။ ဘုရင်မင်းမြတ်မပါပါဘူး။ ဒါပေမယ့် သီချင်းစာသားထဲမှာ အင်္ဂလိပ်အုပ်စိုးသူ မာစတာတွေဟာ အမိအဖနေရာက တန်းညှိလာကြပါတယ်။ ငါတို့ကျေးဇူးတရားလို့ တယ်ကျူးရင့်ချင်လာပြီး ပြည်သူလူထုကိုလည်း အဲဒီသီချင်းကို နားထောင်ခိုင်း၊ ဆိုခိုင်းလို့ရတဲ့နေရာမှာ လိုက်ဆိုခိုင်း လုပ်ကြတာဟာဖြင့် မြန်မာပြည်သူလူထုကို ထင်သလိုစော်ကားတာပါပဲ။ အဲဒီကျေးဇူးဆိုတဲ့ နာမ၀ိသေသနအပြင် မြင့်မြတ်သော စိတ်နှလုံးနှင့် ပြည့်စုံတော်မူသောတဲ့၊ ငါတို့၏သခင်' တဲ့။ မသိမသာထည့်သွားတာ သုံးကြိမ်သုံးခါ တွေ့ရပါတယ်။ အဲဒါကျနော်တို့တတွေကို ' ငါတို့၏သခင် ဘုရင်မင်းမြတ်သာ မိဘ၊ ဘုရင်မင်းမြတ်သာ ဆရာ၊ ဘုရင်မင်းမြတ်သာ သခင်လူထုစိတ်ထဲ စွဲဝင်သွားစေချင်တာကိုး။ သူတို့က လူထုကို အဲသလို ကျွန်ဇာတ်သွင်း၊ အနန္တော၊ အနန္တငါးပါးနေရာမှာဝင်၊ ခြေတင်ချင်ကြတာပါ။

ကျွန်အဖြစ်မခံသော ပထမကျောင်းသားသပိတ်သို့

မာစတာတွေဟာ နည်းပေါင်းစုံနဲ့ ကျွန်ဇာတ်သွင်းလိုက်ကြတာ ၀ိုင်အမ်ဘီအေအသင်းကြီးရဲ့ ကွန်ဖရင့်တွေမှာ ဂျော့ဘုရင်နဲ့ မေရီမိဘုရားကြီးတို့ သက်တော်ရာကျော်ရှည်ပါစေ၊ ဘုရားသခင်က စောင့်ရှောက်ပါစေရယ်လို့ ဆုတောင်းမေတ္တာ ပို့ခဲ့ကြရသေးတာကလား။ စတုတ္ထအကြိမ် ဟင်္သာတကွန်ဖရင့်မှာလည်း ဂျော့ဘုရင်နဲ့ မြန်မာပြည်ဘုရင်ခံကို ကျေးဇူးသစ္စာစောင့်သိ ရိုသေပါကြောင်း အစည်းအဝေးမှာ ထည့်ပြောရပါသေးသတဲ့။ ဆဋ္ဌမအကြိမ် မော်လမြိုင်ကွန်ဖရင့်မှာ ပုဏ္ဏားသုံးယောက်က ဂျော့ဘုရင်ကို မေတ္တာရေစင်လောင်း၊ ဆုမွန်ကောင်းတွေလည်း တောင်းကြသေးသတဲ့။ ဒါ့အပြင် အင်္ဂလိပ်အုပ်ချုပ်ရေးအောက်မှာ အေးအေးချမ်းချမ်းနေကြရလို့ အုပ်ချုပ်သူမာစတာမင်းတွေကို ကျေးဇူးဥပကာရတင်ကြောင်း စကားဆိုခဲ့ကြသေးတယ်လို့ ဆိုသကိုး။

မာစတာတွေက ကျွန်ဇာတ်သွင်းသလို ကျနော်တို့ထဲကလူတွေကလည်း မျက်နှာလိုအားရနဲ့ ကျွန်ဇာတ်ကသူတွေက ကကြသေးတာဆိုတော့ ရာဇ၀င်ရိုင်းခဲ့ရတယ်လို့ ရှက်ရှက်နဲ့ဝန်ခံရမှာပါ။ ဒါပေမယ့် ၀ိုင်အမ်ဘီအေအသင်းကြီးဟာ နိုင်ငံအကျိုးပြုလုပ်ငန်းတွေလည်း လုပ်ခဲ့တာ ငြင်းလို့မရပါဘူး။

အဲဒီတုန်းက အစိုးရရုံးတွေက လူထုကိုဆင့်ဆိုတဲ့စာတွေထုတ်ရင် မောင်မင်း၊ မယ်မင်း နာခံရမည် ဆိုတဲ့ အသုံးအနှုန်းမျိုး သုံးနှုန်းထားတာကလား။ လူနာမည်ကိုလည်း ငဖြူ၊ ငမဲ စသဖြင့် ' ထည့်ပြီး နှိမ်ခေါ်တာပါ။ တောင်သူလယ်သမားခေါင်းဆောင် ဆရာစံအမှုတုန်းကဆိုရင်လည်း အဲဒီအခေါ်အဝေါ် ပြသနာ ကြုံခဲ့ပါသေးတယ်။

အဲဒီအခါက ဆရာစံဘက်က လိုက်ပါဆောင်ရွတ်တဲ့ ရှေ့နေတွေက ဒေါက်တာဘမော်၊ သခင်မြ၊ သခင်စိန်တို့ပါ။ အမှုစစ်ကတော့ ' ဆရာစံ လို့ပဲ ဆရာစံကို ခေါ်ကြပါတယ်။ ငစံလို့ မခေါ်ရကောင်းလားဆိုပြီး တရာသူကြီးဦးဘဦးက မကျေမနပ်ဖြစ်ပါသတဲ့။ ဒါကြောင့် ' ဒီမှာ သခင်ဘသောင်းရဲ့၊ ကျုပ်တို့ မြန်မာတွေကိုက မကောင်းတာဗျ လို့ ဒေါက်တာဘမော်က သခင်ဘသောင်းကို ပြောဖူးပါသတဲ့။

အဲလိုဈေးဖျက်မြန်မာတွေကလည်း ရှိသေးတာကိုး။ သခင်သီချင်းထဲမှာ ' ဈေးဖျက်မြန်မာဆိုတာ ကိုယ့်အသားကလောက်ပင်၊ မိုက်ကြေးသာခွဲချင်၊ ဒါမျိုးတော့ ခေါင်းဆောင်မတင်' လို့ ရေးဖွဲ့ ဆိုခဲ့ပါသေးတယ်။

ဒီလို ရင့်သီးတဲ့ အသုံးအနှုန်းတွေကို ၀ိုင်အမ်ဘီအေအသင်းကြီးက ကန့်ကွက်ပါတယ်။ အင်္ဂလိပ်၊ မြန်မာ၊ ဥရောပသားရယ်လို့ မခွဲခြားပဲ ပညာရေးဥပေး တမျိုးတည်းရှိသင့်တယ်လို့လည်း တောင်းဆိုခဲ့ပါတယ်။အဲဒီတုန်းက မြန်မာကျောင်းသားတွေ ကျောင်းခန်းထဲဝင်ရင် ဘွတ်ဖိနပ်စီးရတာ၊ မြန်မာဖိနပ်စီးခွင့်ပြုဖို့လည်း ၀ိုင်အမ်ဘီအေက တောင်းဆိုခဲ့ပါတယ်။ စီးပွားရေးအားဖြင့်ဆိုရင် လယ်ယာတွေကို နိုင်ငံခြားသားကို ပိုင်ဆိုင်ခွင့်မပေးဖို့၊ ဆန်ဈေးကို မကန့်သတ်ဖို့၊ ဆန်ရောင်းလို့ရတဲ့အမြတ်ကို မြန်မာနိုင်ငံမှာပဲသုံးစွဲဖို့ အဆိုပြုခဲ့တာတွေလည်း ရှိပါတယ်။ ဒါပေမယ့် နိုင်ငံရေးအားဖြင့်ဆိုရင်တော့ ဘာတောင်းဆိုချက်မှ မတောင်းဆိုနိုင်ခဲ့သလောက်ပါပဲ။

အုပ်ချုပ်သူရဲ့ အင်ပါယာကိုစိမ်ခေါ်ပြီး တနိုင်ငံလုံး ထကြွနိုးကြားလာစေခဲ့တာတော့ ပထမကျောင်းသားသပိတ်ပဲ ဖြစ်ပါတယ်။

လူတိုင်းခေါင်းဆောင်

၁၉၂၀ မတိုင်မီက မြန်မာပြည်မှာ တက္ကသိုလ်ရယ်လို့ မရှိသေးပါဘူး။ ရန်ကုန်တက္ကသိုလ်နဲ့ ယုဒသန်ကောလိပ်ပဲ ရှိတာပါ။ အဲဒီတော့ ၀ိုင်အမ်ဘီအေခေါ်တဲ့ ဗုဒ္ဓကလျာဏယုဝအသင်းက မြန်မာပြည်မှာ တက္ကသိုလ်သီးခြားရှိရမယ်ဆိုပြီး ကြွေးကြော်တိုက်တွန်းပါတယ်။ ဒါကြောင့် ပညာမင်းကြီး မစ္စတာမက်သယူးဟန်တား ဦးစီးလို့ တက္ကသိုလ်အက်ဥပဒေရေးဆွဲဖို့ ကော်မတီတရပ်ကို ၁၉၁၈ ဇွန်လမှာ ဖွဲ့စည်းပြီး၊ ၁၉၂၀ မှာတင်သွင်း၊ ဒီဇင်္ဘာ ၃ရက်နေ့မှာ ကောလိပ်ကျောင်းသားကြီး ၁၁ဦးဟာ ရွှေတိဂုံစေတီတော် အနောက်တောင်ထောင့် ဗောဓိပင်အနီးမှာ ဒီဥပဒေကို လျှို့ဝှက်ဆွေးနွေးကြပြီး သပိတ်မှောက်ဖို့ ဆုံးဖြတ်ကြပါတယ်။ ကောလိပ်ကျောင်းသားတွေလည်း သပိတ်မှောက်ရော တပြည်လုံးက အထက်တန်းကျောင်းသားတွေလည်း သပိတ်ထဲ ပါလာကြပါတယ်။ မန္တလေးမှာ သပိတ်မှောက်ကျောင်းသားတွေ မြို့ထဲလှည့်လည်ကြတော့ ရာဇ၀တ်ဝန်မက်ဒေါ်နယ်နဲ့ တွေ့ကြပါလေရော။

' ကျောင်းသားခေါင်းဆောင်ဘယ်သူလဲ ' လို့ရာဇ၀တ်ဝန်က အင်္ဂလိပ်လိုမေးပါတယ်။ ဒီတော့ ခေါင်းဆောင်တယောက်ဖြစ်တဲ့ သခင်ဘသောင်းဖြစ်လာမယ့် မောင်ဘသောင်းက ဒီလိုပြန်ဖြေလိုက်ပါသတဲ့။ ၏"Everybody is the leader of himself” (
လူတိုင်း ကိုယ့်ကိုယ်ကို ခေါင်းဆောင်နေကြတာပဲ။) ဒီစိတ်ဓါတ်ဟာ သခင်စိတ်ဓါတ်ရဲ့ အတွင်းအနှစ်ပဲ ဖြစ်ပါတယ်။ သခင်စိတ်ဓါတ် အလုံးစုံရဲ့ အုတ်မြစ်လည်းဖြစ်ပါတယ်။ သူတို့ကိုယ်သူတို့ မာစတာလို့ထင်ရှာနေတဲ့ ရာဇ၀တ်ဝန် မက်ဒေါ်နယ်လှည့်ပြန်သွားရတဲ့ စကားတခွန်းလည်းဖြစ်ပါတယ်။

လူတိုင်းဟာ ကြောက်စိတ်တွေကို ပယ်ဖျောက်၊ အပြုခံစိတ်တွေကို ဖယ်ရှားပြီး ကျွန်ဘ၀ လွတ်မြောက်ရေးကို လျှောက်လှမ်းရမယ်လို့ တဦးချင်းက ဆုံးဖြတ်ချက်ရှိရှိနဲ့ မိမိကိုယ်ကို ဦးဆောင်ကြမှသာ သခင်ဘ၀နဲ့ နီးစပ်တော့မှာကိုး။ မာစတာ အင်္ဂလိပ်တွေ ဖြစ်စေချင်တဲ့အတိုင်း အမြီးကုပ်နေလို့ကတော့ ကျွန်ဟာ ကျွန်ပဲဖြစ်နေမှာပါ။ ဒါကြောင့် လူတိုင်းဟာ ခေါင်းဆောင်ဖြစ်တယ်လို့ သခင်ဘသောင်းက ပြောတာပါ။ ဒါကြောင့် လူတိုင်းဟာ ကျွန်ဘ၀လွတ်မြောက်ရေးဆီ ကိုယ့်ကိုယ်ကိုမှ ဦးဆောင်မသွားနိုင်လို့ကတော့ ၀ပ်ကျင်းထဲက ဘယ့်နှယ်လွတ်နိုင်ပါ့မလဲ။

အင်္ဂလိပ် ဂျပန်လက်အောက်က မြန်မာပြည်လွတ်လပ်ခဲ့တာ ဒီစိတ်ဓါတ်ကြောင့်ဖြစ်တယ်။ ကိုယ့်အသိစိတ်နဲ့ကိုယ် မကြောင်မရွံ့ နောက်မတွန့်ဘဲ လုပ်ခဲ့ကြသူတွေ ရှိလို့သာဖြစ်တယ်။ ဒါအရေးကြီးတဲ့ သင်ခန်းစာတရပ်ပါပဲ။

သပိတ်ပြီးတဲ့အခါ မာစတာတွေရဲ့အကြံ

အင်္ဂလိပ်လက်အောက်မှာ အိန္ဒိယနဲ့မြန်မာရယ်လို့ နယ်စပ်ချင်းထိစပ်နေတဲ့ နိုင်ငံနှစ်နိုင်ငံရှိပေမယ့် မြန်မာကိုချန်ပြီး အိန္ဒိယကို အုပ်ချုပ်ရေးတိုးမြှင့်ပေးမယ်လို့ ၁၉၁၇ သြဂုတ် ၂၀မှာ အင်္ဂလိပ်အစိုးရက ကြေငြာပါတယ်။ အိန္ဒိယပြည်ကို ဘယ်လိုအုပ်ချုပ်ရေးမျိုးပေးသင့်သလဲ စုံစမ်းဖို့ အိန္ဒိယနိုင်ငံဆိုင်ရာ အတွင်းဝန် မွန်တေဂူကို အိန္ဒိယလွှတ်တော့ မြန်မာတွေလည်း အုပ်ချုပ်ရေးတိုးမြှင့်ပေးဖို့ တောင်းဆိုရအောင် ၀ိုင်အမ်ဘီအေက ကိုယ်စားလှယ်တဖွဲ့ စေလွှတ်လိုက်ပါတယ်။ ဒါပေမယ့် မွန်တေဂူအစီရင်ခံစာ ထွက်လာတော့ မြန်မာနိုင်ငံက နိုင်ငံရေးနိုးကြားမှုမရှိသေးလို့ အုပ်ချုပ်ရေးအဆင့်တိုးမြှင့်ပေးဖို့ စောပါသေးတယ်တဲ့။ ဒါနဲ့ ၁၉၁၉မှာတကြိမ်၊ ၁၉၂၀မှာတကြိမ် ( ဖေ၊ပု၊ရှိန်နဲ့ဖေ၊ပု၊သိန်း ) ကိုယ်စားလှယ်နှစ်ဖွဲ့ သွားအရေးဆိုပေမယ့် အင်္ဂလိပ်အစိုးရက စိတ်မ၀င်စားလှပါဘူး။

ဒါပေမယ့် ၁၉၂၀ ဒီဇင်္ဘာလမှာ ပထမကျောင်းသားသပိတ်ကြီးပေါ်လာပြီး တနိုင်ငံလုံးမှာ အမျိုးသားကျောင်းတွေပေါ်လာ၊ ဂျီစီဘီအေအသင်းကြီးရဲ့ နမ၀အကြိမ်မြောက် ကွန်ဖရင့်ကလည်း ကိုယ်ပိုင်အုပ်ချုပ်ရေးကို တောင်းဆိုလာတယ်ဆိုတော့ အင်္ဂလ်ိပ်တွေ မနေသာတော့ပါဘူး။ ( G.C.B.A ရဲ့အရှည်က General Council of Buddhist Association ပါ။ ၁၉၂၀ အဋ္ဌမအကြိမ်မြောက် ကွန်ဖရင့်မှာ ၀ိုင်အမ်ဘီအေကို ဂျီစီဘီအေအဖြစ် ပြောင်းလဲခဲ့တာပါ။ )
ဒါနဲ့ မြန်မာကို အုပ်ချုပ်ရေးတိုးမြှင့်ပေးဖို့ လေ့လာရအောင်ဆိုပြီး ဆာအေဖရိုက်ဒရစ်ဝှိုက် ဦးစီးတဲ့ ကော်မတီတခုကို ၁၉၂၁ခုနှစ်မှာ မြန်မာနိုင်ငံကို စေလွှတ်လိုက်ပါတယ်။ အဲဒီကောင်မတီကို ၀ှိုက်ကော်မတီရယ်လို့ သမိုင်းမှာ လူသိများကြပါတယ်။ တကယ်တော့ အင်္ဂလိပ်တွေပေးချင်တာက ဒိုင်အာခီ ( Dyarchy ) အုပ်ချုပ်ရေးပုံစံပါ။

တင်မောင်သန်း၏သခင်နိုင်ငံတော်စာအုပ်မှ ကူးယူမျှဝေပေးပါသည်။

သခင်စိတ်ဓါတ် သခင်အကျင့် (၂)

ဒိုင်အာခီအုပ်ချုပ်ရေး

ဒီအုပ်ချုပ်ရေးကို အင်္ဂလိပ်က ၁၉၂၃ မှာပေးပါတယ်။ အဲဒီအုပ်ချုပ်ရေးမှာ ၁၀၂ဋ္ဌာနခွဲထားပြီး ဗြိတိသျှအိန္ဒိယ ဗဟိုအစိုးရက ၄၇ဋ္ဌာန၊ မြန်မာနိုင်ငံဘုရင်ခံက ၃၃ဋ္ဌာန၊ ရွေးကောက်တင်မြှောက်တဲ့ ဥပဒေပြုကောင်စီအမတ်တွေက ၂၂ဋ္ဌာန တွဲဖက်အုပ်ချုပ်မယ့် အုပ်ချုပ်ရေးဖြစ်ပါတယ်။ ရွေးကောက်တင်မြှောက်တဲ့ ဥပဒေပြုကောင်စီအမတ်တွေ ပါတယ်ဆိုတော့ လူထုဆန္ဒသဘောထားကို အင်္ဂလိပ်တွေက လေးစားသယောင်ယောင်ပါပဲ။ ဒါပေမယ့် အမတ်အချိုးကျပုံကို ကြည့်လိုက်တော့ ဗမာတိုင်းရင်းသားတွေအတွက် ၅၈ နေရာ၊ ကရင်အမျိုးသားတွေအတွက် ၅ နေရာ၊ ဗမာကုန်သည်ကြီး အသင်းအတွက် ၁ နေရာ၊ ပေါင်း ၆၄ နေရာပဲရှိပါတယ်။ ရာနှုန်းအားဖြင့် ၆၂ ရာနှုန်းပါ။ ဘုရင်ခံက တိုက်ရိုက်ခန့်တာ ၂၁ ယောက်၊ အစိုးရအရာရှိက ၂ ယောက်၊ ပေါင်း ၂၃ ယောက်ရှိပါတယ်။ ရာနှုန်းအားဖြင့် ၂၃ ရာနှုန်းကို ဘုရင်ခံက တိုက်ရိုက်ချုပ်ထားလေရဲ့။ သွယ်ဝိုက်ပြီး အိန္ဒိယအမျိုးသားတွေအတွက် ၈ နေရာ၊ အင်္ဂလိပ်ကပြား ၁ နေရာ၊ ဥရောပတိုက်သား ၁ နေရာ၊ တက္ကသိုလ်ကျောင်းကိုယ်စားလှယ် ၁ နေရာ၊ ဥရောပကုန်သည် ၂ နေရာ၊ တရုတ်ကုန်သည် ၁ နေရာ၊ ဥရောပတိုက်သား ရောင်းဝယ်ရေးအဖွဲ့ ၁ နေရာ၊ အိန္ဒိယအမျိုးသားကုန်သည် ၁ နေရာ၊ ပေါင်း ၁၆ နေရာမို့ ၁၅ ရာနှုန်းရှိပါတယ်။

ဒါကြောင့် ဒိုင်အာခီဥပဒေပြုကောင်စီဆိုတာ ဘုရင်ခံမာစတာဆက်လုပ်နိုင်ဖို့ အချိုးကျဖွဲ့ထားတဲ့ ကောင်စီလိုိ့ ပြောနိုင်ပါတယ်။ သူကလက်ဝါးကြီးအုပ်ချုပ်ထားတာကိုက ၂၃ ရာနှုန်း ရှိပေတာကိုး။ သွယ်ဝိုက်ပြီး အုပ်ချုပ်ထားတာကိုက ၁၅ ရာနှုန်းပါ။ ဒီတော့လူထုက မဲပေးနိုင်တာ ၆၂ ရာနှုန်းပဲ ရှိပါတော့တယ်။ ဒါအင်္ဂလိပ်လက်ထက်မှမဟုတ်ပါဘူ။ ဂျပန်လက်ထက် ဖွဲ့စည်းပုံကို ကြည့်ရင်လည်း ဒီအတိုင်းပါပဲ။ ရာနှုန်းပြည့်ရွေးချယ်မှုပေးခြင်းဟာ လူထုကိုသခင်အဖြစ် သဘောထားတာဖြစ်လို့မို့ မြန်မာပြည်သူပြည်သားတွေကို ကျွန်လို့သဘောထားတဲ့ အင်္ဂလိပ်၊ ဂျပန်၊ မာစတာဘွဲ့ခံတွေက ဘယ်တော့မှ ဒီအခွင့်အရေးကို မပေးခဲ့ပါဘူး။

