ဗိုလ်ချုပ်အောင်ဆန်း ထံမှ ပေးစာတစ်စောင်

ဗိုလ်ချုပ်အောင်ဆန်းထံမှ ပေးစာတစ်စောင်

 (၂၀၁၁ ခုနှစ် ဇူလိုင်လ(၇)ရက်နေ့ထုတ် ပြည်သူ့ခေတ်ဂျာနယ်မှာ ဖော်ပြထားတဲ့ ဆောင်းပါး တစ်ပုဒ် ကတော့ ဗိုလ်ချုပ်ရဲ့ တရားမျှတတဲ့ စိတ်ဓာတ်ကို ပေါ်လွင်စေတဲ့ ဆောင်းပါး ဖြစ်လို့ မျှဝေပေး လိုက်ပါတယ်။ သူတည်ထောင် ထားတဲ့ ပြည်သူ့ ရဲဘော်အဖွဲ့ရဲ့ လုပ်ရပ်တစ်ချို့အပေါ် ဝေဖန်ထားတဲ့ ဗိုလ်ချုပ်ရဲ့ စိတ်ဓာတ်ကို လေ့လာနိုင်ဖို့ပါ။)

ပြည်သူ့ရဲဘော်တပ်ဖွဲ့ကို ဖွဲ့စည်းရခြင်း၏ အခြေခံ ရည်ရွယ်ချက်များမှာ
(၁) ဗမာ့တပ်မတော်မှ ရဲဘော်ဟောင်းများကို ထိုက်သင့်သလို ထောက်ပံ့ရေး အတွက် စီမံပေးရန်
(၂) ကျန်းမာ သန်စွမ်းလျက် စစ်ပညာ၌ ၀ါသနာပါသူများအား နောင်အခါ နိုင်ငံ ကာကွယ်ရေး အတွက် စစ်တပ်များ တိုးချဲ့သည့်အခါ၌ လည်းကောင်း၊ အရန်တပ်များ ဖွဲ့စည်းသည့်အခါ၌ လည်းကောင်း၊ ပါဝင်လိုသူများကို ပြန်လည် သွင်းပေးရန်၊ ထို့ကြောင့် ရရှိပြီး စစ်ပညာရပ်များကို မမေ့ပျောက်စေရန် ထပ်မံ လေ့ကျင့်စေ၍ ပြည်သူ လူထုကိုလည်း တတ်နိုင်သမျှ စစ်ပညာ သင်ပေးရန်၊
(၃) ပြည်သူလူထု အများအကျိုး ဖြစ်ထွန်းစေမည့် အရပ်ကင်း ဖွဲ့စည်းလျက် သူခိုး၊ ဓါးပြရန်ကို အစိုးရအရာရှိများ၊ ပြည်သူများနှင့် ပူးပေါင်းကူညီ နှိမ်နင်းခြင်း စသော လူထု လုပ်ငန်းများတွင် ပါဝင် ဆောင်ရွက်ရန်ဟူ၍ ဖြစ်သည်။

ပြည်သူ့ ရဲဘော်တပ်ဖွဲ့ကို ဖွဲ့စည်းပြီးနောက် ပြည်သူ့ ရဲဘော်တပ်ဖွဲ့ ဌာနချုပ်ကို လောင်းဝစ္စလမ်း (ယခု - အင်းလျားမြိုင်လမ်း)၌ ဖွင့်လှစ်ထားရှိခဲ့သည်။ ပြည်သူ့ရဲဘော် ဂျာနယ်တိုက်ကို အမှတ် ၁၅၉၊ ဘုရားလမ်း၊ ရန်ကုန်မြို့တွင် ဖွင့်လှစ်ခဲ့သည်။ တာဝန်ခံ စာတည်းမှာ ဗိုလ်မှူးအေးငွေ (ဒဂုန် မြတ်လေးနွယ်)ဖြစ်ပြီး ဗိုလ်မှူး ထွန်းအုံက ဦးစီးခဲ့သည်။ ပြည်သူ့ရဲဘော် တပ်ဖွဲ့သည် ဖက်ဆစ် ဆန့်ကျင်ရေး၊ နယ်ချဲ့ဆန့်ကျင်ရေးနှင့် အမျိုးသားလွတ်မြောက်ရေး ယုံကြည်ချက်ကို ခံယူလျက် တပ်ဖွဲ့ဝင်အင်အား ရှစ်သိန်းကျော်ဖြင့် တစ်မျိုးသားလုံး အတိုင်းအတာ ဆောင်သော ပြည်သူ့စစ်အဖွဲ့အသွင် ခံယူခဲ့သည်။ (ထိုစဉ်က မြန်မာနိုင်ငံ လူဦးရေမှာ ၁၇ သန်းမျှသာ ရှိသေးသည်။) ပြည်သူ့ရဲဘော် တပ်ဖွဲ့ဝင်တို့၏ စိတ်ဓာတ်မှာ မြန်မာနိုင်ငံ လုံးဝ လွတ်လပ်ရေး ရရှိရန်အတွက် ဗိုလ်ချုပ်အောင်ဆန်း ခိုင်းသမျှ လုပ်မည်ဟူသော စိတ်ဓာတ်ပင် ဖြစ်သည်။ ထိုမျှသာမက လွတ်လပ်ရေး ရရှိပြီးပါက နိုင်ငံ ပြန်လည် ထူထောင်ရေး လုပ်ငန်းများတွင် တစ်တပ်တစ်အား ပါဝင်ရန်ပင် ဖြစ်သည်။

