ရာဇ၀င်တွေကို ပြန်လည် ဖတ်ရှုဖြစ်သည့်အခါတိုင်း ရင်ထဲမှာ အမျိုးအမည် မသိတဲ့ ဝေဒနာ တခု ဒါမှမဟုတ် အတွေးတခု အမြဲတစေ ကပ်ငြိလေ့ရှိပါတယ်။
ရာဇ၀င်ဆိုတဲ့နေရာမှာ ပါးစပ်ရာဇ၀င်များက စိတ်မချရပါဘူး။ အမှားများနဲ့ ရောထွေးနေတတ်ပါတယ်။ မှတ်တမ်းမှတ်ရာများနဲ့ အထောက်အထားပြနိုင်တဲ့ သုတေသီ တချို့ တလေတွေရဲ့ စာအုပ်များကသာ သေချာတတ်ပါတယ်။
ရာဇ၀င်တွေကို လှန်မိတဲ့ အခါတိုင်း မင်းယောက်ျားများသည်သာ အထင်ကရ ထင်ရှားကျော်ကြားလေ့ ရှိပါတယ်။ မြန်မာ့သမိုင်းပဲဖြစ်ဖြစ် ကမ္ဘာ့သမိုင်းပဲဖြစ်ဖြစ်ပါ။ မိန်းမသားများ ထင်ရှားကျော်ကြားခွင့်ကတော့ အင်မတန်မှကို နည်းပါးလှပါတယ်။ နည်းပါးရတဲ့ အထဲမှာ နာမည်ဆိုးနဲ့ ကျော်ကြားသူမိန်းမသားများကိုသာ လူအများ မှတ်မိလွယ်တတ်ကြပါတယ်။
ဥပမာ ကလီယိုပတ်ထရာ တို့ နန်းမတော် မယ်န၊ု စုဖရားလတ် တို့လို လူမျိုးတွေပါ။
လေးပေါက်ကို မယ်နုအကြောင်းရေးမယ်လို့ ပြောတော့ ရှုံးလူက စာအုပ်ထူကြီးတွေနဲ့ ကိုင်မပေါက်ပါနဲ့ ၊ စာရေးသူတွေရဲ့အာဘော်နောက်ကိုလည်း မပါမိပါစေနဲ့ ကိုယ်ပိုင်အမြင်နဲ့
အမှန်ကိုရေးပါလို့ ပြောပါတယ်။ သူဒီလို ပြောဖော်ရတာကို ကျေးဇူးတင်ရပါတယ်။ ဒါမှ ရေးတဲ့ အခါ သတိလေးကပ်ပြီး ရေးနိုင်မှာပါ။
သူကြီးလည်း ပြောလေ့ရှိပါတယ်။ အရင်တုန်းက စာအုပ်တွေက ဘာသာပြန်တွေဆိုတော့ စာရေးသူရဲ့ အာဘော်တွေ အမြင်တွေ လွှမ်းမိုးနေတတ်လို့ အမှန်နဲ့ ဝေးတတ်တယ်လို့ပါ။ အင်မတန်ကောင်းမွန်တဲ့ ထောက်ပြပြောဆိုချက်ပါ။
ခေါင်းစဉ်လေးက စပြောချင်ပါတယ်။ ဖလ်နန်းရှင်ဆိုတာ စစ်ကိုင်းမင်းသား ကို ခေါ်ကြတာပါ။ ရာဇ၀င်မှာ ဘကြီးတော်လို့လည်း လူသိများပါတယ်။ သူနေထိ်ုင်ရာနန်းတော်ကိုရွှေ၊ ဖန် မှန် များနဲ့ ပြောင်ပြောင်လက်လက် စီချယ်ထားလို့ ဖလ်နန်းရှင်လို့ ခေါ်တာလို့ လည်း ဆိုပါတယ်။ ရှင်မင်းနု ကိုတော့ နန်းမတော်မယ်နုလို့ လည်း အသိများကြပါတယ်။