ပြီးတော့ ၆၂ ရာနှုန်းဆိုတဲ့ အမတ်တွေထဲမှာပဲ ကျွန်စိတ်ဝင်နေတဲ့သူတွေက ရှိပေသေးတာကိုး။ ဒီတော့ နေရာလေးတနေရာရဖို့ အချင်းချင်းပုတ်ခတ်ပြောဆိုကြနဲ့
“ဒေါင်းယောင်နေ၊ မှေးသကိုအခိုက်တွင်မှ၊
ခေါင်းဆောင်တွေ ရှေးနဂိုရ် မလိုက်ပြန်တော့၊
အရေးထိုထို၌ အခိုက်အခွင့်မဟန် အိုကွယ်
ခွေးလိုကိုက်ချင်တဲ့ စရိုက်အကျင့်တန်" - ကြသူတွေကလည်း မနည်းပေဘူး။

ဒိုင်အာခီဘတ်ဂျက်

ထုံးစံအတိုင်းပါပဲ။ မြန်မာတွေ သခင်စိတ်ဓါတ်ထွန်းကားပြန့်ပွားလာတာကို မာစတာတွေက ဘယ်ကြိုက်ပါ့မလဲ။ သခင်တွေက သခင်အကျင့်ကို ကျင့်ကြံလာကြသလိုပဲ မာစတာတွေကလည်း မာစတာအကျင့်အကြံတွေနဲ့ လုပ်ကြံလာကြတာပေါ့။ ထုံစံအတိုင်း ပုလိပ်အဖွဲ့ အသုံးဘတ်ဂျက်ပိုသုံးလာကြပြီး ဖိနှိပ်ဖို့ကြိုးစားလာကြပါတယ်။ ၁၉၂၇-၂၈ ဘတ်ဂျက်မှာ ပုလိပ်အဖွဲ့အသုံးစရိတ်က ၁၄၈ သိန်းပါ။ ၁၉၃၇-၃၈ ခုနှစ်အတွက် ဘဏ္ဍာရေးဝန်ကြီးချုပ် (အဲဒီတုန်းက ၀န်ကြီးကို ၀န်ကြီးချုပ်လို့ သုံးနှုံးကြပါတယ် ) လျာထားတာက ၁၅၂သိန်းခွဲ၊ ဒေါက်တာဘမော်ကြီးမှူးတဲ့ အစိုးရလက်ထက်ရောက်တော့ ၁၅၄သိန်းခွဲသုံးစွဲလာပြီး ၂သိန်းခွဲပိုလာပါတယ်။ ဒါကိုဆရာကြီးသခင်ကိုယ်တော်မှိုင်းက သူ့ရဲ့သခင်ဋီကာမှာ "ပုလိပ်အဖွဲ့ကြီးတခုလုံး အားထားမှီခိုရာဖြစ်သော ပြည်ထဲရေးဝန်ကြီးချုပ် ဦးပေါ်ထွန်းသည် လွန်ခဲ့သော တပေါင်းလ လွှတ်တော်အစည်းအဝေးတွင် ကျွန်ုပ်တို့သခင်လေးများကို တိုင်းပြည်၌လှည့်လည်၍ ခဏခဏတရားဟောပြော မျက်စိဖွင့်ပေးသဖြင့် သခင်တိုင်းကို မိမိက အကြောင်းသိအောင်လုပ်မည်ဟု ၀န်ကြီးချုပ်ပီပီ ဆဲရေးတိုင်းထွာပြီးလျှင် ပုလိပ်အဖွဲ့၌ သခင်များတရားဟောသော အရပ်ဒေသတိုင်း စုံထောက်များကို ခြေချင်းရှုပ်အောင်လွှတ်ခြင်း၊ ဤကဲ့သို့ လွှတ်ခြင်းအားဖြင့် ပုလိပ်အဖွဲ့များမှာ ခရီးစရိတ်များ အလွန်အမင်းကုန်ကျမည်ကိုသိသည်နှင့် ပုလိပ်အဖွဲ့ရံပုံငွေ၌ ယခုနှစ်အတွက် ငွေ ၂သိန်းပိုမို၍ အမြော်အမြင်ကြီးကြီးနှင့် ထားဟန်တူလေသည်ဟဲ့" လို့ ရေးပါတယ်။

အဲဒီနှစ်ဘတ်ဂျတ်ကိုလေ့လာကြည့်ရင်

ဗမာပြည်၊ရှမ်းပြည်ကာကွယ်ရေးစစ်တပ်                         ၂၇၁
ပုလိပ်အဖွဲ့ ၁၅၄.၅
၄၀၀၀ိ/-စားရှေ့နေချုပ်ကြီးမှစ၍
အထွေထွေအစိုးရအမှုထမ်းများ ဆောင်ရွက်ရန် ကုန်ငွေ    ၁၂၁
အရပ်ရပ်ရုံးတို့က စီရင်ရ၍စားရိတ်                                     ၅၅
ထောင်အရာရှိအမှုထမ်းစားရိတ်                                         ၃၄
ပဋိညာဉ်ခံအရာရှိကြီးများစားရိတ်                                     ၁၃၂
စုစုပေါင်း                                                                       ၇၆၇.၅ သိန်း

ဒါသခင်တွေရဲ့ မာစတာအုပ်ချုပ်သူများကို ဆန့်ကျင်ကြတဲ့ ပုဂ္ဂိုလ်တွေကို ဖိနှိပ်တဲ့ယန္တယားအတွက် ကုန်ကျစားရိတ်ပါ။ ညွန့်ပေါင်းအစိုးရက အဲဒီနှစ် သုံးငွေစုစုပေါင်း ၁၅၃၂ သိန်းရှိတာမို့ ၅၀ရာခိုင်နှုန်းနီးနီး သုံးတယ်လို့ဆိုရမှာပေါ့။ ပညာရေးအသုံးစားရိတ်က ၆.၄၈ ရာနှုန်း၊ ကျန်းမာရေးအသုံးစားရိတ်က ၃.၈၉ရာနှုန်းပဲ ရှိတာကိုး။ အဲဒီနှိပ်ကွပ်အုပ်ချုပ်ရေး အသုံးစားရိတ်တွေကာမိအောင် အခွန်တွေကလည်း တမျိုးပြီးတမျိုး လူထုအပေါ်ကောက်ခံပါတယ်။ "သြော် အခါန်ပဏ္ဏာတွင်တွင်နဲ့ ၀န်ဘလာတင်တဲ့၊ မွန်မြန်မာတခွင်မှာ ကျွန်ရာဇ၀င်အရိုင်းငယ်နဲ့" ဆိုသလိုပါပဲ။ လူထုကို ၀န်ထုပ်ဝန်ပိုးအမျိုးမျိုးနဲ့ ဖိထားတာပါ။ ဒါမာစတာတွေရဲ့ ဘတ်ဂျက်ပါ။ တိုင်းပြည်အပေါ်မှာ ဘယ်လောက်စေတနာထားတယ်၊ ကိုယ့်မာစတာဘ၀ တည်မြဲရေးအတွက် ဘယ်လောက်သုံးတယ်ဆိုတာ ဒီဘတ်ဂျက်က အထင်အရှားပြနေတာမဟုတ်လား။

ကျွန်အမျိုးမျိုးနဲ့ ကျွန်အကျင့်

အင်္ဂလိပ်ပဲဖြစ်ဖြစ်၊ ဂျပန်ပဲဖြစ်ဖြစ်၊ ဘယ်လူမျိုးပဲဖြစ်ဖြစ်ပါ။ သူတို့ မာစတာဘ၀ သက်ဆိုးရှည်ချင်ကြစမြဲပေကိုး။ ဒီတော့ သူတို့ခိုင်းသမျှ ဖြစ်စေလိုသမျှ လုပ်ပေးကိုင်ပေးမယ့် လူတွေကို ကျွန်လေးမျိုးစာရင်းမှာ သွတ်သွင်းပါတယ်။ အဲဒီကျွန်လေးမျိုးကတော့   (၁) အန္တောဇာတ -      ခြံပေါက်ကျွန် (၀ါ)ရုံးပေါက်ကျွန်
(၂) ဓနတ္တိက -           ငွေဝယ်ကျွန် (၀ါ) လခပေးလျှင်ခွေးလိုလုပ်ရသောကျွန်
(၃) သယံဒါယ –         ကျွန်စော်နံ၍ ကိုယ်တိုင်ကျွန်တော်မျိုးခံတော မေတ္တာရိကျွန်
(၄) ကရမရာနီက –     သုံ့ပန်းကျွန်တဲ့

အင်္ဂလိပ်လက်ထက် ဂျပန်လက်ထက် ဘယ်လက်ထက်ပဲကြည့်ကြည့် မာစတာတွေဟာ သူတို့အုပ်ချုပ်ရေးမှာ လက်ရင်းခြံပေါက်ကျွန်တွေကို အားကိုးအားထားပြုကြတာကလား။ ပြီးတော့လွတ်လပ်ရေးလှုပ်ရှားမှုတွေမှာ ပါနေတဲ့ အချို့သောခေါင်းဆောင်တွေကို ၀ယ်ယူဖို့ကြိုးစားကြတာလည်း သမိုင်းမှာတွေ့ရပါတယ်။ ဒိုင်ယာခီအုပ်ချုပ်ရေးမှာ ၂၅၀ိ/-စား၊ ၅၀၀ိ/-စား၊ ၄၀၀၀ိ/-စား ရာထူးတွေနဲ့ မျှားလိုက်တော့ ကျွန်သက်မစင်သေးတဲ့သူတွေပါသွားကြပြီး အချင်းချင်းလည်း ပဋိပက္ခတွေဖြစ်ကြပါကုန်ရော။

"နွံနစ်ရှာတောင် ကျွန်ခေတ်ငါတကောင်ဟဲ့လို့
စွာဟောင်ဟောင်သို့ကလောက် ဟိန်းကြလျှင်ဖြင့်
မှောက်ကိန်းအရှည်သွားမည်ကြောင့်
ငွေငါးထောင်အရာလုတွေကဖြင့်
သာဓုခေါ်စရာ အကြော်အညာ" - လို့ ဆရာကြီးသခင်ကိုယ်တော်မှိုင်းက လေးချိုးကြီးဖွဲ့ပြီး သတိပေးခဲ့ဖူးပါတယ်။

စာဏကျနီတိကျမ်းစကားအရဆိုလည်း ကျွန်ကျင့်ဆိုတာ သခင်မွေးတဲ့ခွေးတွေကျင့်သလိုပဲတဲ့။ အဲဒီအကျင့်တွေက-
(၁) သခင့်အကြိုက် သခင့်အလိုလိုက်ပြီး အကိုက်ခိုင်းလျှင်ကိုက်ခြင်း၊ အဟောင်ခိုင်းလျှင် ဟောင်ခြင်း၊ အဟိန်းခိုင်းလျှင် ဟိန်းခြင်း၊
(၂) သခင်ပေးတာ ကျွေးသဟာ ခွေးစာပင်နည်းသော်လည်း ရောင့်ရဲတင်းတိမ်ခြင်း၊
(၃) ကိုယ့်အရှင်ကို ခင်မင်လွန်းခြင်း ချစ်ခင်ခြင်း၊
(၄) မကြောက်မရွံ့ နောက်မတွန့်မူ၍ စွန့်စွန့်စားစား သခင်အားရ ကျွန်ဒဏ်ဝ ဆိုသလို ဇွဲသန်ရခြင်းတဲ့။

ကျွန်ဆိုတာကတော့ မာစတာရဲ့ မျက်နှာရိပ် မျက်နှာကဲကို ကြည့်နေတာ။ ကိုယ်မှန်တယ်ထင်တဲ့ အတိုင်းမပြောပဲ မာစတာကြားချင်တဲ့ စကားမျိုးပြောကြတာကိုး။ အဲဒီစိတ်ရှိသူတွေကို အသပြာရာထူးနဲ့မျှားလိုက်ရော အရာလုတွေ ဖြစ်ကုန်လေရော မဟုတ်လား။ ဒါကို-

“ငွေငါးထောင် အစာဒုလ္လဘရယ်ကြောင့်
ပြည်အားတောင် မဖြုန်သပရယ်လို့
မဟာသူပုန်ထခဲ့တဲ့ အရေးတတ်တွေ
အမွေးခပ်ရှည်ရှည်ရယ်နှင့် အမိုက်ဝါသနာကိုး
(အရီးစိမ်းကြီးရယ်) ခွေးအငတ် မပြေတပြေတွေမှာဖြင့် ကိုက်စရာအရိုး"- လို့ အဲဒီတုန်းက ဒိုင်အာခီနေရာလုေ်နကြတဲ့သူတွေကို ဆရာကြီးက ခွေးဋီကာဖွဲ့ပြီး သရော်ခဲ့ ကလော်ခဲ့ဖူးပါတယ်။

မြန်မာတွေ ဂိုဏ်းဂဏပြင်းကြပုံ


ဒိုင်အာခီအုပ်ချုပ်ရေးမှာ ရွေးကောက်ပွဲဝင်သင့် မ၀င်သင့်ဆိုပြီး ဂျီစီဘီအေအဖွဲ့ချုပ်ကြီးကွဲပါတယ်။ တဂိုဏ်းက ၀င်သင့်တယ်ဆိုတဲ့ ဦးဘဖေ၊ ဦးမောင်ကြီး၊ ၀တ်လုံဦးပုတို့ ဂိုဏ်းဖြစ်ပြီး၊ မ၀င်သင့်ဘူးဆိုတာကတော့ ဦးချစ်လှိုင်၊ ဦးပု၊ ဦးထွန်းအောင်ကျော်တို့ဂိုဏ်းဖြစ်ပါတယ်။ အတိုကောက်အားဖြင့် လှိုင်၊ပု၊ကျော် ဂျီစီဘီအေဆိုပြီး နာမည်တွင်ပါတယ်။ အဲဒီ လှိုင်၊ပု၊ကျော်အုပ်စုက အစိုးရနဲ့မဆက်ဆံ၊ ဒိုင်အာခီအသိအမှတ်မပြု၊ အခွန်မပေးဆိုတဲ့ ရည်ရွယ်ချက်တွေနဲ့ ဆက်လှုပ်ရှားတာ သမိုင်းမှာ ဘူး အသင်းရယ်လို့ ထင်ရှားခဲ့ပါတယ်။ အစိုးရကို မဆက်ဆံဘူး၊ ဒိုင်အာခီကို အသိအမှတ်မပြုဘူး၊ အခွန်မပေးဘူးလို့ ကြွေးကြော်တဲ့အတွက် ဘူးအသင်းရယ်လို့ တွင်သွားတာပါ။

ဒါပေမယ့် ဦးချစ်လှိုင်ဂျီစီဘီအေအသင်းကြီးမှာလည်း ခေါင်းဆောင်အချို့ ငွေရေးကြေးရေး သုံးစွဲမှုနဲ့ပက်သက်ပြီး မကျေနပ်ကြလို့ ၁၉၂၅ ရောက်တော့ ဦးစိုးသိန်းကို မနှစ်သက်ကြတဲ့သူတွေက ခွဲထွက်ပြန်ပြီး ဦးစုကို ခေါင်းဆောင်တင်လိုက်တာ ဂျီစီဘီအေအဖွဲ့ကြီး အစိတ်စိတ်အမွှာမွှာ ဖြစ်ပါလေရော။ အဲဒီလိုကွဲတဲ့ အဖွဲ့အသီးသီးမှာ ဆက်ဆက်ကွဲလိုက်ကြတာ ဂျီစီဘီအေနာမည် ပျောက်သလောက် အခြေအနေကို ရောက်သွားပါတယ်။

အဲဒီလို မြန်မာတွေကွဲကြ၊ ဂိုဏ်းဂဏပြင်းထန်လိုက်ကြပုံများ ပြန်တွေးရင် ရှက်စရာကောင်းလွန်းလို့ ပြောဖို့ခက်တဲ့ အကြောင်းလေးတကြောင်းတောင် သမိုင်းထဲမှာ တွေ့ရပါတယ်။ အဲဒီအကြောင်းလေးက ဆရာတော်ဦးဥတ္တမနဲ့လည်း ပက်သက်နေပါတယ်။

၁၉၂၄ သြဂုတ်လမှာ မန္တလေး လှိုင်၊ပု၊ကျော် ဂျီစီဘီအေ ၀ံသာနုအဖွဲ့က ဆရာတော်ဦးဥတ္တမကို မန္တလေးကိုပင့်ပါတယ်။ ဆရာတော်ဦးဥတ္တမလည်း ထောင်ကလွတ်တော့ ၁၉၂၂မှာ ဒိုင်အာခီကို လက်မခံ။ ရွေးကောက်ပွဲကို သပိတ်မှောက်ရမယ်လို့ တရားဟောဘူးတာကိုး။ ဆရာတော်မန္တလေးကြွချိန်မှာ ဒိုင်အာခီလက်ခံတဲ့ ၂၁ ဦးအဖွဲ့နဲ့ လက်မခံတဲ့ ၀ံသာနုအဖွဲ့တွေကြား တင်းမာနေကြပါတယ်။ ဒီတော့ ရွေးကောက်လက်ခံတဲ့ ၂၁ဦးအဖွဲ့သားတွေက သူတို့နေထိုင်ရာ ရပ်ကွက်ကို ဖြတ်ပြီး ဆရာတော်ဦးဥတ္တမကိုယ်တော်ကို ပင့်ဆောင်ခွင့်မပြုဖို့ အရေးပိုင်ဆီ စာတင်ကန့်ကွက်ကြပါသတဲ့။ ရာဇ၀တ်ဝန်က အဲဒီရပ်ကွက်ကို ရှောင်ပင့်ဖို့တားပါတယ်။ ဒီလိုနဲ့ ကျောက်သွေးတန်းရောက်တော့ ၀ံသာနုတွေအပေါ် ခဲကျပါလေရော။ ဒါနဲ့ ခဲနဲ့ပေါက်တယ်လို့ မသင်္ကာတဲ့ ရွှေမောင်းတိုက်ကို ၀ံသာနုတွေက အတင်းဝင်ဖို့ကြိုးစားတော့ ပုလိပ်ကတားရာက ရုန်းရင်းဆန်ခတ်ဖြစ်။ နောက်ဆုံး ပုလိပ်က သေနတ်နဲ့ပစ် လူစုခွဲတော့တဲ့အထိ ဖြစ်ပါတယ်။ ဒီအဓိကရုဏ်းမှာ ဆရာတော်ဦးစန္ဒိမာ သေနတ်ဒဏ်ရာနဲ့ ပျံလွန်တော်မူရှာပါတယ်။

ဒီအဖြစ်အပျက်လေးဟာ မြန်မာ့သမိုင်းမှာ အမာရွတ်ထင်ကျန်ခဲ့တာပါ။ အင်္ဂလိပ်မာစတာတွေက ကွဲပြဲစေချင်သလို မြန်မာတွေကလည်း တဦးအပေါ်တဦး သဘောထားမကြီးကြပဲ မာစတာအလိုကျ ကွဲခဲ့ကြတာကလား။

ပြသနာတရပ်အပေါ်မှာ သဘောကွဲလွဲကြလို့ တဦးကိုတဦး မပုတ်ခတ်၊ ကိုယ်ထိလက်ရောက် ပြုမူခြင်းမရှိမှသာ ဒါအထက်တန်းကျတဲ့ စိတ်ဓါတ်ဖြစ်ပါတယ်။

ခုတော့ရပ်ကွက်ထဲ အဖြတ်မခံတာတို့ ခဲပေါက်တာတို့ထိ မာစတာတွေက ကျွန်တွေမှာ အောက်တန်းကျတဲ့ စိတ်ပေါ်စေချင်တဲ့အတိုင်း စိတ်ဓါတ်ရေးရာ အောက်တန်းကျခဲ့တာဟာဖြင့် သခင်စိတ်ဓါတ်နဲ့ ကျွန်စိတ်ဆိုတဲ့ မြန်မာတွေရဲ့ စိတ်ဓါတ်ရေးရာသမိုင်းမှာ အမဲစက်ထင်ခဲ့တယ်လို့ ပြောရမှာပါပဲ။

ဒါကြောင့်လဲ တို့ဗမာသီချင်းထဲမှာ "သခင်ကျင့်ကို ကျင့်ကြပါ။ သခင်မျိုးဟေ့ တို့ဗမာ။ မိုးအောက်မြေပြင်မှာ အထက်တန်းစိတ်နဲ့ စာမရီသွေးတို့ဗမာ" ရယ်လို့ ရေးခဲ့တာပဲထင်ပါတယ်။ "မိုးအောက်မြေပြင်မှာ အထက်တန်းစိတ်"ဆိုတဲ့ စာလုံးလေးကို မမေ့ကြဖို့ လိုကြမယ်လို့ ထင်ပါရဲ့။