**သခင်စိုး စွပ်စွဲချက်**
၁၉၄၆ ခုနှစ် မတ်လတွင် ဗမာပြည် ကွန်မြူနစ်ပါတီမှ သခင်စိုး ခွဲထွက် ပြီးနောက် ၎င်းကိုယ်တိုင် အလံနီကွန်မြူနစ် ပါတီကို ထူထောင်ခဲ့သည်။ ထိုသို့ ကွန်မြူနစ်ပါတီ နှစ်ခြမ်းကွဲသောအခါ သခင်သိန်းဖေ (သိန်းဖေမြင့်)နှင့် သခင်သန်းထွန်း ဦးဆောင်သော သိန်းသန်း ကွန်မြူနစ်သည် ဖဆပလ အဖွဲ့ချုပ်အတွင်း တည်ရှိနေခဲ့သည်။ သခင်စိုး၏ အလံနီပါတီသည် သိန်းဖေ - သန်းထွန်း အလိုမရှိ၊ ဖဆပလ အဖွဲ့ချုပ်တွင် အချောင်သမားများ ကြီးစိုးနေသည်ဟု စွပ်စွဲလျက်၊ ဖဆပလ အဖွဲ့ချုပ်နှင့် လက်တွဲမရသော အခြေအနေသို့ ဆိုက်ရောက်ခဲ့သည်။ ဖဆပလ အဖွဲ့ချုပ်နှင့် ဗိုလ်ချုပ် အောင်ဆန်းအား အမျိုးမျိုး စွပ်စွဲရုံသာမက ဗိုလ်ချုပ်အောင်ဆန်း ဦးစီးသော ပြည်သူ့ရဲဘော် တပ်ဖွဲ့ကိုပင် နယ်ချဲ့လက်ကိုင်တုတ်အဖြစ် ပြောဆိုခဲ့သည်။ ပြည်သူ့ရဲဘော် တပ်ဖွဲ့နှင့်အပြိုင် သခင်စိုးသည် ၎င်း၏ အလံနီကွန်မြူနစ်ပါတီဝင်များနှင့် အလံနီ စောင့်တပ်ကို ဖွဲ့စည်းခဲ့သည်။ ပြည်သူ့ရဲဘော် တပ်ဖွဲ့အား ပြည်သူ့ရန်သူ တပ်ဖွဲ့ ၀ါးရင်းတုတ် ရဲဘော်တပ်ဖွဲ့ဟူ၍ သခင်စိုးသည် ၎င်း၏ အာဏာသစ် ဂျာနယ်မှ စွပ်စွဲရေးသားခဲ့သည်။

ပြည်သူ့ရဲဘော် တပ်ဖွဲ့အား ထိုသို့ စွပ်စွဲပြောဆိုနေသဖြင့် ဗိုလ်ချုပ်အောင်ဆန်းသည် ပြည်သူ့ရဲဘော် တပ်ဖွဲ့ ညွှန်ကြားချက် အမှတ် ၁၀ ကို အောက်ပါအတိုင်း ထုတ်ပြန်ခဲ့သည်-
ပြည်သူ့ရဲဘော် တပ်ဖွဲ့ဝင်များသည် သခင်စိုး ဂိုဏ်းသားများနှင့် အလျဉ်း သက်ဆိုင်ခြင်း မရှိစေရ။ သခင်စိုး ဂိုဏ်းသားများနှင့် အဆက်အသွယ် ရှိသူများသည် ပြည်သူ့ရဲဘော် တပ်ဖွဲ့တွင် ဆက်လက် နေထိုင်လိုလျှင် သခင်စိုးဂိုဏ်းမှ နှုတ်ထွက်ကြောင်း အတိအလင်း အစီရင်ခံရမည် သို့တည်းမဟုတ် ပြည်သူ့ရဲဘော် တပ်ဖွဲ့မှ နှုတ်ထွက်ရမည်။

ထို့ပြင် ဗိုလ်ချုပ်အောင်ဆန်းသည် သခင်စိုးနှင့် ပတ်သက်သော သတင်း ဆောင်းပါး မှန်သမျှကို မည်သည့် အခါမျှ ပြည်သူ့ ရဲဘော်ဂျာနယ်တွင် ထည့်သွင်း မရေးသားရ ဟူသော စာတစ်စောင်ကို ပြည်သူ့ရဲဘော် ဂျာနယ်သို့ ရေးသား ပေးပို့ခဲ့သည်။ ယင်းစာကို ၁၉၄၆ ခုနှစ် ဇူလိုင်လ ၂၄ ရက်နေ့တွင် ထုတ်ဝေခဲ့သော ပြည်သူ့ရဲဘော် ဂျာနယ် အတွဲ ၁၊ အမှတ် ၁၁ တွင် အောက်ပါ အတိုင်း အပြည့်အစုံ ဖော်ပြခဲ့သည်- (မူရင်း စကားလုံးအတိုင်း ဖော်ပြပါသည်။)


**ဗိုလ်ချုပ်အောင်ဆန်းထံမှ ပေးစာ ပြည်သူ့ရဲဘော်ဂျာနယ် အတွက်**
အတွဲ ၁ အမှတ် ၁၀ ၀ါဆိုလဆုတ် ၄ ရက်နေ့ထုတ် ပြည်သူ့ရဲဘော်ဂျာနယ်ကို ဖတ်မိရာ အချို့သော ဆောင်းပါးများမှာ မသင့်လျော်ဟု ငါထင်သည်။ ယနေ့အထိ ထွက်လာသမျှသော ပြည်သူ့ရဲဘော် ဂျာနယ်များကို အကြောင်းအမျိုးမျိုးကြောင့် ငါကိုယ်တိုင် ကောင်းစွာ လမ်းညွှန်မပြနိုင်ခဲ့သည်မှာ ငါ့တာဝန်လည်း ရှိတော့သည်။ အကယ်၍ ဤကိစ္စတွင် အပြစ်ရှိချေက ငါသည် လုံးဝတာဝန်ယူရန် အသင့်ပင် ရှိသည်။ ယနေ့ကစ၍ကား ပြည်သူ့ ရဲဘော် ဂျာနယ်ကို တတ်နိုင်သမျှ ဦးစီးညွှန်ပြရန် ကြိုးစားပါမည်။ သို့သော် မညီညွတ်သော အကြောင်းများကြောင့် အမြဲတမ်း ညွှန်ပြခြင်း မပြုနိုင်ခဲ့သော် အောက်ပါ အချက်တို့ကို အမြဲ လိုက်နာစေလိုသည်-

**အပြစ်များကိုသာ ပြခဲ့**
၁။ သခင်စိုးနှင့် ပတ်သက်သော ဆောင်းပါးမျိုး မထည့်သွင်းမီ ငါ့ထံ လာပြစေလိုသည်။ ဤဆောင်းပါးမျိုးကို မှန်တိုင်း ထည့်သွင်းဖော်ပြသင့်သည်ဟု မထင်။ မှန်လည်း မှန်သည်။ တိုင်းပြည်လည်း အကျိုးရှိမည်ဟု အပြန်ပြန် အလှန်လှန် သုံးသပ် စစ်ဆေး ဝေဖန်ပြီးမှသာ ဤဆောင်းပါးမျိုးကို ထည့်သွင်းရမည်။ ယထာဘူတ တရားအတိုင်း အတိုချုပ်၍ သခင်စိုးနှင့် ပတ်သက်သော ဆောင်းပါးကို ဝေဖန်ရမည်ဆိုလျှင် ရေးသမျှ ဟုတ်ပင်ဟုတ်သော်လည်း ယထာဘူတ ကျသည်ဟု မဆိုနိုင်သေး၊ အဆိုပါ ဆောင်းပါးမှာ သခင်စိုး၏ အပြစ်များကိုသာ ပြသည်။ သခင်စိုး၏ အကောင်းပိုင်းကို ချန်ပစ်ခဲ့သည်။ သူ့တွင်ရှိသော အပြစ်များကို ဖော်ပြချင်လျှင် သူ့တွင်ရှိသော အချက်ကောင်းများကိုလည်း ထုတ်ပြရန် အသင့်ရှိရမည်။ ပြည်သူ့ ရဲဘော် ဂျာနယ်သည် ပြည်သူ့ ရဲဘော် တပ်ဖွဲ့၏ ဂျာနယ်ဖြစ်သည်။ ပြည်သူ့ရဲဘော် တပ်ဖွဲ့သည် တိုင်းသူ ပြည်သား လူထုများ၏ အဖွဲ့ဖြစ်သည်။ (တိုင်းပြည်သည် ရဲဘော် အတွက် မဟုတ်၊ ရဲဘော်သည် တိုင်းပြည်အတွက် ဖြစ်စေရမည်။) ဗမာစကားပုံ တစ်ခုလို (ချစ်စေလို ခံတွင်း လက်လေးသစ်၊ မုန်းစေလို ခံတွင်း လက်လေးသစ်) မဖြစ်စေနှင့်။ ဒီနည်းကား … ပါတီသည် တိုင်းပြည်အတွက် မဟုတ်ဘဲ၊ တိုင်းပြည်သည် ပါတီအတွက် ပြုလုပ်ကြသော နိုင်ငံရေး ပါတီများ၏ ထုံးနည်းမျိုး ဖြစ်သည်။ ငါတို့ မလိုက်နာသင့်။