သခင်အစ

အဲဒီလို ဂိုဏ်းဂဏတွေ ပြင်းထန်ကြ၊ မာစတာချိုးတဲ့ဖဲကိုလုရာက တဦးနဲ့တဦး ပုတ်ခတ်စော်ကားကြနဲ့ ဖြစ်ပျက်နေကြတာကို ကျောင်းသားလူငယ်တွေက ဘ၀င်မကျကြပါဘူး။ ဒီလိုသွားလို့တော့ဖြင့် မဖြစ်ပေဘူးရယ်လို့ နားလည်လာကြပါတယ်။

ဒါနဲ့ ၁၉၃၀ ပြည့်နှစ် နွေဦးကာလမှာ သခင်ဘသောင်းနဲ့ လူငယ်တစုဟာ အဖွဲ့အစည်းတရပ်ထူထောင်ဖို့ ဆွေးနွေးကြပါတယ်။ အဲဒီလူငယ်တွေကတော့ သခင်ဘသောင်း၊ ဓာတုဗေဒ ကိုလှဘော်၏(သခင်လှဘော)၊ မြန်မာပြည်စာအုပ်အသင်းက ကိုသိန်းမောင် (သခင်သိန်းမောင်)၊ အမြတ်တော်ကြေးရုံးက ကိုအုံးခင် (ခြေလျင်)တို့ပါပဲ။

နိုင်ငံရေးအဖွဲ့အစည်းရဲ့အမည်ကို တို့ဗမာအစည်းအရုံး လို့ခေါ်ပြီး အဖွဲ့ဝင်တိုင်းရဲ့ အမည်ရှေ့မှာ သခင် တပ်ခေါ်ဖို့ ဆိုးဖြတ်လိုက်ကြပါတယ်။

ကုလားဗမာအဓိကရုဏ်းပြီးစ ၁၉၃၀ မေလ ၃၀ရက်နေ့မှာ အဲဒီအဓိကရုဏ်းကို အကြောင်းပြုပြီး မြန်မာလူထုကို တပ်လှန့်လှို့ဆော်လိုက်တဲ့ ကြေညာချက်ကိုလည်း ထုတ်ဝေပါတယ်။ တို့ဗမာအစည်းအရုံးရဲ့ တာဝန်ခံအဖြစ် သခင်ဘသောင်းဆိုပြီးတော့လည်း နာမည်ရှေ့မှာ သခင်တပ် ပုံနှိပ်လိုက်ပါတယ်။

ဒါပေမယ့် နိုင်ငံရေးသဘောမပါပဲ နာမည်ရှေ့မှာ သခင်တပ်ခေါ်တာကတော့ ၀က္ကသေးဆိုတဲ့ ရွာလေးကစတာပါ။



သခင်အခေါ်အစ ၀က္ကသေးက

တောင်တွင်းကြီးမြို့နယ်မှာ ၀က္ကသေးဆိုတဲ့ ရွာကလေးတရွာရှိပါတယ်။ အဲဒီရွာနဲ့ မလှမ်းမကမ်းမှာ ဆတ်သွားဆိုတဲ့ မြို့လေးတမြို့ရှိပါတယ်။ တခါတော့ ဆတ်သွားသူတယောက် အင်္ဂလိပ်ဝန်ထောက်တယောက်နဲ့ အိမ်ထောင်ကျပါလေရော။ အဲဒီအမျိုးသမီးရဲ့ မိဘတွေက ဒီလင်မျိုးရတာကို ဧရာမဂုဏ်ရယ်လို့ ထင်ကြတာကိုး။ အဲဒီအချိန်က အင်္ဂလိပ်အုပ်ချုပ်သူတွေကို မြန်မာတွေက သခင်ကြီးလို့ခေါ်ရတဲ့ ခေတ်ဆိုတော့ ကိုယ့်သားမတ်ပေမယ့်လည်း သခင် သခင်လို့ခေါ်သတဲ့။ ၀က္ကသေးရွာသားတွေက ဆတ်သွားတက်ဈေးဝယ်၊ ဈေးရောင်းကြတဲ့အခါ ယောက္ခမကသားမက်ကို သခင်ချင်းထပ်အောင်ခေါ်သံကြားရတိုင်း ယိုသူမရှက် မြင်သူရှက်ဆိုသလို ကြားရုံနဲ့တင် နားရှက်ကြသတဲ့။

ဒါနဲ့ ၀က္ကသေးရွာသူရွာသားတွေက ဒီအဖြစ်ကို အရွဲ့တိုက်တဲ့ အနေနဲ့ ကိုယ့်အချင်းချင်းသခင်လို့ ငေါ့ခေါ်ကြသတဲ့။ တချို့ကတော့ ကိုယ့်နာမည်ရှေ့မှာ သခင်တပ်ပြီး အိမ်မှာဆိုင်းဘုတ် ချိတ်ထားကြသတဲ့။

ဒါကြောင့်သခင်ခေါ်ရာမှာတော့ ၀က္ကသေးကအစလို့ ပြောရတာပါ။ ဒါပေမယ့် အမြင်မတော် နားကလောရာက စာဖြစ်ပြီး စိတ်ဓါတ်ရေးရာအရ ကျွန်ဘ၀ကလွတ်မြောက်ရေးသဘောမပါတာကြောင့် သခင်အစရယ်လို့တော့ ပြောလို့မရနိုင်ပါဘူး။ ကျွန်စိတ်တွေက လွတ်မြောက်အောင် ကျွန်ဘ၀ကို စက်ဆုပ်အောင် ရည်မှန်းချက်ကြီးကြီး စိတ်နေမြင့်မြင့်စခဲ့တာကတော့ သခင်ဘသောင်းသာ ဖြစ်ပါတယ်။ ဒါကြောင့် သခင်အစ ဘသောင်းက လို့လည်း သမိုင်းမှာ စာတင်ကျန်ရစ်ပါတော့တယ်။


တင်မောင်သန်း၏သခင်နိုင်ငံတော်စာအုပ်မှ ကူးယူမျှဝေပေးပါသည် ။

သခင်စိတ်ဓါတ် သခင်အကျင့် (၃)

ဘာကြောင့်သခင်လဲ

အင်္ဂလိပ်တွေကပဲခေါ်ခိုင်းတာလား မြန်မာတွေကပဲ စခေါ်တာလား အစရှာမရနိုင်ပေမယ့် အင်္ဂလိပ်တွေကို သခင်ကြီးလို့ ခေါ်ခဲ့ရတာတော့အမှန်ပါပဲ။ အင်္ဂလိပ်ရယ်မှ မဟုတ်ပါဘူး။ အဲဒီအင်္ဂလိပ် အရေးပိုင်အောက်က မြို့အုပ်မင်း မြန်မာအချင်းချင်းတောင် ဘုရားထူးကြရတာပါ။ ထောင်ထဲမှာဆို ဒူးတုပ်ပြီး လက်ယှက်ရှိခိုးသလို ခေါင်းပေါ်တင်ထားရပါတယ်။

ထိုင်ကြပြီဆိုရင်လည်း အင်္ဂလိပ်အုပ်ချုပ်သူတွေကအပေါ်မှာ လူထုကအောက်မှာထိုင်ရတာပါ။ ကုလားထိုင် ဆိုတဲ့အသုံးအနှုံးလေးကြည့်ရင် သမိုင်းသဘောလေးပါနေတာ တွေ့ရပါလိမ့်မယ်။ အဲဒီခေတ်က အင်္ဂလိပ်တွေကို ကုလားဖြူတွေလို့ မြန်မာကခေါ်ကြတာကိုး။ သူတို့ကခုံပေါ်ထိုင်ပြီး မြန်မာလူထုက ကြမ်းပေါ်၊ မြေကြီးပေါ်ထိုင်ရတာပါ။ မြို့အရပ်မှာတော့ အုပ်ချုပ်သူတွေကို လက်အုပ်ချီလေ့နည်းပေမယ့် တောအရပ်တွေမှာတော့ အုပ်ချုပ်သူဝန်မင်းများကြွလာရင် လက်အုပ်ချီကြရပါသတဲ့။ မြန်မာ့ဓလေ့မှာ ပဒေသရာဇ်ခေတ် ဘုရင်ဆိုရင် လက်အုပ်ချီပါတယ်။ ဒါပေမယ့် ပဒေသရာဇ်ခေတ်ကုန်သွားပေမယ့်လည်း ကိုလိုနီမာစတာတွေက လူထုကို လက်အုပ်ချီအောင် လုပ်ထားကြရစမြဲပါ။ ဒီတော့ သခင်ဖြစ်ချင်တဲ့ လူငယ်တွေရဲ့ မျက်စေ့ထဲမှာတော့ မျက်စေ့စပါးမွှေးစူးကြပေတာပေါ့။ မြတ်စွာဘုရားနဲ့ ရဟန်းတော်တွေပဲ လက်အုပ်ချီရမယ့်အစား ဒီမာစတာလုပ်ချင်တဲ့ မြို့အုပ်ဝန်မင်းမာစတာတွေကိုပါ လက်အုပ်ချီနေကြရတော့ လူငယ်တွေ ဘယ်ကျေနပ်နိုင်ပါ့မလဲ။

ပြီးတော့ တိုင်းမင်းကြီးများလာလို့ရှိရင် တခမ်းတနားလုပ်ကြတာကိုး။ တိုင်းမင်းကြီးမှာ ကိုယ်ပိုင်သင်္ဘောရှိပါတယ်။ အရပ်ကတော့ အဲဒီသင်္ဘောကို မင်းကြီးသင်္ဘောလို့ ခေါ်ကြပါသတဲ့။ မီးရထားလမ်းတလျှောက်မှာလည်း သီးသန့်တွဲနဲ့ပေါ့လေ။ တိုင်းမင်းကြီးတွေစီးတဲ့တွဲက တွဲဖြူကြီးပါတဲ့။

အဲဒီတိုင်းမင်းကြီးများရောက်လာရင် ကျောင်းသားကျောင်းသူတွေက လမ်းဘေးတဘက်တချက်မှာ ယူနီယံဂျက်အလံငယ်လေးတွေ ကိုင်ဝှေ့ယမ်းလို့ ကကြရတာတဲ့။ မင်းကြီးလျှောက်မယ့်လမ်းမှာလည်း သဲဖြူခင်း၊ ရာဇမတ်ကာပေါ်ရတာတဲ့လေ။ ရေလမ်းနဲ့လာတဲ့အခါ ကမ်းနဖူးမှာ မဏ္ဍပ်ကြီးထိုးပြီး ကကြရတာပါတဲ့။

ဘုရင်ခံဆိုရင်တော့ ဒီထက်ပိုပြီး ခမ်းခမ်းနားနားလုပ်ရပါတယ်။ သရက်မြို့ ဘုရင်ခံလာတော့ အရေးပိုင်မင်း အိမ်ရှေ့ကွက်လပ်အကျယ်ကြီးမှာ မဏ္ဍပ်တွေထိုးကြရပါတယ်။ ကံမ၊ အာလံ(အဲဒီတုန်းကအခေါ်ပါ)၊ ဆင်ပေါင်ဝဲ၊ မင်းလှ၊ သရက်မြို့တွေက အတီးအမှုတ်အဖွဲ့တွေ လာကြရပါတယ်။ တဖွဲ့မှာ လူ၂၅ယောက်လောက် ပါကြပါတယ်။ ကိုယ့်မဏ္ဍပ်အသီးသီးမှာ တီးကြမှုတ်ကြပေါ့။ ဘုရင်ခံကို ဖျော်ဖြေရတဲ့သဘော။
“ရှင်ဘုရင်ဗဟိုပျော်ကို အကြင်အကြင်အကြိုတော် အဆိုတော်တွေနှင့် ယခင်အပျိုတော်ဝိုင်းသလိုပေါ့
တခွင်လျှိုပေါ်မှာ ထင်သလိုနော် စိုင်းနေကြ
အရှင်အလိုတော်အတိုင်းပေပ တဂိုဏ်းထူကြသလေ(အိုကွယ်)
သခင်ကိုယ်တော်မှိုင်းရယ်နှင့် စစ်ကိုင်းသူမတွေ"- လို့ဆရာကြီးတောင် ဖွဲ့ခဲ့ပါသေးတယ်။

အဲဒီ ဘုရင်ခံရဲ့သြ၀ါဒကို နာကြားရတဲ့သူတွေကတော့ သူကြီးတွေ၊ ရှေ့နေရှေ့ရပ် တရားသူကြီးတွေ၊ အစိုးရ၀န်ထမ်းတွေပါပဲ။ အခမ်းအနားကို ဖွင့်တဲ့အခါမှာရော ပိတ်တဲ့အခါမှာရော God Save The King သီချင်းဆိုကြရပါတယ်။

သူတို့အရေးကိစ္စကျ အဲဒီလိုကိန်းကြီးခန်းကြီးတွေလုပ်ကြပေမယ့် ပြည်သူလူထုကိုတော့ အမျိုးမျိုးချုပ်ခြယ်ကြတာပါ။ စတုတ္ထအကြိမ်မြောက် မြန်မာနိုင်ငံလုံးဆိုင်ရာ တို့ဗမာအစည်းအရုံးညီလာခံမှာ သဘာပတိအဖြစ်ဆောင်ရွက်ရတဲ့ ဥက္ကဋ္ဌသခင်လှဘော်ရဲ့မိန့်ခွန်းမှာ-
“ဤကဲ့သို့ ကျောင်းသား၊ အလုပ်သမား၊ လယ်သမားများ နိုးနိုးကြားကြားဖြစ်လာရာတွင် နယ်ချဲ့သမားတို့သည် အေးချမ်းသာယာစွာဖြစ်စေရန် တရားသဘောသက်ဝင်သော နည်းစနစ်တို့ကို အသုံးမပြုပဲ ပြည်သူတို့၏ လွတ်လပ်မှုကို လက်နက်နှင့်တမျိုး၊ ဥပဒေများနှင့်တဖုံ ချုပ်ချယ်ညှင်းဆဲခဲ့လေသည်။
ငါတို့က တရားသဖြင့် စည်းဝေးစုရုံးကြခြင်းတို့ကို အမျိုးမျိုး ပိတ်ပင်တားဆီးခဲ့၏။ နိုင်ငံရေးလုပ်နေသူတို့ကိုလည်း နိုင်ထက်စီးနင်းချုပ်ချယ်ရုံမျှမက နိုင်ငံရေးအဖြစ်အပျက်တို့ကို မျက်ဝါးထင်ထင်မမြင်စေရန် ရုပ်ရှင်သတင်းများကိုလည်း အတင်းအဓမ္မ ပိတ်ပင်ကြပြန်လေသည်။

ဤကဲ့သို့ ပြည်သူလူထုတို့၏ ပြသနာကို ခြေရှင်းခြင်းငှာ မတတ်စွမ်းနိုင်သဖြင့် ပြည်သူ့လွတ်လပ်မှုကို လက်နက်ပုဒ်မတို့ဖြင့် နှိမ်နှင်းကာ ဓနရှင်နိုင်ငံများတွင် လွှမ်းမိုးနေသော ဖက်ဆစ်စိတ်ဓါတ်များ၊ နယ်ချဲ့သမားများ၏ ဦးနှောက်တွင် အဘယ်မျှဝင်နေပြီမှာ ထင်ရှားနေလေပြီ" - လို့ထည့်သွင်းပြောခဲ့ပါတယ်။

ဒီတော့ တက်လူကျောင်းသားလူငယ်တွေက ဒီအခြေအနေကို မကျေနပ်ကြဘူး။ မြန်မာလူမျိုးဆိုတာ ကိုယ့်တိုင်းပြည်၊ ကိုယ့်လူမျိုး၊ ကိုယ့်ထီး၊ ကိုယ့်နန်းနဲ့ လွတ်လွတ်လပ်လပ်နေထိုင်ခဲ့ကြသူတွေမဟုတ်လား။ ဒါကြောင့် ကျွန်လူမျိုးမဟုတ်ဘူး၊ သခင်လူမျိုးဖြစ်တယ်။

ဒုတိယ- မြန်မာလူမျိုး၊ မြန်မာလူထုဟာ မြန်မာနိုင်ငံရဲ့ပိုင်ရှင်ဖြစ်တယ်။ မူလပိုင်ရှင်သခင်တွေဖြစ်တယ်။ ကျွန်ဖြစ်ကာစတုန်းကတော့ ဘုရင်ကို ထီးနန်းပြန်တင်ချင်တဲ့သူတွေရှိပေမယ့် တို့ဗမာအစည်းအရုံးခေတ် ရောက်တဲ့အခါမှာတော့ ပဒေသရာဇ်အာဏာရှင်စနစ်ကို ပြန်သွားဖို့ မရည်ရွယ်တော့ပါဘူး။ ဒါကြောင့် လူထုသာအရှင်သခင်ဖြစ်တယ်လို့ ပြောတာပါ။

တတိယ- ဘုရင်ခံ၊ မင်းကြီး၊ အရေးပိုင်၊ မြို့ပိုင်မာစတာတွေက လခစားတွေပါ။ အခွန်ပေးဆောင်နေကြတဲ့ လူထုရဲ့ အသက်အိုးအိမ်၊ စည်းစိမ်တွေကို စောင့်ရှောက်ပေးရမယ့် ပြည့်စေခံ ( government Servant ) တွေပဲဖြစ်ပါတယ်။ ဒါကြောင့် အခွန်ပေးဆောင်သူ တို့မြန်မာလူထုသာ အရှင်သခင်ဖြစ်တယ်လို့ ယုံကြည်ကြပါတယ်။

ဒီလိုယုံကြည်ကြတဲ့လူငယ်တွေစုပြီး ထူထောင်လိုက်ကြတာမို့ တို့ဗမာအစည်းအရုံးကြီး ပေါ်လာရတာပါ။ စတင်တည်ထောင်သူလူငယ်တွေကတော့ -
၁။ သခင်ဘသောင်း
၂။ သခင်လှဘော်
၃။ သခင်သိန်းမောင်
၎။ သခင်တင်(၀ိုင်အမ်ဘီ)
၅။ သခင်အုန်းဖေ(၀ါးခယ်မ)
၆။ သခင်သာဒိုး
၇။ သခင်တင်စိန်
၈။ သခင်မောင်မောင်တိုး
၉။ သခင်ဘရီ
၁၀။ သခင်ကျော်ထွန်းစိန်နဲ့
၁၁။ သခင်ဘိုးနီ- တို့ပါပဲ။

ဒီလူငယ်တွေရဲ့စိတ်ဓါတ်ဟာ ဘယ်လောက်ပြင်းထန်ကြသလဲဆိုရင် ကုလားဗမာအဓိကရုဏ်းပြီးခါစမှာ ထုတ်ဝေတဲ့ "တို့ဗမာအစည်းအရုံး၏တိုက်တွန်းချက်" မှာဟောဒီလိုတောင်ရေးထားပါတယ်။

လိမ္မာသည်ဆိုခြင်းမှာ သူရဲဘောနည်းခြင်း၊ ကြောက်ခြင်း၊ သွေးမရှိခြင်း၊ သတ္တိနည်းခြင်း၊ ဒူးတုန်ခြင်း၊ တကိုယ်ကောင်းဆန်ခြင်း၊ အမေနှင့်ငါမာလျှင်ပြီးရောဆိုသော စ်ိတ်ရှိခြင်း ကိုယ့်အကျိုးစီးပွားတခုတည်းကိုသာ ကြည့်ခြင်း၊ ရှေ့လာမည့်ဘေးကို စည်းရုံး၍ခုခံရမှန်းမသိခြင်းဖြစ်ပါမူ အို- အချင်းတို့၊ ငါတို့သည် မလိမ္မာလိုပါ။ မိုက်သာမိုက်လိုပါ၏။ ငါတို့အား မိုက်ခွင့်ကိုပေးကြပါကုန်။ ငါတို့မိုက်ပါရစေ။

တို့ဗမာသတင်းစဉ်ကိုနှိပ်ကွပ်

တို့ဗမာအစည်းအရုံးကိုထူထောင်ပြီး ၁၉၃၂ရောက်တော့ သခင်ဘသောင်း ဦးဆောင်ပြီး တို့ဗမာသတင်းစဉ်မှတ်တမ်း အတွဲ၁၊ အမှတ်၁ ကိုစထုတ်ပါတယ်။ မျက်နှာဖုံးမှာ ခါးတောင်းမြှောင်အောက်ကျိုက်ထားတဲ့ ထိုးကွင်းမင်ကြောင် ရောင်နောက်တွဲနဲ့ ဗမာယောက်ျားကြီးတယောက် မီးတုတ်ကိုင်၊ ရှေ့သို့ချီတက်နေတဲ့ပုံ ရေးဆွဲထားပါတယ်။

တို့ဗမာသတင်းစဉ်ပါစာတွေက သခင်စိတ်ဓါတ်ထွန်းကားရေးဆိုတော့ မာစတာလုပ်ချင်နေတဲ့ အုပ်ချုပ်သူတွေ ဘယ်ကြိုက်ပါ့မလဲ။ ဒါကြောင့် အင်္ဂလိပ်အစိုးရက "တို့ဗမာသတင်းစဉ်ရဲ့ အရေးအသားတွေဟာ တိုင်းပြည်အေးချမ်းငြိမ်သက်ရေးဘက်ကကြည့်ရင် များစွာကန့်ကွက်ဖွယ်ကောင်းကြောင်း၊ နောင်ကို ထိုကဲ့သို့သော အသုံးအနှုန်းများသုံးလျှင် တချက်လွှတ်ပုံနှိပ်တိုက်ဥပဒေအရ အရေးယူရလိမ့်မည်ဖြစ်ကြောင်း" သခင်ဘသောင်းဆီ သတိပေးစာတစောင်ပို့ပါတယ်။