မည်သို့ဖြစ်စေ ယခုအခါ နယ်ချဲ့သမားများနှင့် အပေါင်းအပါများသည် သခင်စိုးဂိုဏ်းကို မူလတွင် ဖဆပလ အစရှိသည်တို့ကို ဖြိုဖျက်ရန် လက်နက်သဖွယ် အသုံးပြုရန် ပင်းပေးနေရာမှ သခင်စိုးဂိုဏ်းကို မတရားအသင်း ကြေညာခဲ့ပြီ၊ အဘယ်ကြောင့်နည်း၊ (၁) သခင်စိုးဂိုဏ်းနောက်တွင် လူထု အထောက်အခံ မရှိသဖြင့် တစ်ကြောင်း၊ (၂) လက်ဝဲ ဂိုဏ်းသား အချို့၏ အမှားများကို အခွင့်အရေးယူကာ မူလတွင် သွေးရူးသွေးတမ်း စိတ်လွှမ်းမိုးလာသည်ကို ပြန်လည် ထိန်းသိမ်း လာနိုင်ပြီးလျှင် စားနေကျ ကြောင်ပါးဉာဏ်များ ပြန်ရလာကာ သခင်စိုး ဂိုဏ်းနောက်တွင်သာ လူထု မရှိသော်လည်း ဖဆပလ အမျိုးသား ညီညွတ်ရေး အင်အား ပြည်သူ့ရဲဘော် တပ်ဖွဲ့အင်အား အမှန်ကို မြင်နိုင် မြင်လာသဖြင့် မူလတွင် သခင်စိုးဂိုဏ်းနှင့် ပြည်သူ့ရဲဘော် ဖဆပလ အစရှိသည်တို့ကို ရောနှော၍ ၀ါးလုံးရှည်နှင့် ရမ်းမည် တကဲကဲ ဖြစ်လာရာမှ အားနည်းရာ အပိုင်းမှ စ၍ ဖြိုဖျက်သည့် ပရိယာယ်ကို သုံးလိုသဖြင့် တစ်ကြောင်း၊ (၃) သခင်စိုးဂိုဏ်းနှင့် မူလ ကွန်မြူနစ်ဂိုဏ်း ဖဆပလ ပြည်သူ့ ရဲဘော်တပ်ဖွဲ့ အစရှိသည်တို့ဟာ ကိုယ့်အမှားတွေ ကိုယ်ပြင်ကြပြီး ပြန်၍ အစေးကပ်နိုင်မည့် လမ်းစများ ပေါ်ပေါက်လိုငြား ဖြစ်လာမှု ဖြစ်မြောက်အောင် မပြုလုပ်စေလိုသဖြင့် တစ်ကြောင်း၊ ဤအကြောင်းများကြောင့် ဖြစ်သည်ဟု ငါယူဆသည်၊ မည်သို့ဖြစ်စေ ငါတို့သည် သခင်စိုး၏ ကမူးရှူးထိုး လမ်းမှောက်မှားသော ကျင့်ထုံးများကို မလိုက်နာ နိုင်သော်လည်း သခင်စိုးနှင့် ပတ်သက်၍ နောက်နောင်တွင် မည်သည့် ဆောင်းပါး သတင်းကိုမျှ ပြည်သူ့ ရဲဘော် ဂျာနယ်တွင် မထည့်သွင်းစေလို မထည့်သွင်းရ။

**နည်းပရိယာယ်လုပ်ငန်း**
၂။ ရွေးကောက်ပွဲနှင့် ပတ်သက်သော ဆောင်းပါး တစ်စောင်လည်း ဖတ်ရသည်။ ဤကိစ္စမျိုးကို ယခုအခါ ယတိပြတ် ဆုံးဖြတ်၍ မဖြစ်နိုင်၊ ယခုအခါ ရွေးကောက်ပွဲ ၀င်ခြင်း စသည်တို့မှာ ငါတို့၏ အဓိကလုပ်ငန်းမဟုတ်၊ သို့သော် အရမ်းမဲ့ ပစ်ပယ်သင့်သော ကိစ္စမဟုတ်၊ ဤကိစ္စမျိုးမှာ အခြေအနေ အချိန်အခါ အားလျော်စွာ ပြုသင့်ကပြု - မပြုသင့်က မပြုရသော နည်းပရိယာယ် လုပ်ငန်းတစ်ရပ်သာ ဖြစ်သည်။ ငါပြောပြီး ပြောဆဲ ပြောလတ္တံ့ ဖဆပလ မိန့်ခွန်းများကို လေ့လာစေလိုသည်။

၃။ တစ်ခါက ပါတီတွေ ဖျက်ပစ်ရန် တိုက်တွန်းချက်ကို ပြည်သူ့ရဲဘော်ဂျာနယ်တွင် တွေ့မိသလိုလို ရှိသည်။ ဤကိစ္စမျိုးမှာလည်း ယခုလက်ရှိ ဗမာပြည် အခြေအနေတွင် အဖျင်းဆုံး ၂ ဖက် ၂ လမ်း စဉ်းစားစရာရှိသော ကိစ္စမျိုးဖြစ်သည်။ စိတ်မြန်လက်မြန် ပြုလုပ်သင့် ဆုံးဖြတ်သင့်သော ကိစ္စမဟုတ်။ မည်သို့ဖြစ်စေ နောက်နောင်တွင် နိုင်ငံရေးတွင် လည်းကောင်း၊ တိုင်းပြည်တွင် လည်းကောင်း၊ အငြင်းပွားမည့် ဆောင်းပါး ထင်မြင်ချက် သတင်းအရပ်ရပ်ကို မထည့်သွင်းစေလို ရဲဘော်များနှင့် သက်ဆိုင်သော ၀တ္ထုများ၊ အကြံဉာဏ်များ၊ ဆောင်းပါးများ၊ သတင်းများကိုသာ အဓိကထား၍ ပြည်သူ့ ရဲဘော် ဂျာနယ်ကို ထုတ်ဝေစေလိုသည်။

နိုင်ငံရေးတွင် လည်းကောင်း၊ ရပ်သူရပ်သားကိစ္စအ၀၀တွင် လည်းကောင်း၊ ပြည်သူ့ရဲဘော် တပ်ဖွဲ့သည် ဓါးခုတ်ရာ လက်ဝင်မလျှိုမိစေရန် ကြီးမားသော သတိဝီရိယဖြင့် ငါတို့နှင့် ငါတို့ တစ်မျိုးလုံး ယခုရေးနှင့် နောင်ရေးတို့ကို ကာကွယ်ကြရမည်။


အရေးတော်ပုံ အောင်နိုင်သည်။
အောင်ရမည်။
(ပုံ) အောင်ဆန်း
ဥက္ကဋ္ဌနှင့် စစ်သေနာပတိ၊
ပြည်သူ့ရဲဘော် တပ်ဖွဲ့၊ ဌာနချုပ်။
ရန်ကုန် … (ဗမာနိုင်ငံ)
ဤစာတွင် သခင်စိုးအပေါ် တစ်ဖက်စောင်းနင်း ရေးသားမှုကို မလိုလားသည့် ဗိုလ်ချုပ်အောင်ဆန်း၏ သမာ သမတ်ကျသော စိတ်ဓာတ်၊ မျှတသော စိတ်ဓာတ်တို့ကို တွေ့မြင်နိုင်ပေသည်။ နယ်ချဲ့သမား၏ သွေးခွဲသပ်လျှိုသော ရည်ရွယ်ချက်များကိုလည်း ကွက်ကွက် ကွင်းကွင်း ဖော်ပြခဲ့သည်။ နိုင်ငံရေးအရ အငြင်းပွားမည့် အရေးအသားမျိုးကို ရှောင်ကြဉ်ကြရန် သတိပေး လမ်းညွှန် ထားသည်ကို တွေ့ရှိရပေသည်။

**အောင်မြင့်ဦး (မဟာဝိဇ္ဇာ)**