ဒါကြောင့် အတွဲ၂ကို ထုတ်ဖို့ပြင်တဲ့အခါ သခင်ဘသောင်းက ပုံနှိပ်တိုက်နှိပ်ကွပ်ရေး တချက်လွှတ်ဥပဒေဖျက်သင့်ပြီ ခေါင်းစဉ်နဲ့ ခေါင်းကြီးပြန်ရေးပါသေးတယ်။ ဒါပေမယ့် ငွေရေးကြေးရေးအခက်အခဲကြောင့် မဂ္ဂဇင်းမထွက်နိုင်တာမို့ ပုံနှိပ်စာလုံးဘ၀တော့ မရောက်ခဲ့ဘူးလို့ ဆိုပါတယ်။

သခင်တပ်ခေါ်ပါ

ဒီလိုနဲ့ ကိုဘသောင်းခေါင်းဆောင်တဲ့ မြန်မာခေတ်ပညာတတ်လူငယ်တခုဟာ ကိုယ့်အမည်ရှေ့မှာ သခင်ဘွဲ့တပ်ခေါ်ဖို့ ဆုံးဖြတ်လိုက်ကြပြီး လိုက်စည်းရုံးကြပါတယ်။ တရက်မှာ ကိုဘသောင်းရယ်၊ ကိုသိန်းမောင်(မီးတုတ်သခင်သိန်းမောင်)ရယ်၊ ကိုလှဘော်ရယ် သုံးယောက်သား ၂၁ဦးပါတီက ဒေါက်တာသိန်းမောင်ဆီ သွားကြပါတယ်။

သခင်ဘသောင်းက သခင်စိတ်မွေးပြီး သခင်အကျင့် သခင်အကြံအစည် ကြံစည်ရမယ်။ မောင်၊ကို၊ဦးအစား နာမည်ရှေ့မှာ သခင်တပ်ခေါ်ဝေါ်ကြရမယ်လို့ ပြောတာကိုး။ ဒီတော့ဒေါက်တာသိန်းမောင်က – 'ဒါတွေက ပညတ်တွေပါ။ ပရမတ်မဟုတ်ပါဘူး။ နာမည်ရှေ့သခင်တပ်ခေါ်ဖို့ မလိုပါဘူး' လို့ပြန်ပြောပါသတဲ့။ ဒါနဲ့ သခင်ဘသောင်းက

'ခင်ဗျာကို ဒေါက်တာသိန်းမောင်လို့မခေါ်ပဲ ဦးသိန်မောင်လို့ခေါ်ရင်ရော သဘောကျမလား' ' သဘောကျတယ်။ ခေါ်ဗျာ' 'ဦးသိန်းမောင်မခေါ်ပဲ ကိုသိန်းမောင်ခေါ်ရင်ရောဗျာ' 'ကြိုက်ပါတယ်။ ခေါ်ပါဗျာ။' 'ခင်ဗျာကို ဦးထည့်မခေါ်၊ ကိုလည်းထည့်မခေါ်ပဲ သိန်းမောင်လို့ခေါ်မယ်။ ဘယ်နှယ့်လဲ။' 'ခေါ်ပါ၊ ကိစ္စမရှိပါဘူး။ ဒါတွေက ပညတ်ချက်တွေပဲ' 'ကိုင်း ခင်ဗျာကို ဦးသိန်းမောင်လို့လည်းမခေါ်၊ ကိုသိန်းမောင်လို့လည်းမခေါ်၊ မောင်သိန်းမောင်လို့လည်းမခေါ်ပဲ ခွေးသိန်းမောင်လို့ခေါ်မယ်။ ကြိုက်ပါ့မလား' - ဆိုတော့ ဒေါက်တာသိန်းမောင်ငြိမ်ကျသွားပါလေရောတဲ့။ ဒီလိုနဲ့ ကိုဘသောင်းဟာ အိမ်ရောက်ရောက်ချင်းပဲ သူ့ရဲ့အဘိဓါန်စာအုပ် Pocket Oxford Dictionary စာအုပ်မှာ "သခင်ဘသောင်း" လို့ကမ္ဗည်းတင်လိုက်ပါသတဲ့။

တနေ့တော့(ကုလသမဂ္ဂအတွင်းရေးမှူးချုပ်ဟောင်း၊ ကွယ်လွန်) ပန်းတနော်ဦးသန့်က ကိုဘသောင်းအိမ်လာလည်တော့ အဲဒီအဘိဓါန်စာအုပ်တွေ့ပါလေရော။ 'သခင်ဘသောင်း' လို့တွေ့ရတော့ ဦးသန့်က ရယ်ပါသတဲ့။

ဦးသန့်မှမဟုတ်ပါဘူး။ ဂန္တာလောကမဂ္ဂဇင်းထုတ်ဝေခဲ့ပြီး ၁၉၄၈ ကနေ ၁၉၅၈ထိ မြန်မာနိုင်ငံရဲ့ အကြံပေးပါရဂူအဖြစ် ဆောင်ရွက်ခဲ့တဲ့ မစ္စတာဖာနီဗယ်ရေးခဲ့ပုံလေး သတိရစရာပါ။

“ကိုဘသောင်းသည် ကျွန်ုပ်တို့၏ရုံးခန်းသို့ တမနက်ပေါက်လာပြီးလျှင် နောင်ကိုသူ့အား ကျွန်ုပ်ကခေါ်သည့်အခါ သခင်ဘသောင်းဟုခေါ်ပါရန် အကြောင်းကြားလာသည်။ ကျွန်ုပ်သိသလောက်မှာ မောင်ဘသောင်းသည် သခင်ကို ပထမစသူဖြစ်သည်။ မောင်ဘသောင်းက သူ့ကို သခင်ဟုခေါ်ရန်ပြောသောအခါ ကျွန်ုပ်က ဘာမျှပြန်မပြောဘဲ ရယ်နေလိုက်ပါသည်" တဲ့။

တချို့ ကျွန်စိတ်လုံးလုံးဝင်နေတဲ့သူတွေကတော့ သခင်တပ်ခေါ်တာကို နားကြားပြင်းကို ပပ်နေကြတော့တာပေါ့။ "တို့ဗမာတို့သည် ကျွန်စိတ်ဝင်၍ မိမိကိုယ်မိမိ အထင်သေးပြီး နိုင်ငံခြားသားမြင်လျှင် ထန်းလျက်လုံးကို မြင်သောအောင်နက်ကဲ့သို့ နှုတ်တသွက်သွက်၊ သွားရည်တမြားမြားနှင့် 'သခင်၊ သခင်' ဟုခေါ်လေ့ရှိ၏။ တို့ဗမာတို့ သခင်တပ်ခေါ်ခြင်းကိုမူကား 'မကြားနိုင်၊ မရှုနိုင်' လို့ သခင်ဘသောင်းက ရှုတ်ချထားတဲ့အကြောင်း ဆရာတင်ထွန်းအောင် ရေးထားတဲ့စာအုပ်မှာ တွေ့ရပါတယ်။

အဲဒီတုန်းက နာမည်ရှေ့မှာ သခင်တပ်ခေါ်တော့ နားစိမ်းနေကြတာကိုး။ ခေတ်စကားကို သုံးရင်တော့ ခပ်ကြောင်ကြောင်လို့ ဆိုရမှာပါ။ ဒါကြောင့်လည်း ကြားခါစမှာ လူတွေ ရယ်သူကရယ်ကြ၊ မဲ့သူကမဲ့ကြပေါ့လေ။ ဒါပေမယ့် မာစတာစိတ်ဓါတ်ဆန့်ကျင်ရေး စိတ်ပြင်နေကြတဲ့ လူငယ်တွေကတော့ သိပ်ကြိုက်သွားပါတယ်။ ဟုတ်တယ် " ငါတို့သာ ငါတို့ဘ၀ရဲ့ အရှင်သခင် " လို့ရင့်ကျူးပြီး ကိုယ့်နာမည်ရှေ့မှာ သခင်တပ်ခေါ်ကြတာပါပဲ။ အဲဒီလိုရင့်ကျူး၊ အဲဒီလိုတပ်ခေါ်ရုံမက တကယ်လည်း ကိုယ့်ဘ၀ကို သူများကပြဋ္ဌာန်းနေတဲ့ ကျွန်ဘ၀ကလွတ်မြောက်အောင် လူထုအားယူကြပါတယ်။ လူထုအားကောင်းမှ ကိုယ့်ဘ၀ကိုယ် ရွေးချယ်ပြဋ္ဌာန်းနိုင်တဲ့ ကိုယ့်မင့်ကိုယ့်ချင်းဖြစ်မှာမဟုတ်လား။

တို့ဗမာသီချင်း

တို့ဗမာအစည်းအရုံးထည်ထောင်ပြီး မိုးရာသီရောက်တဲ့အခါ မန္တလေးက ရန်ကုန်ဆင်းလာတဲ့ ၀ိုင်အမ်ဘီဆရာတင်နဲ့ သခင်တစု ဆက်သွယ်မိကြပါတယ်။ ဒီလိုနဲ့ ဇာတိသွေး ဇာတိမာန်တက်ကြွစေတဲ့ နိုင်ငံကျော် တို့ဗမာသီချင်းကြီးကို စုပေါင်းရေးဖို့ ဖြစ်လာပါတော့တယ်။

တို့ဗမာသီချင်းကို ပထမသမိုင်းနောက်ခံနဲ့ စဖွင့်ပါတယ်။ ဒုတိယ လက်ရှိဗမာ့အခြေအနေကို ၀မ်းနည်းဖွယ် သင်ခန်းစာယူဖွယ် ပြီးတော့ အားတက်ဖွယ်စကားလုံးပြောင်ပြောင်တွေနဲ့ ဖော်ထုတ်ပါတယ်။ တတိယ ခေတ်သစ်ထူထောင်ဖို့ တို့ဗမာကျင့်စဉ်တွေကို နှိုးဆွဖော်ထုတ်ပါတယ်။ စတုတ္ထ ဇာတိသွေးကို မြှင့်တင်ပါတယ်။

ဒီအချက်တွေပါတဲ့ စကားလုံးတွေကို ပြည့်သုံအောင် သခင်ဘသောင်း၊ သခင်သိန်းမောင်၊ သခင်လှဘော်၊ သခင်သာဒိုး၊ သခင်အုန်းဖေ၊ သခင်ကျော်ထွန်းစိန်၊ သခင်ဖိုးနီစတဲ့ သခင်တွေက စုပေါင်းရှာဖွေကြပါတယ်။ ဆရာတင်နဲ့ သခင်တစု အပြန်အလှန် တည်းဖြတ်စစ်ဆေးပြီး တို့ဗမာသီချင်း ဖြစ်လာတာပါ။

ကျောင်းသားနဲ့သခင်

ရန်ကုန်တက္ကသိုလ်ကို ၁၉၂၀မှာ စဖွဲ့စည်းထူထောင်ပြီး ၁၉၂၉ လောက်ရောက်တော့ ကျောင်းသားတွေက ကျောင်းသားသမဂ္ဂအသင်းတိုက်တခု ထူထောင်ပေးဖို့ အာဏာပိုင်တွေဆီ တင်ပြတောင်းခံကြပါတယ်။ အာဏာပိုင်တွေက လိုက်လျောလို့ အောက်စဖို့တက္ကသိုလ်ကျောင်းသားများအသင်းသမဂ္ဂလို ရန်ကုန်တက္ကသိုလ်ကျောင်းသားများသမဂ္ဂကို ထူထောင်ကြပါတယ်။ အသင်းတိုက်ကို ကျောင်းသားများလက် လွှဲပြောင်းပေးခဲ့သူကတော့ ဆရာကြီးဦးဖေမောင်တင်ပါပဲ။

အဲဒီလို သမဂ္ဂအသင်းတိုက်တည်ထောင်ပြီးလို့ တနှစ်လောက်ရှိတော့ ကိုဘသောင်းခေါင်းဆောင်တဲ့ လူငယ်တစုက သူတို့ကိုသူတို့ နာမည်ရှေ့မှာ သခင်ခေါ်တပ်ပြီး သခင်လှုပ်ရှားမှုစခဲ့တာကိုး။ အဲဒီအခါက သခင်ဘသောင်းက ရန်ကုန်တက္ကသိုလ်ဘာသာပြန်ဋ္ဌာနမှာ နည်းပြဆရာအဖြစ် အလုပ်လုပ်ပါတယ်။ မစ္စတာဖာနီဗယ်ကို သူ့နာမည်ရှေ့မှာ သခင်တပ်ခေါ်ဖို့ သွားပြောခဲ့တာ အဲဒီကာလပါ။ သခင်ဘသောင်းရဲ့တရားကိုနာပြီး သူနဲ့အတူ ပူးပေါင်းသခင်ဘွဲ့ခံယူတဲ့ ကျောင်းသားကြီးတွေလည်း ပေါ်လာပါတော့တယ်။ သူတို့ကတော့ သခင်ဗစိန်၊ သခင်လေးမောင် တို့ပါပဲ။ နောက်ပိုင်းကျောင်းသားတွေဖြစ်တဲ့ ကိုနုတို့ ကိုဗဟိန်းတို့ ကိုအောင်ဆန်းတို့ဆိုရင်လည်း ကျောင်းသားဘ၀ကနေ သခင်ဘွဲ့ခံယူပြီး နိုင်ငံရေးထဲ ခြေစုံပစ်ဝင်သွားကြတာပါ။

သခင်ဘသောင်းတို့အဖွဲ့ဟာ အဲဒီလိုစုစည်းမိသွားတဲ့အခါ တက္ကသိုလ်ကျောင်းအဆောင် သဟာယနဲ့စာဖတ်အသင်းတွေမှာ သွားဟောပြောကြပါတယ်။ ပထမဆုံးဟောပြောခဲ့တဲ့ အဆောင်ကတော့ သထုံဆောင်သဟာယနဲ့စာဖတ်ခန်းဖြစ်ပြီး ဟောပြောခဲ့တဲ့နေ့ကတော့ ၁၉၃၀ ဇူလိုင်လ ၁၉ပါပဲ။ အဲဒီမှာပဲ တို့ဗမာသီချင်းကို တက္ကသိုလ်ပရ၀ုဏ်ထဲ စဆိုခဲ့ကြတာပေါ့။

သခင်စိတ်ဓါတ်ကို လူထုဆီသို့ဖြန့်ခြင်း

ရန်ကုန်တက္ကသိုလ်မှာသီဆိုပြီး နောက်နေ့ ၁၉၃၀ ဇူလိုင် ၂၀ တနင်္ဂနွေနေ့ ညနေ ၅နာရီမှာ ရွှေတိဂုံစေတီ အနောက်မြောက် ရာဟုထောင့်မှာရှိတဲ့ ဦးစံထွန်းတန်ဆောင်းသစ်ကြီးမှာ 'တို့ဗမာသီချင်း' ကိုအခမ်းအနားနဲ့ သီဆိုတင်ပြပါတယ်။ ၅နာရီတိတိမှာ အခမ်းအနားစပါတယ်။ 'ဗမာစောနေထွက်' ဆိုတဲ့စကားကို တော်လှန်လိုတာကြောင့် သခင်ဘသောင်းက အချိန်တိတိကျကျနဲ့ အခမ်းအနာကို ဖွင့်လှစ်တာပါ။ မြန်မာတွေ အချိန်မလေးစားတာကို ပထမဆုံးစတိုက်တာလို့ ဆိုရပါလိမ့်မယ်။

ပထမဆုံး ကုလားဗမာအဓိကရုဏ်းမှာ ကွယ်လွန်ခဲ့တဲ့ ဗမာအမျိုးသားတွေအတွက် တမိနစ်မတ်တပ်ရပ် ဂါရ၀ပြုပါတယ်။ ပြီးတော့ သခင်ဘသောင်းက နာမည်ရှေ့မှာ မောင်၊ဦး၊ကို အစား ဘာဖြစ်လို့ သခင်ဘွဲ့တပ်ရသလဲဆိုတာ အကျယ်တ၀င့် ရှင်းပြပါတယ်။ ပြီးတော့ တို့ဗမာသီချင်းကို သီဆိုမှာဖြစ်လို့ သီချင်းအဓိပ္ပါယ်နဲ့ ရည်ရွယ်ချက်ကို လေးစားတဲ့အနေနဲ့ မတ်တပ်ရပ်နားထောင်ဖို့ မေတ္တာရပ်ခံတော့ အားလုံးက မတ်တပ်ရပ်နားထောင်ကြပါတယ်။ အဲဒီပွဲမှာ ၀ိုင်အမ်ဘီဆရာတင်ကဆိုပြီး ကျန်သခင်တွေက သံပြိုင်လိုက်ကြပါတယ်။

ဒီလိုသီချင်းမျိုး အရင်က ကြားဖူးကြတာ မဟုတ်ပါဘူး။ ဆိုတဲ့ ဟန်ပန်၊ အသံ၊ ဋ္ဌာန်ကလည်း အားနဲ့မာန်နဲ့ဆိုတော့ ပရိသတ်တွေ ကြက်သီးဖြန်းဖြန်းထကြပါသတဲ့။ သိပ်ကြိုက်လွန်းလို့ ဒုတိယအကြိမ်ထပ်ဆိုဖို့ တောင်းကြပြန်ပါတယ်။ ပြီးတော့ တို့ဗမာသီချင်းစာရွက်ကို တရွက်တပဲနဲ့ရောင်းတာ ခဏလေးကုန်သွားပါသတဲ့။

နောက်နေ့ သူရိယသတင်းစာမှာ တို့ဗမာသီချင်းကို မကြရသေးသူတွေအတွက် ထပ်ဆိုပြဖို့ တောင်းဆိုလာပါတယ်။ တဆက်တည်း တို့ဗမာအစည်းအရုံးကို စာတွေရောက်လာလိုက်တာ မနည်းပါဘူး။ စာတွေက အစည်းအရုံးအကြောင်း စုံစမ်းတဲ့စာတွေ၊ လာရောက်ဟောပြောသီဆိုဖို့ ဖိတ်ခေါ်တဲ့စာတွေချည်းပါပဲ။

ဒီလိုနဲ့ သခင်တွေဟာ သူတို့နဲ့ ပက်သက်တဲ့ တရားပွဲ၊ အစည်းအဝေးပွဲနဲ့ အခမ်းအနားတွေမှာ တို့ဗမာသီချင်းဆိုပြီးဖွင့်လှစ်ကြပါတယ်။ နိဂုံးအဆုံးသတ်ကြပါတယ်။ ဒါသခင်တွေရဲ့ အစဉ်အလာဖြစ်လာပါတယ်။

မိုးကိုဒူးနဲ့တိုက်ကြတာ

တကယ်တော့ မိဘတွေက သူတို့သားတွေ သခင်ဖြစ်တာ သိပ်မကြိုက်ကြပါဘူး။ တို့ဗမာအစည်းအရုံးရဲ့ အလုပ်အမှုဆောင်အဖွဲ့မှာပါပြီး သက်ရှိထင်ရှားသခင်တွေထဲက ခေါင်းဆောင်မှုအရာမှာ ၀ါအကြီးဆုံး သခင်နှစ်ဦးအနက် တဦးဖြစ်တဲ့ သခင်ခင်အောင်ဆိုရင် သူ့အဖေက စက်ရှင်တရားသူကြီးမို့ သားသခင်ဖြစ်တာ ဘယ်သဘောတူပါ့မလဲ။ မောင်ခင်အောင် ဆယ်တန်းအောင်တော့ သူ့အဖေက တက္ကသိုလ်ပို့ချင်တာပါ။ ဒါပေမယ့် မောင်ခင်အောင်ကငြင်းပါတယ်။ 'ဟေ့ ဘာလို့လဲကွ' ဆိုတော့ 'ကျနော်သခင်ဖြစ်နေပြီ' လို့ဖွင့်ပြောလိုက်ပါတယ်။ သူက ကျွန်ပညာရေးကို ဆန့်ကျင်တော့ အဲဒီပညာသင်ပေးတဲ့ တက္ကသိုလ်လည်းမတက်ချင်တော့ဘူးတဲ့။ ဒီတော့ သူ့အဖေက 'ဟေ့ကောင်၊ မင်းပြောတဲ့ အဲဒီကျွန်ပညာနဲ့ ငါ မင်းတို့ကို တသက်လုံးလုပ်ကျွေးလာခဲ့တာ' လို့ပြောသတဲ့။ ဒါပေမယ့် ကျွန်ဘ၀ ကျွန်လိုနေရတာကို စက်ဆုပ်နေပြီဖြစ်တဲ့ သခင်ခင်အောင်ဟာ အိမ်ကထွက် တက္ကသိုလ်မတက်ဘဲ အင်္ဂလိပ်၊ ဂျပန်၊ မာစတာဆန့်ကျင်ရေး နိုင်ငံရေးနယ်ပယ်ထဲ စ၀င်လိုက်ပါတော့တယ်။

သခင်ခင်အောင်သာ မကပါဘူး သခင်လှဖေ(ဗိုလ်လက်ျာ) ဆိုရင်လည်း သခင်ဖြစ်တာ သဘောမတူလို့ အိမ်ကဆင်းခဲ့ပြီး၊ တို့ဗမာအစည်းအရုံးမှာ ဖြစ်သလိုနေ၊ ဖြစ်သလိုစား ကျွန်ဘ၀လွတ်မြောက်ရေးအတွက် အလုပ်လုပ်ခဲ့တာပါ။ အဲဒီလို တနိုင်ငံလုံး လူသိများထင်ရှားခဲ့တဲ့ သခင်တွေမှ မဟုတ်ပါဘူး၊ မြို့ရွာအသီးသီးက သခင်တွေကလည်း ဒီလိုအတွေ့အကြုံမျိုး ရှိကြတာပါပဲ။

မော်လမြိုင်က သခင်သန်းဆိုရင် သူ့အဖေက သစ်ကုန်သည်၊ သစ်စက်ပိုင်ရှင်မို့ ချမ်းသာပါတယ်။ သူ့အဖေနာမည်က ဦးဘချစ်တဲ့။ ဆရာကြီးသခင်ကိုယ်တော်မှိုင်းကို ကြည်ညိုသူပါ။ ၁၉၃၆ ဧပြီလမှာ သခင်ဗစိန်၊ သခင်ထွန်းမြင့်တို့နဲ့ ဆရာကြီး မော်လမြိုင်သွားတော့ ဦးဘချစ်တို့အိမ်မှာပဲ တည်းကြပါတယ်။ အဲဒီအကြောင်းဆရာကြီးပြောပြတာကို လူထုဒေါ်အမာက ဒီလိုပြန်ရေးပါတယ်။ 'သူ့သားက သခင်ထဲဝင်တဲ့ သခင်ပူပူနွေးနွေး၊ ဦးဘချစ်က ဆရာကြီးကို ကြည်ညိုရင်းစွဲမို့သာ အိမ်မှာဧည့်ဝတ်ပြုတာပါ။ သားသခင်ဖြစ်လာတာကိုတော့ စိတ်ထဲက နည်းနည်းမှ မကြိုက်ပါဘူး။ သားနဲ့အဖေနဲ့လည်း စိတ်ချင်းလုံးလုံးမတိုက်မိကြဘူး။ ဒါကြောင့် တမနက်တော့ ဦးဘချစ်က ဆရာကြီးအနားသွားပြီး 'ဆရာကြီးရဲ့တပည့် သခင်ဘစ်ိန်တို့က ပညာတတ်ပါ။ ကျနော့်သားကတော့ နဂိုကတည်းကပျက်နေတာ။ ကျနော့်သားနဲ့ပေါင်းရင် ဆရာကြီးတပည့်တွေပါ ပျက်ကုန်ပါလိမ့်မယ်' လို့ပြောသတဲ့။ အဲဒီတော့ ဆရာကြီးက ရယ်မောပြီး ကွမ်းမြှုံ့ရင်းက - ' ကိစ္စမရှိပါဘူး ဦးဘချစ်ရဲ့။ ကျုပ်အကောင်တွေကလည်း ပျက်ပြီးသား အကောင်တွေချည်းပါပဲ။ သူတို့လည်း မိမနိုင် ဖမနိုင်တွေပါပဲ' လို့ ပြန်ပြောလိုက်ပါသတဲ့'

ဆရာကြီးပြောသလို သခင်တွေက 'မိမနိုင်၊ ဖမနိုင်' တွေပါ။ ဘယ်မှာ မနိုင်တာလဲဆိုတော့ အကျင့်စာရိတ္တအရာမှာ မဟုတ်ပါဘူး။ ကျွန်ဘ၀က လွတ်မြောက်လိုတဲ့စိတ်ဓါတ်မှာ မိမနိုင်၊ ဖမနိုင်ဖြစ်ကြတာပါ။ "ဟေ့ကောင်တွေ၊ အင်္ဂလိပ်တွေမှာက ဒီဝီဇံစစ်တပ်ကြီးနဲ့ လက်နက်ကြီးငယ်တွေနဲ့ မင်းတို့က အပ်နဖားတောင် မဖောက်တတ်၊ မဖောက်နိုင်ပဲ အပ်တိုတချောင်းလောက်ရှိတာ" ဆိုပြီး ပြောကြဆိုကြတဲ့သူတွေလည်း ရှိပေတာပေါ့။ ဒါပေမယ့် သခင်တွေက ဘယ်လိုပြောပြော တွန့်သွားတာ မဟုတ်ပါဘူး။ သခင်စိတ်ဓါတ်ဆိုတာ မိုးကို ဒူးနဲ့တိုက်ရဲတဲ့ စိတ်ဓါတ်ပေပဲကိုး။

တင်မောင်သန်း၏သခင်နိုင်ငံတော်စာအုပ်မှ ကူးယူမျှဝေပေးပါသည်။

သခင်စိတ်ဓါတ် သခင်အကျင့်(၄)

ငါသာလျှင် ငါ၏အရှင်သခင်

သခင်သိန်းမောင် ပြန်ကြားရေးမှူးအဖြစ် တို့ဗမာအစည်းအရုံးမှာ တာဝန်ထမ်းဆောင်စဉ် ၁၂၉၈အတွင်း "ကိုယ့်မင်းကိုယ့်ချင်းတည်ထောင်မှု စာစဉ်အမှတ်(၁) တို့ဗမာဋီကာ" ကိုထုတ်ဝေခဲ့ဖူးပါတယ်။ အဲဒီစာစုမှာ- “ကမ္ဘာဦးလူတို့သည် ကိုယ်စီကိုယ်ငှ အရှင်သခင်များဖြစ်ကြ၏။ လူခပ်သ်ိမ်းတို့မှာ အာဏာရှင်သာဖြစ်သောကြောင့် လောကကြီးတခုလုံးသည် လောကနိဗ္ဗာန်ကြီးပင် ချုပ်ချယ်ခြင်းမရှိ" ရယ်လို့ပါပါတယ်။ လူတိုင်းက ကိုယ့်ကြမ္မာအတွက် ကိုယ်လုပ်ပိုင်ခွင့်ရှိကြတာမို့ အာဏာရှင်လို့ သုံးနှုန်းတာပါ။ နှောင်းခေတ်မှာတော့ အာဏာရှင်ဆိုတဲ့အသုံးအနှုန်းက သူများတွေဘ၀ကို မိမိအလိုကျဖြစ်အောင် ပြဋ္ဌာန်းလုပ်လာတဲ့သူကို ရည်ညွန်းတာဖြစ်တယ်မဟုတ်လား။

သခင်စိတ်ဓါတ်ဆိုတာ မိမ်ိကြမ္မာကိုမိမိ ဖန်းတီးတဲ့စိတ်ဓါတ်မျိုးပါ။ ဆရာကြီးသခင်ကိုယ်တော်မှိုင်းရဲ့ သခင်ဋီကာစာအုပ်(စာပေလောကထုတ်) အဖွင့်ကို 'အနိုင်မခံ' ဆိုတဲ့ကဗျာနဲ့ စဖွင့်ခဲ့တာပဲ။ ဒီကဗျာက သခင်အောင်ဆန်းနှစ်သက်တဲ့ ကဗျာလို့ပြောကြပါတယ်။ "ငါ၏ဦးခေါင်းတို့သည် သွေးသံတို့ဖြင့် ရဲရဲနီ၏။ ညွတ်ကားမညွှတ်" ဆိုတဲ့ ကဗျာပေါ့။ ကဗျာကို ' ငါသာလျှင် ငါ့ကံ၏ အရှင်သခင်ဖြစ်၍ ငါသာလျှင် ငါ့စိတ်၏ အကြီးအကဲ ဖြစ်လေသည် ' လို့အဆုံးသတ်ထားတာပါ။ သခင်စိတ်ဓါတ်ဆိုတာ ငါသာလျှင် ငါ၏အရှင်သခင်ဖြစ်ခွင့်ကို အသိအမှတ်ပြုပါတယ်။ အသိအမှတ်ပြုရုံမက ကျင့်လည်း ကျင့်သုံးကြပါတယ်။

သခင်စိတ်ဓါတ်ဟာ ဗုဒ္ဓတရားတော်နဲ့ ကိုက်ညီတယ်

ဗုဒ္ဓဘာသာရဲ့ အတွင်းသဘောဟာ ဆုတောင်းခြင်းမဟုတ်ပါဘူး။ ဘယ်တန်ခိုးရှင်ကမှ ကယ်တင်နိုင်တယ်လို့ ယုံကြည်တဲ့ဘာသာမဟုတ်ပါဘူး။ ကောင်းသောအမှု(ကုသိုလ်) ပြုရင် ကောင်းသောအကျိုးရမယ်။ မကောင်းသောအမှု (အကုသိုလ်) ကိုပြုရင် မကောင်းသော အကျိုးရမယ်လို့ ယုံကြည်ပါတယ်။ ကိုယ့်သားသမီးကုသိုလ်ရအောင်ဆိုပြီး မိဘက၀င်လုပ်ပေးလို့ရတယ်လို့ ယုံကြည်တာမဟုတ်ပါဘူး။ ကိုယ်ဟုတ်ရင် ကိုယ်စံ၊ ကိုယ်မဟုတ်ရင် ကိုယ်ခံဆိုတဲ့ ယုံကြည်မှုပါ။ အဲဒါ ဘာနဲ့မှ ကယ်တင်လို့မရပါဘူး။

သခင်စိတ်ဓါတ်ဆိုတာ ကိုယ့်လုပ်ရမယ့်အမှုကို တခြားသူက၀င်စွက်ဖက်လုပ်ခွင့်ပေးတဲ့ စိတ်ဓါတ်မဟုတ်ပါဘူး။ အဲဒီလို သူများစည်းကို ကိုယ်ကကျူးပြီး ၀င်စွက်ဖက်ခြင်းဟာလည်း ဗုဒ္ဓရဲ့အခြေခံအယူအဆနဲ့ မကိုက်ညီပေဘူး။

ပညာရှင်နဲ့ ပညာရှင်ကိုလေးစား

ခရစ်သက္ကရာဇ် ၁၉၃၂ (မြန်မာသက္ကရာဇ် ၁၂၉၄ ခုနှစ်၊ ပြာသိုလပြည့်ကျော် ၁၁ ရက်နေ့) မှာ တို့ဗမာသတင်းစဉ်မှတ်တမ်းကို စထုတ်ပါတယ်။ မျက်နှာဖုံးပုံက ရောင်နောက်တွဲထုံးပြီး ထိုးကွင်းမင်ကြောင်နဲ့ ခါးတောင်းမြောင်အောင်ကျိုက်ထားတဲ့ ယေက်ျားကြီးက မီးရှူးတိုင်ကို ထမ်းပြီး ရှေ့ကိုချီတက်နေတဲ့ပုံပါ။ အကျိုးအပျက် မြိုးရိုးပြသာဒ်တွေကို ကျောခိုင်းလို့ စက်ရုံတွေ၊ ရေနံတွင်းတွေ၊ လေယဉ်ပျံတွေရှိရာကို ချီတက်လို့။ သက်ဦးဆံပိုင် အာဏာပိုင်စံနစ်နဲ့ ခေတ်နောက်ကျမှုတွေကို စွန့်ပြီး အနာဂတ်စက်မှုနိုင်ငံကို သွားနေတဲ့သဘောပေပေါ့။ မီးရှူးတိုင်ရဲ့သဘောက မြန်မာပြည်သူပြည်သားတွေကို အသိဥာဏ်အလင်းရောင် ပေးမယ့်သဘောလို့ဆိုပါတယ်။

သခင်စိတ်ဓါတ်ဆိုတာ အဟောင်းအမြင်းတွေကိုစွန့် စက်မှုနိုင်ငံဆီသို့ ချီတက်ရာမှာ အသိဥာဏ်ပညာကိုလေးစားတဲ့ စ်ိတ်ဓါတ်ပါပဲ။ အသိဥာဏ်ပညာမပါပဲ နိုင်ငံသစ်ဆီသွားလို့မရဘူးဆိုတာ အဲဒီမျက်နှာဖုံးပုံက ပြနေပါတယ်။ သခင်စိတ်ဓါတ်မှန်ရင် ဘယ်တော့မှ ပညာနဲ့ ပညာရှင်တွေကို အထင်မသေးရဘူး။ သူတို့ရဲ့အလင်းရောင်ကို ပခုံးပေါ်မှာ ထမ်းတင်ထားချင်တဲ့စိတ်ဓါတ်ပါ။ လက်နှိပ်ဓါတ်မီးလို လိုမှခလုတ်တွန်းထားတဲ့ စ်ိတ်ဓါတ်မျိုးမဟုတ်ပေဘူး။ ပခုံးထမ်းထားနိုင်တဲ့ စိတ်ဓါတ်မျိုးပါ။

တို့ဗမာအစည်းအရုံးက ပထမဦးဆုံးထုတ်တဲ့ နိုင်ငံပြုစာစုရဲ့ မျက်နှာဖုံးမှာ -
ဗမာပြည်သည် - တို့ပြည်
ဗမာစာသည် - တို့စာ
ဗမာစကားသည် - တို့စကား
ဗမာပြည်ကို - ချစ်ပါ
ဗမာစာကို - ချီးမြှင့်ပါ
ဗမာစကားကို - လေးစားပါ လို့ဖော်ပြထားပါတယ်။

အဲသည့် ကြွေးကြော်သံတွေထဲက ဗမာစာသည် - တို့စာ ဆိုတဲ့ ကြွေးကြော်သံကို ရှင်းရာမှာ မျိုးချစ်စ်ိတ်ဓါတ်လှို့ဆော်ဖို့ ကြွေးကြော်ရုံမျှပဲလို့ ထင်နေကြသူတွေကများနေပါတယ်။ ဒီကြွေးကြော်သံတွေကို သခင်ဘသောင်းပြောခဲ့ရာမှာ အဲဒီမျိုးချစ်စိတ်ဓါတ်ရှိရေးလောက် မဟုတ်ပါဘူး။ ' လောကဓါတ်ပညာရပ်အားလုံး ဗမာစာနဲ့ရှိရေး ' ဆိုတဲ့ အမြော်အမြင်ရှိတဲ့ ရည်မှန်းချက်လည်း ပါပါတယ်။

သခင်ကြီးတွေမေးကြည့်တော့ သခင်ခေါင်းဆောင်တွေက ပညာကိုသိပ်ရှာကြတာလို့ ပြောပြပါတယ်။ တို့ဗမာအစည်းအရုံးဋ္ဌာနချုပ်မှာ အစည်းအဝေးထိုင်ကြတဲ့ စားပွဲကြီးတလုံးရှိတယ်လို့ ၀ါးခယ်မသခင်သိန်းဖေက မှတ်မှတ်ရရ ပြန်ပြောပါတယ်။ အဲဒီစားပွဲကြီးအောက်မှာ အထွေထွေအတွင်းရေးမှူး သခင်အောင်ဆန်းရဲ့ စာအုပ်ပုံရှိပါတယ်။ သခင်အောင်ဆန်းဟာ အားရင် အဲဒီစာအုပ်ပုံကြားမှာ စာအုပ်တွေခေါင်းခုပြီး မျက်နှာနဲ့စာအုပ်မခွာတော့ဘူးတဲ့။ ' သူ့ဆီသွားရင် စားပွဲအောက် စာအုပ်ပုံထဲက ထွက်လာတတ်တယ် ' လို့မှတ်မှတ်ရရ ပြန်ပြောပါတယ်။

သခင်အောင်ဆန်းမှမဟုတ်ပါဘူး။ ကျန်သခင်ခေါင်းဆောင်တွေလည်း စာသိပ်ဖတ်ကြတာပါ။ ' သူတို့က တို့တိုင်းပြည်ကောင်းအောင် ဘယ်လိုလုပ်ကြမလဲ အမြဲစဉ်းစားနေတဲ့လူတွေ ' လို့နယ်သခင်ခေါင်းဆောင်ဟောင်းတယောက်က ပြောပါတယ်။ "စာမဖတ်၊ အမြော်အမြင်မရှိဘဲနဲ့ 'သခင်ကွ' အော်နေရုံနဲ့ ဘယ်နှယ့်သခင်ဖြစ်နိုင်ပါ့မလဲ။ ဖြစ်ရင်လည်း ဇက်ကျိုးနေတဲ့ သခင်ဖြစ်မှာပေါ့လေ" တဲ့။

ဒါကြောင့် သခင်စိတ်ဓါတ် သခင်အကျင့်ဆိုတာ ပညာနဲ့ ပညာရှင်ကို ပခုံးထမ်းထားနိုင်တဲ့ စိတ်ဓါတ်လို့ ပုံမှာထည့် သရုပ်ဖော်ထားတာ ဖြစ်ပါတယ်။

လုံးဝလွတ်လပ်လိုတဲ့စိတ်ဓါတ်
စီးပွားပျက်ကပ်၊ ဆရာစံတောင်သူလယ်သမားအရေးတော်ပုံရယ်နဲ့ နိုင်ငံရေးအကျပ်အတည်းကြုံလာတဲ့ အုပ်ချုပ်သူမာစတာတွေဟာ မြန်မာနိုင်ငံကို အုပ်ချုပ်ရေးတိုးတက်ပေးဖို့ဆိုပြီး ဆာဂျွန်တိုင်မွန် ဥက္ကဋ္ဌအဖြစ် ဆောင်ရွက်တဲ့ ကော်မရှင်တရပ်ကို ၁၉၂၉ ဇန်န၀ါရီလထဲမှာ မြန်မာနိုင်ငံကို စေလွှတ်ပါတယ်။ အုပ်ချုပ်ရေးအရ မြန်မာနဲ့အိန္ဒိယ ဆက်တွဲထားမလား၊ ခွဲထားမလား တင်ပြဖို့ပါ။ ဒီတော့ မြန်မာနိုင်ငံရေးသမားကြီးတွေထဲမှာ ခွဲရေးလား၊ တွဲရေးလား အငြင်းပွားကြပါလေရော။ ၁၉၃၃ နိုဝင်္ဘာလထဲမှာ ခွဲရေး၊ တွဲရေး ပြည်သူ့ဆန္ဒခံယူမယ်ဆိုတော့ ခွဲမလား တွဲမလား ကျယ်ကျယ်လောင်လောင် ငြင်းခုံကြပြန်ပါတယ်။ ဒီပြသနာနဲ့ပက်သက်ပြီး ခွဲရေးဘက်က ဦးဘဖေ၊ ဦးထွန်းဝင်း(မော်လမြိုင်)၊ ဦးစိုးညွန့်(၀တ်လုံ)တို့ ပြောကြပြီး၊ တွဲရေးဘက်က ဒေါက်တာဘမော်၊ ဦးကျော်မြင့်(၀တ်လုံ)နဲ့ ရမ်းဗြဲဦးမောင်မောင်တို့ ပြောကြပါတယ်။ ပြောပြီးကြတော့ သခင်ဘသောင်းက သဘာပတိဆီ ခွင့်တောင်းဝင်ဆွေးနွေးပါတယ်။

“ခွဲရေးဖြစ်စေ၊ တွဲရေးဖြစ်စေ အင်္ဂလိပ်နယ်ချဲ့သမား လက်အောက်ခံချည်းပါပဲ။ ကျွန်နဲ့ဒါသ စကားလုံးခြားနားသော်လည်း တမျိုးတည်းဖြစ်နေသလို ကျွန်ဟာကျွန်ပဲဖြစ်တယ်။ ဒီခွဲရေးတွဲရေးပြသနာရဲ့ အဓိပ္ပါယ်က အင်္ဂလိပ်နယ်ချဲ့အစိုးရက သူတို့ရဲ့ ဘယ်ဘက်ဖိနပ်အောက်မှာနေမလား၊ ညာဘက်ဖိနပ်အောက်မှာ နေမလားလို့ မေးတဲ့သဘောပါပဲ။ ဒါကြောင့် ကျုပ်တို့သခင်တွေသဘောကိုပြောရရင် အင်းဝခေတ်က နာမည်ကျော်သူခိုးကြီးငတက်ပြား ဖမ်းမိတော့ သတိုးမင်းဖျားဘုရင်က 'မောင်မင်းကို အခုသတ်မယ်။ သံလျက်နဲ့ခုတ်သတ်တာ ကြိုက်သလား၊ လှံနဲ့ထိုးသတ်တာကြိုက်သလား' လို့မေးတော့ ငတက်ပြားက 'ငါ့အကြိုက်ပြောရရင် သံလျက်ရော လှံပါ ဘယ်ဟာမှမကြိုက်၊ အသင်မင်းကြီးရဲ့ မိဖုရားခေါင်ကြီး စောဥမ္မာကိုသာကြိုက်တယ်' လို့ပြောခဲ့သလို ခွဲရေးလည်းမကြိုက် တွဲရေးလည်းမကြိုက် အင်္ဂလိပ်နယ်ချဲ့ သမားလက်အောက်က လုံးဝလွတ်လပ်ရေးသာ ကြိုက်ပါတယ်။"

သခင်ဘသောင်းဒီလိုပြောတေ့ ကျောင်းသားတွေရဲ့ လက်ခုပ်သံက တဖြောင်းဖြောင်းပေါ့။ သခင်တွေရဲ့စိတ်ဓါတ်နဲ့ ရှေးကနိုင်ငံရေးသမားကြီးတွေရဲ့ စိတ်ဓါတ်ကွာခြားတာ ဒါပါပဲ။

သခင်တွေနဲ့ ရှေးနိုင်ငံရေးသမားကြီးတွေ ကွာခြားချက် နှစ်ချက်ရှိပါတယ်။
(၁) လုံးဝလွတ်လပ်ရေးမှာကွာခြားတယ်
(၂) လုံဝလွတ်လပ်ရေးမှာတူဦး သက်ဦးဆံပိုင်ပဒေသရာဇ် အာဏာရှင်စနစ်ကို ပြန်သွားချင်တာနဲ့ လူထုရွေးတဲ့ အစိုးရထူထောင်ချင်တာ ကွာပါတယ်။

သခင်စိတ်ဓါတ်ဆိုတာ ဒါသအခေါ်ခံရရုံနဲ့ ကျွန်အခေါ်မခံရပေဘူးရယ်လို့ ဖြေသိမ့်နိုင်တာ မဟုတ်ပါဘူး။ ဘယ်ဘက်ထက် ညာဘက်ကတော်သေးရဲ့ဆိုပြီး ညာဖိနပ်အောက်ပြေးဝင်တဲ့ စိတ်ဓါတ်မဟုတ်ပေဘူး။ တို့ဗမာသတင်းစဉ်မှတ်တမ်း အတွဲ၂ အမှတ်၎ စာစောင်မှာ သုံနှုန်းခဲ့သလိုပါပဲ၊ သခင်စိတ်ဆိုတာ နှစ်ချက်ထောင်းမို့ သုံးချက်ထောက်ထက် ပိုကောင်းတယ်ဆိုပြီး လူထုကို မစည်းရုံးပေဘူး။ ဒါကြောင့် ခွဲရေး တွဲရေး ကို ပရိယာယ်အဖြစ်လောက်သာသုံး၍ လုံးဝလွတ်လပ်ရေး ရရာရကြောင်းကိုသာ ရှာကြံအပ်၊ လုပ်ကြံအပ်ပေသည် လို့ရေးခဲ့တာပါ။ သခင်စိတ်ဓါတ်ဆိုတာ လုံးဝလွတ်မြောက်ရေးစိတ်ဖြစ်တယ်။ ကျွန်စိတ်ဆိုတာ နှစ်ချက်ထောင်း ပိုကောင်းသေးရဲ့ စိတ်ဓါတ်ဖြစ်တယ်။ ညာဖိနပ် ဘယ်ဖိနပ်ရွေးတဲ့ စိတ်ဓါတ်ဖြစ်တယ်။ ဒါကြောင့် အဲဒီတို့ဗမာသတင်းစဉ် နိဂုံးမှာပဲ သခင်ဘသောင်းက "ကျွန်ဖြစ်ဖို့နှင့် ဒါသဖြစ်ဖို့အတွက် အချည်းအနှီး ငြင်းခုံပြောဆိုနေသည့်အရေးတွင် စိတ်ရောကိုယ်ပါ ၀င်ရောက်ပါဝင်ဖို့ မဟုတ်။ ယခုအခါ 'ကျွန်တွင်း' သို့ကျရောက်လျက်ရှိကြသော တို့ဗမာ သွေးချင်းသားချင်းအားလုံးကို လွတ်လပ်ရာ လွတ်လပ်ကြောင်း နည်းလမ်းညွှန်ဖို့ဖြစ်သဖြင့် လူဇာတ်ဝင်ဖို့ တောင့်တကောင်း ရည်မှန်းကောင်းသော လုံးဝလွတ်လပ်ခြင်းကို တောင့်တကြ၊ ရည်မှန်းကြသူတိုင်း ဉာဏသမ္ပယုတ် ဉာဏ်နှင့်ယှဉ်၍ ဖတ်ရှုကြရာသတည်း" လို့ရေးခဲ့တာပါ။

ဒီစာသားတွေထဲမှာ 'လူဇာတ်ဝင်တယ် ဆိုတဲ့စလုံးလေးဟာ တော်တော်သတိပြုစရာကောင်းတဲ့ စာလုံးပါ။ သခင်စိတ်ဆိုတာ လူဇာတ်ဝင်ဖို့ တောင့်တရကောင်းမှန်၊ ရည်မှန်းရကောင်းမှန်းသိတယ်။ လူဇာတ်ဝင်ဖို့ဆိုတာ လုံးဝလွတ်လပ်မှဖြစ်တယ်ဆိုတာ သခင်စိတ်ဓါတ်မှန်ရင် အသိအမှတ်ပြုကြတာကိုး။ အင်္ဂလိပ်၊ ဂျပန်၊ မာစတာစိတ်ဓါတ်ရှိသူတွေကသာ တမျိုးသားလုံး ကျွန်ပြုထားချင်ကြတာဆိုတော့ ဘယ်မှာ လုံးဝလွတ်လပ်စေချင်ပါ့မလဲ။ ဒါကြောင့် မာစတာတွေရဲ့ ရန်သူစာရင်းမှာ သခင်စိတ်ဓါတ်ရှိသူတွေ ထပ်ဆုံးကရှိခဲ့ကြတာပေါ့။ အဲဒီစာရင်းကို အင်္ဂလိပ်လက်ထက်မှာ Burma List လို့ခေါ်ပါတယ်။ ၁၉၄၁ ဇန်န၀ါရီ ၁ရက်နေ့ထုတ်ပြန်တဲ့ စာရင်းအရဆိုရင် နံပါတ် ၁ ကဆရာကြီးသခင်ကိုယ်တော်မှိုင်းပါ။ နံပါတ် ၂က သခင်ဗဟိန်းတဲ့။ သခင်အောင်ဆန်းကတော့ နံပါတ် ၅မှာရှိပါတယ်။

တန်း-တူ

ဂျီစီဘီအေက ကိုယ်ပိုင်အုပ်ချုပ်ရေးကိုပဲ တောင်းဆိုတုန်းကပါ။ ဒိုင်အာခီပေးဖို့ ၀ှိုက်ကော်မတီလာတော့ စုံစမ်းစစ်ဆေးရာမှာ လုံးဝအစစ်မခံဖို့ ဂျီစီဘီအေက ဆုံးဖြတ်လိုက်ပါတယ်။ '၀ှိုက်ကော်မတီနှင့် ဝေးနိုင်သမျှဝေးအောင် ရှောင်ရှားကြဖို့တာဝန်သည် မြန်မာလူမျိုးတိုင်း၏ တာဝန်ကြီး' လို့လည်ူ တိုင်းပြည်ကို နှိုးဆော်ပါတယ်။

အဲဒီဝှိုက်ကော်မတီ မန္တလေးရောက်လာတော့ သူတို့တည်းနေတဲ့ ဗိုလ်တဲဆီကို ၀ံသာနုအမျိုးသမီး တရာလောက် ဆန္ဒပြဖို့ စီတန်းလျှောက်ကြပါတယ်။ ဒီတော့ ပုလိပ်အဖွဲ့က တားပါလေရော။ အဲဒီအချိန်မှာ မောင်ဘသောင်းရောက်လာပြီး 'အတင်းတိုးပြီး ချီတက်ကြ' လို့အားပေးပါတယ်။ ဒါနဲ့ တာဝန်ကျ ရာဇ၀တ်ဝန်က 'You are placed under arrest မင်းကိုဖမ်းလိုက်ပြီ' လို့ပြောပါတယ်။ ကိုဘသောင်းက 'All right ကောင်းပြီ' လို့ မမှုတဲ့လေသံနဲ့ ရဲဋ္ဌာနကိုခေါ်တော့ ရာဇ၀တ်ဝန်က-
'မင်းစက်ဘီးကိုမစီးရဘူး။ ဆင်းတွန်းလာ' လို့ခိုင်းပါတယ်။
'ငါဘယ်တုန်းကမှ ခြေလျင်မသွားဘူး' လို့ရာဇ၀တ်ဝန်ခိုင်းတာကို ဖီဆန်လို့ စက်ဘီးစီးမြဲ တက်စီးတာပါပဲ။ ကိုဘသောင်းရဲ့ အဲဒီစိတ်ဓါတ်မျိုးဟာ သခင်စိတ်ဓါတ်ပါပဲ။ အုပ်ချုပ်သူတွေက လူု့အောက်နိမ့်တဲ့ သတ္တ၀ါလို နှိမ်တာကို ဖီဆန်ရဲတာ သခင်ပါ။ သူစက်ဘီးစီးရင် ကိုယ်လည်းစီးရမှာပေါ့။ ဘာလို့ ကိုယ်က ခြေလျင်လိုက်ရမှာလဲ။ လူလူချင်းပဲဟာ။ လူကိုလူလို တန်းတူသဘောမထားဘဲ ဆက်ဆံရင် သခင်တွေက မခံပါဘူး။

သခင်စိတ်ဓါတ်ဆိုတာ လူတိုင်းကို "တန်း-တူ" သဘောထားချင်တဲ့ စိတ်ဓါတ်ပေကိုး။ သူ့ကျတမျိုး၊ ငါ့သား ငါ့သမီး ငါ့အမျိုးအဆွေကျတမျိုး သဘောထားပုံမျိုး မဟုတ်ပေဘူး။ "မူ" မှာ သူ့လူ ကိုယ့်လူခွဲတာမရှိဘူး။ မြန်မာ့ယဉ်ကျေးမှု ကျေးဇူးတရားဆိုတဲ့ ရှုထောင့်ကကြည့်ရင် အစွန်းရောက်တယ်လို့ ပြောမယ်ဆိုပြောနိုင်တဲ့ လုပ်ရပ်မျိုးတောင် "မူ' နဲ့ပက်သက်လာရင် တချို့သခင်တွေက လုပ်ခဲ့ကြတာကလား။ သခင်ဘသောင်းဆိုပါစို့ရဲ့။ သူငယ်ငယ်က ဖတဆိုးဘ၀နဲ့ မန္တလေးက ဗုဒ္ဓနုဂ္ဂဟကျောင်းမှာ ဦးလျံကျော်ရှူးဆိုတဲ့ ကျောင်းကော်မတီလူကြီးတယောက်က ကျွေးမွေးစောင့်ရှောက်ထားကာ အဲဒီပုဂ္ဂိုလ်ကြီးက သူ့သားကိုတော့ ဘိလပ်ပို့ ပညာသင်ခိုင်းတာကိုး။ ဒါကို သခင်ဘသောင်းဖြစ်လာမယ့် မောင်ဘသောင်းက ဟောဒီလို စာတွေရေးဖြန်းသတဲ့လေ။

“မဿဖာသုကော- ဖွာ၍ရှုပ်သော နှုတ်ခမ်းမွှေးလည်းရှိသော၊ ကျောင်းကော်မတီလူကြီး ဦးလျံကျော်ရှုးသည် သူ့သားကိုတော့ ဘိလပ်ကိုပို့၍ ဘုရားတပည့်တော်တို့ကို အမျိုးသားကျောင်းမှာ အနေခိုင်းပါသည် ဘုရား။ ထို့ကြောင့် အရှင်ဘုရားက မယဉ်ကျေးသော ထိုကျောင်းကော်မတီလူကြီးများကို ယဉ်ကျေးအောင် ဆုံးမတော်မူပါဘုရား" တဲ့။

အဲဒီတော့ ဦးလျံကျော်ရှူး ဒေါသတွေထွက်ပြီး မောင်ဘသောင်းလည်း ထမင်းအိုးကွဲလေရောတဲ့။

ကဲ- ကြည့်တော့ 'မယဉ်ကျေးသော ထိုကျောင်းကော်မတီလူကြီး' တဲ့။ ဒီစာလေးက သခင်စိတ်ဓါတ်ရဲ့ ယဉ်ကျေးမှုကို ဖွင့်ဆိုသွားသလိုပါပဲ။

ပါးစပ်ကတော့ ကျွန်ပညာရေးဆန့်ကျင်၊ အမျိုးသားကျောင်းတွေကို ထောက်ခံတယ်ဆိုပြီး သားကိုတော့ ဘိလပ်ပို့ ပညာသင်စေတဲ့ အပြောနဲ့အလုပ် တခြားစီဖြစ်နေတာမျိုးကို ဆုံးမဖို့ လိုတယ်လို့ ဒီစာလေးက ပြောနေတာမဟုတ်လား။ သခင်ယဉ်ကျေးမှုဆိုတာ ဒါမျိုးပါ။ မူနဲ့လူ တထပ်တည်းဖြစ်ရေးပါ။ အပြောနဲ့အလုပ်တမျိုးတည်းဖြစ်ရေးပါ။ ငါ့သားသမီး၊ ငါ့အမျိုးနဲ့ သူများ 'တန်း-တူ' ရေးပါ။

ကျွန်စိတ်ကိုကန်၊ သခင်စိတ်ကိုစီး

ဒိုင်အာခီအုပ်ချုပ်ရေးမှာ ရွှေဘိုအမတ်ကွယ်လွန်သွားလို့ ၁၉၃၃၊ နိုဝင်္ဘာလမှာ ကြားဖြတ်ရွေးကောက်ပွဲတခု လုပ်ပါတယ်။ အဲဒီရွေးကောက်ပွဲကို သခင်ဘသောင်း ၀င်အရွေးခံဖို့ တို့ဗမာအစည်းအရုံးကဆုံးဖြတ်ပါတယ်။ ရွှေဘိုမှာ ရွေးကောက်ပွဲအရာရှိကို သွားတွေ့တော့ အဲဒီအရာရှိအခန်းဝမှာ ချွတ်ထားတဲ့ ဖိနပ်တွေ သခင်ဘသောင်းတွေ့သွားတာကိုး။ ဒါနဲ့ သခင်ဘသောင်းဟာ အဲဒီဖိနပ်တွေကို တခုချင်း ကန်ပစ်လိုက်ပါရောတဲ့။ ပြီးတော့ အရာရှိခန်းထဲကို ဖိနပ်မချွတ်ပဲ ၀င်တွေ့ပါတယ်။

သာမန်ကြည့်ရင် သခင်ဘသောင်းဟာ ဖိနပ်ကိုကန်ပြီး ဖိနပ်စီးတာပါပဲ။ ဒါပေမယ့် အတွင်းစိတ်သဘောအရ ပြောရရင်တော့ ဒါ ဖိနပ်လောက်မဟုတ်တော့ပါဘူး။ ကျွန်စိတ်တွေကို တရံချင်း ကန်ပစ်လိုက်တာပဲ ဖြစ်ပါတယ်။ သခင်စိတ်ကိုစီးပြီး ကိုယ့်ကိုယ်ကို မာစတာထင်နေသူတွေကို မျက်နှာချင်းဆိုင်တာပဲ ဖြစ်ပါတယ်။

တချို့လူတွေက ဘာရယ်မဟုတ်ပါဘူး။ သိပ်လွယ်ကြတာကိုး။ အလေးအနက် သိပ်မထားပဲ အင်္ဂလိပ်ပဲဖြစ်ဖြစ်၊ မြန်မာပဲဖြစ်ဖြစ် အရာရှိဆိုရင် ဖိနပ်ချွတ်တာတို့၊ လက်အုပ်ချီတာတို့ လွယ်လွယ်လုပ်တတ်ကြပါတယ်။ တကယ်တော့ မြန်မာလူမျိုးဆိုတာ ဘာသာရေးနဲ့ ပက်သက်ပြီးတော့သာ ဖိနပ်ချွတ်၊ လက်အုပ်ချီတာပါ။ 'ဘာလို့ အင်္ဂလိပ်ကို လက်အုပ်ချီတာလဲ' လို့သခင်ကြီးတွေကို မေးကြည့်တော့ 'ဘုရင်တွေလက်ထက်က မင်းစိုးရာဇာဆိုရင် လက်အုပ်ချီအောင် လုပ်ထားတာကိုး။ ဒီတော့ အကျင့်က ပါနေတာပါ။ ပြောရင်လည်း ကျေးတော်မျိုး၊ ကျွန်တော်မျိုးလို့ သုံးနှုံးကြတာမဟုတ်လား။ အဲဒီတော့ အင်္ဂလိပ်ကျွန်မဖြစ်ခင်ကတည်းက လူတွေမှာ ကျွန်စိတ်ဝင်အောင် လုပ်ထားသလိုဖြစ်နေပါတယ်။ လူမျိုးတမျိုး၌ ကျွန်စိတ်သည် ကျွန်မဖြစ်မီ အုပ်ချုပ်ပုံပေါ်မူတည်ပြီး ရှိနှင့်နိုင်သည်လို့ ပြောရမလိုဖြစ်နေတယ်' လို့ ထင်မြင်ချက်ပေးပါတယ်။ သခင်ခင်အောင်ကတော့ "စာရေးရင် 'ကျွန်တော်'လို့ ဘယ်တော့မှစာလုံးမပေါင်းဘူး။ 'ကျနော်' လို့ပဲ စာလုံးပေါင်းရေးတယ်" လို့ပြောပြပါတယ်။ ကျွန်စိတ်ကို စာရွတ်ပေါ်မှာ စာလုံးပေါင်းရုံလောက်တောင် လက်မခံတဲ့ သခင်စိတ်ဓါတ်ပါ။

ယုံကြည်ချက်ကို အသက်နဲ့လဲ

သခင်ဘသောင်းတယောက် တို့ဗမာအစည်းအရုံးကို တည်ထောင်ခါစ၊ တက္ကသိုလ်ဘာသာပြန်ဋ္ဌာနမှာ နည်းပြဆရာလုပ်နေရင်း တက္ကသိုလ်ကျောင်းဆောင်တွေမှာ သခင်စိတ်ဓါတ်အကြောင်း လိုက်လံဟောပြောတော့ တက္ကသိုလ်အာဏာပိုင်တွေက မကြိုက်ကြပါဘူး။ လူတယောက် သူ့ယုံကြည်ချက်နဲ့သူ ခေါင်းထောင်လာတာကို မာစတာစိတ်ဓါတ်နဲ့ အုပ်ချုပ်သူအင်္ဂလိပ်တွေ ဘယ်လက်ခံနိုင်ပါ့မလဲ။ တက္ကသိုလ်မှာ သခင်စိတ်ဓါတ် ၀ါဒမဖြန့်ရဖို့ ပိတ်ပင်ပါတော့တယ်။
ဒီတော့ သခင်ဘသောင်းဆိုတာကလည်း ပိတ်ရင်ပိတ်တဲ့အတိုင်း တိတ်သွားတတ်တဲ့ ခပ်ညံ့ညံ့လူမှ မဟုတ်တာပဲ။ သခင်စိတ်ဓါတ်ဆိုတာ 'ကိုယ့်ယုံကြည်ချက်အတွက် အညံ့ခံလိုက်တဲ့ စိတ်ဓါတ်မဟုတ်ဘူး။ သူများကြိုးဆွဲတိုင်း ပါးစပ်ဖွင့်လိုက် ပိတ်လိုက်လုပ်တတ်တဲ့ စိတ်ဓါတ်နဲ့ ရုပ်ခန္ဓာသက်သက်နဲ့လူမှ မဟုတ်တာ။ သခင်ဘသောင်း ငြိမ်မခံပါဘူး။ ယုံကြည်ချက်အတွက် အလုပ်ကထွက်လိုက်ပါတယ်။ အဲဒီတုန်းက တက္ကသိုလ်ကျောင်းအုပ်ကြီးဖြစ်တဲ့ မစ္စတာဆလော့က မစ္စတာဖာနီဗယ်ကို ပြောတဲ့စကားအတိုင်းပြောရရင် "မိမိစိတ်ကမှန်သည်ဟု ယုံကြည်သော အယူကိုမစွန့်ပဲ မိမိ၏အသက်မွေးမှု အလုပ်စွန့်သောသူမှာ မောင်ဘသောင်းတယောက်ပဲရှိတာ" ပါ။ ဖာနီဗယ်ကလည်း "အယူကို မစွန့်ပဲ အသက်မွေးမှု အလုပ်စွန့်ခြင်းမှာ ချီးမွမ်းဖွယ်ရာကောင်းသည်ကား မှန်သည်။ သို့ရာတွင် ထိုသို့ပြုလုပ်ခြင်းကား လောက၌ ကြီးပွားစေတတ်သော ပြုလုပ်ခြင်းမျိုးမဟုတ်ပေ" လို့ချီးမွမ်းမှတ်ချက်ချပါတယ်။

မစ္စတာဖာနီဗယ်နားမလည်တာကတော့ သခင်စိတ်ဓါတ်ရဲ့ မြင့်မြတ်မှုပါပဲ။ သခင်စိတ်ဓါတ်ဆိုတာ ကိုယ်တယောက်တည်းပဲ ကြီးပွားဖို့ လုပ်တဲ့စိတ်ဓါတ်မှ မဟုတ်ဘဲ။ တို့ဗမာသီချင်းထဲမှာ ပါသလိုပေါ့။ "နောင်လာနောင်သား ကောင်းစားဖို့ရာ တို့ကိုယ်ကျိုးလုံးလုံးမပါ" ဆိုတဲ့ စိတ်ဓါတ်မျိုးပါ။ ဒါဟာ သခင်အကျင့်တွေထဲမှာ အမြင့်ဆုံးပါပဲ။

တင်မောင်သန်း၏သခင်နိုင်ငံတော်စာအုပ်မှ ကူးယူမျှဝေပေးပါသည်။

သခင်စိတ်ဓါတ် သခင်အကျင့် (၅)

နောင်လာနောင်သား ကောင်းစားဖို့ရာ

သင့်ဘ၀မဂ္ဂဇင်းက သခင်စိတ်ဓါတ်အကြောင်းရေးဖို့ သခင်၊ သခင်မကြီးတွေကို လိုက်တွေ့တော့ 'ဦးတို့တသက်မှာများ လွတ်လပ်ရေးရမယ်လို့ထင်ပြီး လုပ်ခဲ့ကြတာလား' လို့မေးပါတယ်။ တချို့ကလည်း ထင်ကိုမထင်ဘူးလို့ ဖြေကြပါတယ်။ တချို့ကတော့ ရ ရမယ်လို့ ယုံကြည်တယ်။ ဒါပေမယ့် ဒီလောက်မြန်မြန် ရမယ်လို့တော့ မမျှော်လင့်ခဲ့ပါဘူးတဲ့။

“ဦးတို့တသက်မှာ မရရင်လည်း နောင်သားသမီး၊ မြေးလက်ထက်မှာ ရရမယ်ဆိုတဲ့ စိတ်ဓါတ်နဲ့ လုပ်ကြတာပဲ" လို့ ၀ါးခယ်မသခင်သိန်းဖေက ပြောပြပါတယ်။

နောင်မျိုးဆက် တဆက်အတွက် မျှော်မြင်လုပ်ကိုင်တယ်ဆိုတာ မိသားစုတစုအတွက်ပဲ ဖြစ်ဖြစ်၊ နိုင်ငံတနိုင်ငံအတွက်ပဲ ဖြစ်ဖြစ် အရေးကြီးပါတယ်။ သူများထက် ခေါင်းတလုံးပိုမြင့်တဲ့ သူတိုင်းဟာ ကိုယ့်မျိုးဆက်အတွက် စဉ်းစားတတ်စမြဲပါ။ ကနေ့ကိုယ့်လုပ်ရပ်ဟာ နောင်မျိုးဆက်အပေါ် အဆိုးအကောင်း ဘယ်လိုရှိမယ်ဆိုတာ ကြိုတွေးတတ်စမြဲပါ။

ဒါကြောင့်လည်း စီမံခန့်ခွဲမှု အဆိုအမိန့်တခုမှာ -
“ပထမတန်းစား ခေါင်းဆောင်တွေဟာ နောင်မျိုးဆက်အတွက် အဆိုးအကောင်းကြိုမြင်နိုင်ပါတယ်။ ဒုတိယတန်းစား ခေါင်းဆောင်ကတော့ သူ့ပင်ကိုယ်အရ နောင်မျိုးဆက်အတွက် ကြိုတော့ မမြင်နိုင်စွမ်းဘူးတဲ့။ ဒါပေမယ့် မြင်သူပြောပြတဲ့အခါ မြင်သွားနိုင်ပါသတဲ့။ တတိယတန်းစားခေါင်းဆောင်ကတော့ နောင်မျိုးဆက်အတွက် ပြောပြလည်း သဘောမပေါက်တတ်ပေမယ့် သူ့မျိုးဆက်အတွက်တော့ မြင်နိုင်စွမ်းရှိကြပါသတဲ့။ စတုတ္ထတန်းခေါင်းဆောင်တွေကတော့ သူ့မျိုးဆက်အတွက်တောင် မမြင်နိုင်စွမ်းပဲ ကြုံရာကျပန်း ခေါင်းဆောင်တတ်သူများသာ ဖြစ်တယ်" လို့ဆိုပါတယ်။

နောင်လာနောင်သား ကောင်းစားဖို့ရာဆိုတာ ပထမတန်းစားခေါင်းဆောင်တွေရဲ့ အရည်အချင်းကို သခင်တွေက ညွှန်းခဲ့ဟန်တူပါတယ်။ သခင်စိတ်ဓါတ်ဆိုတာ ပထမတန်းစား ခေါင်းဆောင်စိတ်ဓါတ်လို့ ဆိုရမှာပါ။

ခေါင်းဆောင်မှု Leadership ဆိုတာ အများနဲ့ ပက်သက်ရာမှာပဲ စပ်ဆိုင်တယ်လို့ ထင်တတ်ကြပါတယ်။ တကယ်တော့ ခေါင်းဆောင်မှုလို့ဆိုရာမှာ အများနဲ့တင်မဟုတ်၊ ကိုယ့်ကိုယ်ကို ခေါင်းဆောင်ရာမှာလဲ ရည်ညွှန်းတတ်ပါတယ်။ သခင်ဘသောင်းက Every body is the leader of himself (လူတိုင်း ကိုယ့်ကိုယ်ကို ခေါင်းဆောင်နေကြတာပဲ) လို့ပြောတာမှာ ဒီသဘောအများကြီး ပါပါတယ်။ အဲဒီလို ကိုယ့်ဘ၀ ကိုယ်ခေါင်းဆောင်ရာမှာလည်း ကိုယ့်ရဲ့ပစ္စုပ္ပန်ဘ၀လောက်သာမဟုတ် ရှေ့သို့ ဝေးနိုင်သမျှဝေးဝေး တိတိကျကျမြင်နိုင်လေ သူများထက်သာလေပါပဲ။ နောင်ကို ကြည့်တတ်သူဟာ ပစ္စုပ္ပန်ကို စီမံခန့်ခွဲနိုင်ပါတယ်။

သခင်စိတ်ဓါတ်ဟာ အဲဒီနောင်လားနောင်သားခေတ်အထိ ကြည့်ပြီး အလုပ်လုပ်တဲ့ စိတ်ဓါတ်ပါ။ ငါတို့မခံစားရ နေပါစေ နောင်လာနောင်သားတွေ ခံစားရအောင်ဆိုပြီး အနစ်နာခံကြတာကိုး။ သခင်စိတ်ဓါတ်ဆိုတာ အဲဒီလို မြင့်မြတ်ရပါတယ်။

စိတ်ဓါတ်၊ အကျင့်နဲ့လူ

ကြုံရာဆုံရာ စကားဝိုင်းလေးမှာ သခင်စိတ်ဓါတ်၊ သခင်အကျင့်အကြောင်းပြောပြတော့ "ခင်ဗျားကသာပြောတာ ကျုပ်တွေ့ဖူးတဲ့ သခင်ကဖြင့် သိပ်အောက်တန်းကျတာဗျ" ဆိုပြီး သူ့အကြောင်းတွေ ပြောပြနေလိုက်တာ စကားဝိုင်းဖြတ်ယူရတဲ့ အထိပါပဲ။

ရှိပေမပေါ့။ ဗုဒ္ဓဘာသာဝင်လို့ ပြောနေပေမယ့် ဗုဒ္ဓသြ၀ါဒတွေနဲ့ညီအောင် မနေတဲ့လူတွေလည်း အများကြီးရှိနေတာပဲ မဟုတ်လား။ ဒီတော့ လူပုဂ္ဂိုလ်အားဖြင့် ပြောရရင် သခင်ဆိုသူတွေထဲမှာ ကျွန်စိတ်ပေါ်နေတဲ့ သူတွေလည်း ရှိနိုင်ပေတာပေါ့။ ဒါ လောကဓမ္မတာပေပဲ။ ဗုဒ္ဓဘာသာဝင်တယောက် အကျင့်မကောင်းလို့ ဗုဒ္ဓအကျင့်ကတော့ မကောင်းဘူးလို့ ဘယ်နှယ့်ပြောနိုင်ပါ့မလဲ။

တခြားသခင်တွေမပြောနဲ့ အဲဒီသခင်စိတ်ဓါတ်၊ သခင်အကျင့်တွေကို စခဲ့တဲ့ ဆရာကြီးသခင်ဘသောင်းတောင် ရာနှုန်းပြည့်အဲဒီ စိတ်ဓါတ်တွေ ကျင့်သုံးချင်မှ ကျင့်သုံးနိုင်ပေမပေါ့။ သို့သော် ကျနော်တိုရဲ့ သမိုင်းမှာ ဟောဒီလို မြင့်မြတ်တဲ့ သခင်စိတ်ဓါတ်တော့ ပေါ်ပေါက်ခဲ့ဘူးပါတယ်။ ဟောဒီလို အောက်တန်းကျတဲ့ ကျွန်စိတ်တွေတော့ ရှိခဲ့ဖူးတယ်။ ဟောဒီလို ယုတ်ညံ့တဲ့ မာစတာစိတ်ဓါတ်တွေလည်း ရှိခဲ့ဖူးတယ်ဆိုတာကို သိကြပြီး ကောင်းတာကိုယူ၊ မကောင်းတာကို ရှောင်ကြရမှာ မဟုတ်လား။ သမိုင်းသင်ခန်းစာဆိုတာ ဒါပဲကိုး။

ဒီတော့ လူပုဂ္ဂိုလ်ဆိုတာတွေကို ဖျောက်ထားပြီး စိတ်ဓါတ်တွေ၊ အကျင့်တွေကိုပဲ မြင်ကြ၊ ပြောကြတာ အကျိုးများမှာပါ။ သမိုင်းက သင်ခန်းစာမယူတတ်ရင် အနာဂတ်မှာ အနာဂတ်ဖြစ်မလာပဲ အတိတ်ပဲ ဖြစ်တတ်ပါတယ်။ ကိုယ့်တဦးချင်းရဲ့ ဘ၀မှာလည်း ဖြစ်ပျက်ခဲ့သမျှကို ဒီလိုပဲ သုံးသပ်ကြရပါတယ်။ ပြီးတော့ ရှေ့ဘ၀ခရီးကို ဆက်ကြရတာပဲ မဟုတ်လား။

ဒါကြောင့် စိတ်ဓါတ်ရေးရာ မဂ္ဂဇင်းတစောင်ဖြစ်တဲ့အတိုင်း ကိုယ့်လူမျိုး၊ ကိုယ့်သမိုင်းကို စိတ်ဓါတ်ရေးရာရှုထောင့်က ကြည့်ရှုပြီး ကျနော်တို့ တွေ့လိုက်မိတဲ့အတိုင်း ဖော်ထုတ်ပြလိုက်တာပါပဲ။ သခင်အကျင့်၊ သခင်စိတ်ဓါတ်တွေ ရှိမထားရင် တိုင်းတပါးလူမျိုးခြားတွေ ၀င်လာတဲ့အခါ ကျွန်ဖြစ်လွယ်တာလည်း သမိုင်းမှာ အထင်အရှား မဟုတ်လား။ မြန်မာတွေကို သခင်စိတ်ဓါတ်နဲ့ လူတွေအဖြစ်ပဲ သိစေချင်ပါတယ်။ ကျွန်ထူး ကျွန်ချွန်တွေအဖြစ် အသိစေချင်ပါဘူး ခင်ဗျား။

ဗမာစာသည် တို့စာ

မြန်မာနိုင်ငံလွတ်လပ်ရေးသမိုင်းတွင် 'တို့ဗမာအစည်းအရုံး' သည်သော့ချက်ကျသော အလှည့်အပြောင်း အခန်းကဏ္ဍက ပါဝင်ခဲ့ကြောင်း လူတိုင်းသိကြပြီး ဖြစ်ပါလိမ့်မည်။ တို့ဗမာအစည်းအရုံး၏ ကြွေးကြော်သံများကိုလည်း လူတိုင်းကြားဖူုးပြီး ဖြစ်ပါလိမ့်မည်။ တို့ဗမာအစည်းအရုံးကထုတ်ဝေသော တို့ဗမာစာတမ်း၊ နိုင်ငံပြုစာစုအမှတ် ၁ ၏ မျက်နှာဖုံးတွင် ထိုကြွေးကြော်သံများကို ပုံနှိပ်ခဲ့ပါသည်။

ဗမာပြည်သည် - တို့ပြည်
ဗမာစာသည် - တို့စာ
ဗမာစကားသည် - တို့စကား
ဗမာပြည်ကို - ချစ်ပါ
ဗမာစာကို - ချီးမြှင့်ပါ
ဗမာစကားကို - လေးစားပါ

ထိုစဉ်က ကျနော်တို့ နိုင်ငံသည် အင်္ဂလိပ်လက်အောက်ရောက်နေရလေရာ နေမ၀င်အင်ပါယာကို လည်းကောင်း၊ အင်္ဂလိပ်စာကိုလည်းကောင်း၊ အင်္ဂလိပ်စာနှင့် အင်္ဂလိပ်ယဉ်ကျေးမှုကိုလည်းကောင်း အထင်ကြီးနေကြသောကြောင့် မြန်မာများ အဖက်ဖက်မှ မျိုးချစ်စိတ်ဓါတ်ထက်သန်ပြီး လွတ်လပ်ရေးတိုက်ပွဲဝင်ရန် လှုံ့ဆော်လိုသော ရည်ရွယ်ချက်ဖြင့် ထိုကြွေးကြော်သံများကို ကြွေးကြော်ခဲ့သည်ဟု ကျနော်ယူဆခဲ့ပါသည်။ အလယ်တန်းကျောင်းသားဘ၀ သမိုင်းသင်ခဲ့ရစဉ်ကလည်း ဆရာက ထိုသို့ပင်ရှင်းခဲ့သည်ဟု ကျနော်မှတ်သားမိပါသည်။

သို့သော် နိုင်ငံပြုစာစဉ် ၂ နိုးကြားရေးစာတမ်း ၈စောင်ကို ဖတ်ရသောအခါတွင်မှာ ကျနော့်အယူအဆ၊ ကျနော့်အမှတ်အသားမှာ မပြည့်စုံကြောင်း သိရပါတော့သည်။ တို့ဗမာအစည်းအရုံး၏ မြှော်မြင်မှုမှာ လွတ်လပ်ရေးအတွက်မျှ မဟုတ်ကြောင်း နားလည်ရပါတော့သည်။

စာဖတ်သူများ ထင်ရှားစေသောငှာ ဦဘခိုင်(ဖေဘီယန်)၏ မြန်မာပြည်နိုင်ငံရေးရာဇ၀င် စာအုပ်တွင် ဖော်ပြခဲ့သည့်အတိုင်း နိုးကြားရေးစာတမ်. ၈စောင်အနက်မှ အမှတ်၂ 'တို့ပြေ၊ တို့မြေနှင့် တို့စာပေ' တွင်ပါဝင်သော စာပိုဒ်အချို့ကို ကောက်နှုတ်ဖော်ပြအပ်ပါသည်။ စာလုံးပေါင်းမှာ တို့ဗမာစာတမ်းတွင် ပါသည့်အတိုင်း ဖြစ်ပါသည်။

“ပညဟူသည် တိုင်းပြည်ကြီးပွားရေး၏ အခြေခံဖြစ်၏။ ထို့ကြောင့် ပညာသင်ကြားရေးသည် အရေးကြီး၏။ တိုင်းသူပြည်သား လူအများတို့ ပြန့်ပြောစွာ ပညာတတ်မြောက်နိုင်စေရန် ကိုယ့်မြေ၊ ကိုယ့်ပြေ ကိုယ့်စာ ကိုယ့်ပေဖြင့်သာ ပညာသင်အပ်၏။ ကိုယ့်စာ ကိုယ့်ပေရှိလျက် မျိုးခြား တိုင်းခြားစာဖြင့်သင်ကြားရန် ကြံစည်ခြင်းကား တိုးတက်မှုနှင့် ဆန့်ကျင်၏။ အမေကျော်ကြီးတော်လွမ်းခြင်းဖြစ်၏။

ဂျပန်တို့သည် ကိုယ့်စာကိုယ့်ပေဖြင့်သာ ပညာသင်ကြား၏။ ထို့ကြောင့် တန်ခိုးကြီး၏။ လူတန်းဝင်၏။ မြန်မာတို့အား ယနေ့တိုင် ကိုယ့်စာကိုယ့်ပေဖြင့် အဟုတ်အတတ်ပညာ မသင်ကြားရသေး။ ထို့ကြောင့် အောက်က၏။ နောက်ကျ၏။ လူတန်းစားမ၀င်ဘဲရှိ၏။ သူတပါးတို့၏ အစေအပါးသာခံရ၏။ အချို့သော တိုင်းကြီးပြည်ကြီးများက မြန်မာပြည်သည် မြေပုံပင် ဘယ်ဆီနားတွင်ရှိသည်ဟု မသိကြပေ။ သိထိုက်ဖွယ်အကြောင်းလည်းမရှိ။ သို့ရာတွင် ဂျပန်တို့ အကြောင်းကိုကား ကမ္ဘာအရပ်ရပ်က သိကြ၏။ အဘယ်ကြောင့်နည်း။ လူတန်းစားဝင်၍တည်း။

တရုတ်တို့လည်း ကိုယ့်စာကိုယ့်ပေဖြင့်သာ အတတ်ပညာကို သင်ကြားကြ၏။ ထို့ကြောင့် ပညာတတ်ပေါ၏။ အောက်ကျနောက်ကျဘ၀မှလွတ် လူတန်းဝင်ခဲ့၏။ လွန်ခဲ့သော အနှစ်နှစ်ဆယ်ကပင် တိုင်းကြီးနိုင်ငံတို့က တရုတ်တို့ကို လူဟူ၍မထင်ခဲ့ကြသေး။ ထို့ကြောင့် တရုတ်ပြည်ကို ဘုံပစ္စည်းကဲ့သို့လည်းကောင်း၊ စတုဒီသာလေးမျက်နှာမှ လာသမျှ ၀င်လိုတိုင်းဝင်၊ ထွက်လိုတိုင်းထွက်နိုင်သော သလာယံဇရပ်ကြီးကဲ့သို့လည်းကောင်း အောက်မေ့၍ မိမိတို့ မိမွေဖမွေကို စေသကဲ့သို့ ပြင်သစ်က မည်သည့်အပိုင်းကယူမည်၊ ရုရှားက မည်သည့်အပိုင်းယူမည် စသည်ဖြင့် မသေမီကပင် အမွေဝေလျက်ရှိကြ၏။ စင်စစ်သော်ကား ထိုစဉ်အခါက တရုတ်ပြည်ကို တစုံတခုသောတိုင်းနိုင်ငံက လက်နက်အင်အားဖြင့် အနိုင်အထက်သိမ်းပိုက် ယူငင်ခြင်းမပြုခဲ့သည်မှာ တရုတ်ကိုကြောက်၍မဟုတ်၊ ယူချင်သူများသဖြင့် အချင်းချင်းကြောက်ကြသောကြောင့်သာဖြစ်၏။ သို့သော် ယခုအခါ တရုတ်တို့သည် အောက်ကျနောက်ကျ ဘ၀ကိုလွန် လူတန်းဝင်ခဲ့ကြလေပြီ။ ပညာဆည်းပူးခဲ့၍ ကိုယ့်တိုင်းပြည်၌ ပညာတတ်ပေါများစိမ့်သောငှာ ကိုယ့်စာကိုယ့်ပေဖြင့် ပစ္စက္ခပွေ အတတ်ပညာအသီးသီးတို့ကို သင်ကြားနိုင်ရန် ပညာရေးဋ္ဌာနမှ ကိုယ်ဖိရင်ဖိ လုပ်ဆောင်လျက်ရှိချေပြီ။ ယခုအခါ ဘာသာပြန်ရာတွင် ဝေါဟာရအသုံးအနှုန်း တညီတညွတ်တည်းရှိစေရန် ပညာရှိကြီး ၁၂၂ဦးတို့ကို သင်းဖွဲ့စုံစမ်းလျက်ရှိချေပြီ။ ကိုယ့်စာကိုယ့်ပေဖြင့် သိုးဆောင်းပညာရပ်များကို ဂျပန်တို့က စသင်ကြားခဲ့သည်မှာ အနှစ်၅၀ခန့်သာ ရှိသေး၏။ ဤမျှသောကာလအတွင်း လူမွေးလူတောင် ပေါက်အောင် တတ်နိုင်ခဲ့ကြ၏။ အထက်မြန်မာပြည်ကို ကုလားမင်းကြီးစိုးသည်မှာ ၄၄နှစ်ရှိပြီဖြစ်၍ အနှစ်၅၀ ပင်ဆိုနိုင်ပြီ။ သို့ရာတွင် မြန်မာတို့သည် ဂျပန်တို့၏ ခြေဖျားကိုပင် မမှီသေး။

ကိုယ့်စာကိုယ့်ပေဖြင့် အတတ်ပညာကို မသင်ကြားရဘဲ ယခုကဲ့သို့ တိုးတက်မှုကို ကျောခိုင်းခရီးသွားလျက်နေပါမူ နောင်ပွင့်လတ္တံ့သော အရိမေတ္တယျဘုရား ရွှေလက်ထက်တော်တိုင်အောင် ထင်းခွေရေခပ်ဘ၀မှ တက်ကြလိမ့်မည်မဟုတ်။ စင်စစ်သော်ကား ထိုမျှလောက် ကာလမရှည်မီကပင် မြန်မာတို့ အမျိုးပြုတ်ခဲ့လေရာ၏။ ဥပမာ သြစတြေးလျကျွန်းတွင် လူဖြူမျိုးတို့ ၀င်လာသဖြင့် တိုင်းရင်းသား ဇာတိလူတို့ အမျိုးပြုတ်ခဲ့ရသကဲ့တို့တည်း။"


ဆက်လက်ပြီး ထိုစာတမ်းတွင်ပင် ကိုယ့်စာကိုယ့်ပေဖြင့် ပစ္စက္ခခေတ်ပေါ်တွင် အတတ်ပညာအသီးသီးတို့ကို သင်ကြားနိုင်ရန် ဘာသာပြန်ရေးကို အားပေးဖို့၊ ဇောက်ချလုပ်ကိုင်ဖို့ ဆော်သြခဲ့ပါသေး၏။ ဤသို့ဆော်သြရာတွင် ဘာသာပြန်ရာ၌ မြန်မာစာအသုံးအနှုန်း ဝေါဟာရရှားပါးမှု ပြသနာနှင့် တွေ့ကြုံနိုင်ကြောင်းကိုလည်း တို့ဗမာအစည်းအရုံးက ကောင်းကောင်းသဘောပေါက်ခဲ့ပါသေး၏။ ထိုပြသနာနှင့်စပ်လျဉ်း၍ တို့ဗမာအစည်းအရုံး၏ သဘောထားကို အောက်ပါအတိုင်း တွေ့ရပါသည်။


"...မြန်မာစာတွင် စကားအသုံးအနှုန်းဝေါဟာရများ ရှားပါးကြောင်းကို ဖွဲ့နွဲ့ငိုကြွေးသံကိုသာ ကြားရခြင်းမှာလည်း ငါတို့ကိုပင် ဖိ၍ထောင်းဖို့ ကောင်းလေတော့သည်။ သို့ရာတွင် ဂျပန်တို့သည် ထိုသို့မငိုကြွေး၊ ပြုဖွယ်ရှိသည်ကိုသာ ပြုကြကုန်၏။
... ငါတို့သည် မငိုကြွေးကြကုန်လင့်၊ မပူဆွေးကြကုန်လင့်။ ငါတို့၏ အသက်နှင့်ကိုယ် မြဲသမျှကာလပတ်လုံး ငါတို့ပြေ၊ ငါတို့မြေ၊ ငါတို့စာ၊ ငါတို့ပေဖြင့်သာ ပညာအရပ်ရပ် အတတ်အမျိုးမျိုးတို့ကို သင်ကြား၍ ကမ္ဘာပေါ်ရှိ 'တစ်' ဂဏန်းလူမျိုးများနှင့် ရင်ဘောင်တန်း တက်နိုင်အောင် ကြိုးစားကြကုန်အံ့" (မူရင်းသတ်ပုံအတိုင်း)
ရှင်းပါပြီ။


ဗမာစာသည် တို့စာ ဟု ဟစ်ကြွေးခဲ့သော တို့ဗမာအစည်းအရုံးကြီး၏ ကြွေးကြော်သံသည် လွတ်လပ်ရေးအတွက် မျိုးချစ်စိတ်လှုံ့ဆော်ရန်မျှသာမဟုတ်။ ခေတ်မီနိုင်ငံ တနိုင်ငံဖြစ်ရေးသို့လည်း ရည်မှန်းခဲ့ကြောင်း ထင်ရှားပါသည်။ ယနေ့ဝေါဟာရနှင့် ပြောရလျှင် ဖွံ့ဖြိုးဆဲနိုင်ငံမျှနှင့် ရောင့်ရဲမကျေနပ်၊ ဖွံ့ဖြိုးပြီးနိုင်ငံတနိုင်ငံဖြစ်ရေးကိုလည်း မျှော်မှန်းခဲ့ခြင်းဖြစ်ပါသည်။ တတိယ ကမ္ဘာထဲမှ ထွက်နိုင်ဖို့ ကျနော်တို့ လုပ်ဆောင်ရမည့် တာဝန်တရပ်ကို ညွှန်ပြခဲ့ခြင်းလည်း မည်ပါသည်။


မျက်မှောက်ခေတ်သည် အတတ်ပညာခေတ်ဖြစ်ပါ၏။ ခေတ်မီအတတ်ပညာများ ပိုင်ဆိုင်နိုင်ရေးသည် ကျနော်တို့နိုင်ငံအတွက် အလွန်အရေးကြီးပါ၏။ ဖွံ့ဖြိုးဆဲနိုင်ငံများ၏ စီးပွားရေးကို လေ့လာကြသော စီးပွားရေးပညာရှင်များက မရှိ၍ဆင်းရဲခြင်းမဟုတ်၊ လူများ ပညာနုံနဲ့သဖြင့် ဆင်းရဲခြင်းသာဖြစ်သည်ဟု ထောက်ပြကြပါသည်။ ထိုအတတ်ပညာကို ဖွံ့ဖြိုးဆဲနိုင်ငံများ မည်သို့ရရှိနိုင်ပါသနည်း။ စီးပွားရေးပညာရှင်များက နည်းနာအမျိုးမျိုးကို လမ်းညွှန်ကြပါသည်။ ထိုနည်းနာများအနက် 'ဖွံ့ဖြိုးရေးနိုင်ငံတို့၏ ပညာရေး' သည် အရေးကြီးသော အတတ်ပညာရရှိရေး နည်းနာတရပ်အဖြစ် ပါဝင်ကြောင်း သဘောတူညီကြပါသည်။


သို့သော် ဖွံ့ဖြိုးဆဲနိုင်ငံများနှင့် ခေတ်မီအတတ်ပညာတို့ကြားတွင် ဘာသာစကား ကြားခံနယ်တခုရှိနေပါသည်။ ထိုကြားခံနယ်ကို ချုံ့ပစ်ဖို့ လိုအပ်ပါသည်။ မည်သို့မည်ပုံ ချုံ့ရမည်ကိုလည်း တို့ဗမာအစည်းအရုံးက ထောက်ပြခဲ့ပြီးဖြစ်ပါသည်။

 လေးစားအံ့သြဖွယ်ပင် ဖြစ်ပါသည်။ တို့ဗမာစာတမ်းသည် လွန်ခဲ့သော နှစ်ပေါင်း၆၀ခန့်က ထုတ်ဝေခဲ့သော စာတမ်းဖြစ်ပါသည်။ တနည်း ထိုစာတမ်းသည် တို့ဗမာအစည်းအရုံး၏ ပညာရေးပေါ်လစီဟု ဆိုသော် ဆိုနိုင်ကောင်းပါသည်။
 
တို့ဗမာအစည်းအရုံး၏ ပညာရေးအမြင်ကို စာဖတ်သူမည်သို့ သဘောရပါသနည်း မေးချင်ပါသည်။ မေးစရာရှိပါသည်။ နှစ်ပေါင်း၆၀ နီးပါးကြာမြင့်ပြီဖြစ်၍ ဟောင်းနွမ်းပြီဟုဆိုမည်လော။ တို့ဗမာစာတမ်းကို လုံးချေ၍ အမှိုက်ပုံထဲသို့ လွှင့်ပစ်လိုက်တော့မည်လော။ တို့ဗမာအစည်းအရုံးက ထောက်ပြခဲ့သော သမိုင်းတာဝန်သည် ပြီးဆုံးသွားပြီလော။ ပညာရှင်များ ဆင်ခြင်ကြပါကုန်။ တိုင်းပြုပြည်ပြုပုဂ္ဂိုလ်များ ဆင်ခြင်ကြပါကုန်။

တင်မောင်သန်း၏သခင်နိုင်ငံတော်စာအုပ်မှ ကူးယူမျှဝေပေးပါသည်။

သခင်စိတ်ဓါတ် သခင်အကျင့်(၆)

ကိုယ့်မင်းကိုယ့်ချင်း

နိုင်ငံရေးအရ လွတ်လပ်ရေးရရုံမျှနှင့် ကိုယ့်မင်းကိုယ့်ချင်းအဖြစ်သို့ မရောက်ရှိသေး။ ကိုယ့်မင်းကိုယ့်ချင်း တည်ထောင်ရေးသည် လွတ်လပ်ရေးရပြီးနောက်မှ ဖြစ်နိုင်သည်။ ကိုယ့်မင်းကိုယ့်ချင်း တည်ထောင်ရေးဆိုသည်မှာ ရှေးကကဲ့သို့ တဦးတည်း တယောက်တည်း သက်ဦးဆံပိုင် အာဏာရှင် ဘုရင်တို့ အုပ်စိုးနည်းမျိုးမဟုတ်။ အများဖြစ်သော ဆင်းရဲသားများကိုယ်တိုင် ကြီးမှူးအုပ်ချုပ်သော ဆင်းရဲသားမင်း ဆင်းရဲသားချင်းတို့သာ တို့ဗမာများ သဘောဆန္ဒအရ ကိုယ့်မင်းကိုယ့်ချင်း တည်ထောင်ရေးဖြစ်သည်။
'တို့ဗမာအစည်းအရုံး၏ တို့ဗမာဝါဒ'
တို့ဗမာအစည်းအရုံးသမိုင်း၊ ပထမတွဲ၊ စာ - ၂၅၄


မာစတာအုပ်ချုပ်ရေး အောက်တန်းကျလိုက်ပုံများ

၁၉၄၀ ဇွန်လ ၁ ရက် ဇလွန်မှာ သခင်အောင်ဆန်း တရားဟောနေတဲ့အခိုက် ရာဇ၀တ်ဝန်တယောက် ရောက်လာပြီး စာတစောင်ပေးပါတယ်။ လူထုပရိသတ်က တအံ့တသြကြည့်နေတုန်း သခင်အောင်ဆန်းက စာကိုဖတ်ပြီး "ဟောဒီမှာ ဟင်္သာတရာဇ၀တ်ဝန်က ဖိတ်စာတစောင်ပေးပါတယ်။ သူ့စာကတော့ ချင်းတောင်ကိစ္စကို မဟောရဘူးလို့ ပိတ်ပင်တားမြစ်တာပါပဲ။ ချင်းတောင်ကိစ္စ ကြားချင်ပါသလား" လို့မေးပါလေရော။ ပရိသတ်ကြီးကလဲ "ကြားချင်ပါတယ်" ဆိုတာနဲ့ သခင်အောင်ဆန်းက "ကြားချင်ရင် ပြောချင်နေတာနဲ့အတော်ပဲ" ဆိုပြီး အင်္ဂလိပ်အစိုးရရဲ့ ဖိနှိပ်ရက်စက်ပုံတွေကို ပြောတော့တာကိုး။ ဒါကြောင့် ဟင်္သာတရာဇ၀တ်ဝန်က သခင်အောင်ဆန်းကို ဖမ်းဆီးဖို့ ကြေငြာချက်တစောင်ထုတ်ပါတယ်။


"ဟင်္သာတစီရင်စု ဇလွန်မြို့တွင် ၁၉၄၀ပြည့်နှစ် ဇွန်လ ၁ ရက်နေ့ည၊ အစိုးရအကြည်ညိုပျက်လောက်အောင် တရားဟောပြောသဖြင့် ရာဇသတ်ပုဒ်မ ၁၂၄(က) အရ အလိုရှိသော ဗမာနိုင်ငံလုံးဆိုင်ရာ တို့ဗမာအစည်းအရုံး၏ အထွေထွေအတွင်းရေးမှူး မောင်အောင်ဆန်း ခေါ် သခင်အောင်ဆန်းအား ဖမ်းဆီးပေးကိုသူဖြစ်စေ၊ ဖမ်းဆီးရမိရန်ဖြစ်စေ ဟင်္သာတရာဇ၀တ်ဝန်က ဆုတော်ငွေ ၅ိ/- (ငါးကျပ်တိတိ) ပေးသနားတော်မူလိမ့်မည်"


ရာဇ၀တ်ဝန်ရဲ့နာမည်က မစ္စတာဇေဗီယာပါပဲ။ ဒီကြေငြာချက်လေးကို ဖတ်ကြည့်လိုက်တာနဲ့ မာစတာစိတ်ဓါတ်နဲ့ အုပ်ချုပ်သူတွေက မြန်မာပြည်သူလူထုရဲ့ ခေါင်းဆောင်တယောက်အပေါ်မှာ နာမည်တလုံးခေါ်တာကအစ နှိမ့်ချခေါ်ဝေါ်ချင်ကြတာ ထင်းကနဲ့တွေ့ရတော့တာပါပဲ။ လူထုကို ကျွန်လိုသဘောထားကြတာကိုး။ ဒီတော့ လူထုခေါင်းဆောင်တယောက်ကိုလည်း မြန်မာ့ယဉ်ကျေးမှုအရ မဟုတ်တော့ပဲ နှိမ့်ချသုံးနှုန်းဖို့ ၀န်မလေးတော့ပါဘူး။ သာမန်စောင့်ထိန်းလိုက်နာအပ်တဲ့ လူမှုကျင့်ဝတ်လေးတောင် မလိုက်နာနိုင်လောက်အောင် စိတ်ထားသေးသိမ် အောက်တန်းကျသွားပါတော့တယ်။ 'မောင်အောင်ဆန်း' တဲ့လေ – ကျနော်တို့ရဲ့ခေါင်းဆောင်ကို။ ပြီးတော့ ဆုတော်ငွေကိုလည်းကြည့်ဦး၊ ၅ိ/- (ငါးကျပ်တိတိ) တဲ့။ အင်္ဂလိပ်အုပ်ချုပ်သူတွေက အဲဒီလို စော်ကားခဲ့ကြတာပါ။


တို့ဗမာသီချင်း

တကောင်းအဘိရာဇာ၊ တို့ဗမာသာကီမျိုးဟာမို့၊ မညှိုးဂုဏ်တေဇာ
ယိုးဒယားနှင့် ကုလားကိုပါ၊ တိုက်ခိုက်ကာ အောင်ခဲ့တာ... တို့ဗမာ။
စ်ိန်မှန်ကင်းအစစ်၊ အဖြစ်ကြီးဖြစ်လျက်၊ ထင်းတလှည့်ကြုံရ၊ ထိုးနှင့်မသွေ၊
လောကဓမ္မတာပေ၊ ငါတို့ကံခေ ဖြစ်ရပြန်သလေ၊ သို့သော် အရင်းကိုစစ်လျှင်၊
ဗမာပြေ၊ ငါတို့... ငါတို့ပြေ။
နောင်ဥဒါန်းဘယ်မကြေစရာ...၊ ရာဇ၀င်တင်ထား မျိုးရိုးနွယ်လာ၊ ကမ္ဘာတခွင်မှာဖြင့်၊
ဗမာအထင်အရှား၊ တို့ခေတ်တွင်မှညံ့ကြတော့မှာလား၊
တို့ဗမာ..၊ တို့ဗမာ မဟုတ်လေသလား၊ ( တို့ဗမာ - ငါတို့ဗမာ) ၂ ( ဒါ- ငါတို့ဗမာ)၂။
အားလုံး..ညီညီ၊ ယောက်ျားဘသား တို့ဗမာ၊
နောင်လာနောင်သား ကောင်းစားဖို့ရာ၊ တို့ကိုယ်ကျိုး လုံးလုံးမပါ၊
ရဲရဲဗမာပီပီ ဗမာမြေ.. တို့ဗမာဖို့ပါ၊
သခင်ကျင့်ကို ကျုင့်ကြပါ၊ သခင်မျိုးဟေ့.. တို့ဗမာ။


(သံပြိုင်) ကမ္ဘာမကြေ.. ဗမာတတွေ ( ဒါတို့ပြေ ဒါတို့မြေ ဒါ.. ငါတို့ပြေ)၃
(တို့ဗမာ)၂ ပြေ.... ကို တိုင်းရင်းသား အကုန်အစင် တို့ပြေလို့မှတ်ထင်၊
တို့ဝတ္တရားပင် တို့ဗမာသခင်၊
အမျိုးသားရေး.. ကြိုပမ်းကြပါ၊ တို့ဗမာ- ဟေ့.. တို့ဗမာ၊
သြော်.. အမျိုးသားရေး ကြိုးပမ်းကြပါ၊ တို့ဗမာ- ဟေ့.. တို့ဗမာ၊
အရှေ့ကနေ၀န်းထွက်သည့်ပမာပ၊ တို့ခေတ်ကိုတော့ ရောက်ရမည်မှာ မလွဲပါ၊
တို့ဗမာ- ဟေ့.. တို့ဗမာ၊ ဗမာပြည်တ၀ှန်း အကုန်၊
တို့အိမ်မှတ်ပါ၊ တို့ယာမှတ်ပါ...၊ အဲဒါ.. တို့ဗမာ။ ။ ( သံပြိုင်ပြန်ကောက် )


သခင်အကျင့်

ပြီးတော့ တို့ဗမာသီချင်းကဆက်ပြီး 'သခင်ကျင့်ကို ကျင့်ကြပါ၊ သခင်မျိုးဟေ့ တို့ဗမာ' လို့ဆိုပြန်သည်။ အဓိပ္ပါယ်ကတော့ ဗမာတွေကို ကျွန်လိုမကျင့်ရဘူး။ သခင်လိုလုပ်ရမည်။ ငါတို့ဟာ အခိုက်အတန့်အခါတွင် အဆင်မသင့်၍ အင်္ဂလိပ်တို့၏ကျွန်များဖြစ်နေကြရသော်လည်း မျိုးရိုးဇာတိက ကျွန်တွေမဟုတ်ဘူး။ သခင်တွေသာဖြစ်သည်။ သခင်ဆိုတာ နေလည်းရဲရဲနေသည်။ သေလည်းရဲရဲသေသည်။ နောက်ဆုံး စက်တိုက်ကို တက်ရတောင် လက်ခမောင်းခတ်တတ်သည်။ ၀မ်းဝဖို့ကိစ္စလေးတခုအတွက် ဘယ်သူ့အလိုကိုမျှလိုက်ပြီး ဟုတ်ပါ့ဘုရား၊ မှန်ပါ့မပြောဘူး။ ဟုတ်သည်ထင်လျှင် ဟုတ်သည်။ မဟုတ်ဘူးထင်လျှင် မဟုတ်ဘူးလို့ မကွယ်မထောက် ရဲရဲကြီးပြောတတ်သည်။ ကျွန်များကမူ ထိုသို့မှန်သည့်အတိုင်း မပြောဝံ့။ ကျွန်များတွင် သူတို့ ကိုယ်ပိုင်ဆန္ဒမရှိ။ သူတို့သခင်၏ အလိုဆန္ဒကို ကျွန်များက သူတို့၏ ကိုယ်ပိုင်ဆန္ဒဟု သဘောထားကြသည်။


"ငါတို့တွင် ငါတို့ကိုယ်ပိုင်အလိုဆန္ဒလို့ မရှိပါ။ ငါတို့သခင်၏ အလိုဆန္ဒဟာပဲ ငါတို့၏ဆန္ဒ ဖြစ်ပါသည်" ဟု ကျွန်များက ပြောကြပါသည်။ အဲဒါကြောင့်မို့ "သခင်အကျင့်ကို ကျင့်ကြပါ၊ သခင်မျိုးဟေ့ တို့ဗမာ" ဟုတို့ဗမာသီချင်းက ဆိုခြင်းမှာ ဗမာတွေဟာ သခင်မျိုးများဖြစ်ကြသည့်အတွက် သခင်မျိုးများပီပီ ကျွန်စိတ်တွေကို အမြစ်ကပါတူးပစ်။ ( ကျွန်မွှေးများရှိလျှင်လည်း ဗျစ်ဗျစ်ပါအောင်ဆွဲနှုတ်ကြပြီး) အစစအရာရာတွင် တည်ငြိမ်ခန့်ညားသော သခင်ဣနြေ္ဒဖြင့် ရန်သူကပင် ရိုသေလေးစားလာလောက်အောင် ရဲရဲရင့်ရင့်ရှိကြရမည်ဟု အဓိပ္ပါယ်ရသည်။ ဤ်နေရာတွင် ကျွန်စိတ်အလွန်အကျွံဖိစီးသော အချို့သောလူများက တို့ဗမာအစည်းအရုံးနှင့် သက်ဆိုင်သူများကို သူတို့ကိုယ် သူတို့ သခင်ခေါ်ဝေါ်ခြင်းမှာ ၀င့်ဝါခြင်းကြောင့် ဂုဏ်မကာသနလိုလားခြင်းကြောင့်ဖြစ်သည်ဟု စွပ်စွဲကြဖူးသည်။ သို့သော် တို့ဗမာအစည်းအရုံး၏ အကျဉ်းချုပ် သမ္မာကျမ်းစာဟုဆိုအပ်သော တို့ဗမာသီချင်းက 'သခင်အကျင့်ကို ကျင့်ကြပါ၊ သခင်မျိုးဟေ့ တို့ဗမာ' ဟုအတိအလင်းဆိုသဖြင့် တို့ဗမာအစည်းအရုံးနှင့် သက်ဆိုင်သူတို့က သခင်အမည်ခံခြင်းမှာ သူတို့ချည်းသက်သက်ခွဲ၍ သခင်အမည်ခံကြခြင်းမဟုတ်၊ ဗမာတမျိုးသားလုံးကိုပါ သခင်မျိုးဟေ့ တို့ဗမာဟုဆိုထားသဖြင့် တို့ဗမာအစည်းအရုံး၏ အာသီသမှာ လူတစုကိုသာ သခင်ဇာတ်သွင်းဖို့ မဟုတ်၊ ကြီးကြီးငယ်ငယ် ရွယ်ရွယ် လတ်လတ် ဗမာမှန်သမျှကို အကုန်လုံး သခင်ဇာတ်သွင်းဖို့ ဖြစ်သည်မှာ ထင်ရှားသည်။ ထိုအထဲတွင် သူတိုိ့ကိုယ်တိုင်က ဘ၀အဆက်ဆက်က ဖြည့်ကျင့်ဆည်းပူးခဲ့သော ကျွန်ပါရမီကြောင့် သူတို့သည် သခင်အခေါ်ခံထိုက်သူများမဟုတ်ကြောင်း၊ သူတို့နာမည်ရှေ့က သခင်တပ်၍ခေါ်လိုက်လျှင် သူတို့သည် မတန်မရာကိုပြုမိသည့်အတွက် ၀မ်းကျသေကြလိမ့်မည် အမှန်ဖြစ်သည်ဟု ယုံကြည်ကြသူများ ပါကြလိမ့်မည်မဟုတ်သည်ကို အသိအမှတ်ပြုကြရပေလိမ့်မည်။


သခင်ဘသောင်းကိုယ်တိုင်ဖွင့်ဆိုသော 'တို့ဗမာသီချင်း၏အဓိပ္ပါယ်'မှ
တို့ဗမာအစည်းအရုံးသမိုင်း၊ ပထမတွဲ၊ စာ- ၂၅


တင်မောင်သန်း၏သခင်နိုင်ငံတော်စာအုပ်မှ ကူးယူမျှဝေပေးပါသည်။