စစ်ကိုင်းမင်းသားဟာ အိမ်ရှေ့စံ အဖြစ် ၁၁ နှစ်ကျော်နေပြီး ဘိုးတော်ဘုရားကွယ်လွန်တဲ့ အခါမှသာ ခရစ်နှစ် ၁၈၁၉ မှာ ထီးနန်းဆက်ခံပါတယ်။ နန်းသက် က ( ၁၈ ) နှစ် စိုးစံပါတယ်။ အိမ်ရှေ့စံ ဘ၀မှာ သူ့ရဲ့ ကြင်ယာတော်က ဆင်ဖြူရှင်မယ် ဖြစ်ပါတယ်။ ဒါပေမဲ့ သားတော် ညောင်ရမ်းမင်းသား(စကြာမင်းသား)လေးကို ဖွားပြီး ၇ ရက်မြောက်မှာ ဆုံးရှာပါတယ်။
အဲ့ဒီနောက်မှာတော့ ဘိုးတော်မင်းတရားကြီးမကွယ်လွန်ခင် အိမ်ရှေ့စံဘ၀မှာပဲ သူ့ကို ပန်းတောင်းမင်းသမီးနဲ့ ထပ်မံလက်ဆက်စေခဲ့ပါတယ်။ သို့သော် စစ်ကိုင်းမင်းက သူဘုရင်ဖြစ်တဲ့ အခါမှာတော့ မယ်နုကို သာ မိဖုရားခေါင်ကြီး အဖြစ် တင်မြှောက်ခဲ့ပါတယ်။ ပဒေသရာဇ် ဧကရာဇ် ခေတ်မှာ ထီးမွေနန်းမွေ ဆက်ခံတဲ့ နေရာမှာ မင်းမျိုးမင်းနွယ်ဆိုတာကြီးက သိပ်အရေးပါလှပါတယ်။
အားလုံးရဲ့ ဆန္ဒကို လွန်ဆန်ပြီး အမျိုးနိမ့်သူလို့ သတ်မှတ်တဲ့ မယ်နုကို မိဖုရားခေါင်ကြီး တင်မြှောက်ခဲ့တာပါ။ ထုံးစံ မဟုတ်ပါတဲ့။ အားလုံးသဘောမတူ တဲ့ကြားက တင်မြှောက်ခဲ့တာပါ။
ဘယ်သူတွေ ဘယ်လိုပဲ ပြောကြပါစေ အဲ့ဒီအချိန်တုန်းက စစ်ကိုင်းမင်း ကတော့ မယ်နု မှ မယ်နုပါ။ ဒါဆို သူ့ကို သိပ်ချောသိပ်လှလို့များ စွဲမက်နေတာလား။ မဟုတ်ပါဘူး ရှင် ” နန်းမတော်မယ်နု ရာဇ၀င်မူမှန်” စာအုပ်မှာရော “ကုန်းဘောင်ရှာပုံတော်” စတဲ့ စာအုပ်တော်တော်များများမှာ မယ်နုဟာ ရွက်ကြမ်းရေကြို သာမန်ရုပ်ရည်ပါလို့ ဆိုထားပါတယ်။
သို့သော် ကိုယ်နေဟန် ပြေပြစ်ပြီး အမူအရာ နန်းဆန်ပြီး သိမ်မွေ့ပါတယ်။ အနေအထိုင်တတ်ပြီး အပြုအစု ကောင်းတယ်လို့ဆိုပါတယ်။ စစ်ကိုင်းမင်းဟာ အိမ်ရှေ့စံ ဘ၀မှာတုန်းက မင်းပျိုမင်းလွင်ပီပီ လွတ်လွတ်လပ်လပ် သွားလာ လည်ပတ်ရင်းနဲ့ ဖလံခုံရွာ ဇာတိဖြစ်တဲ့ မယ်နုကို အမရပူရ နေပြည်တော်မှာ တွေ့ပြီး တော်ကောက်ခဲ့တာပါ။ သူဘုရင် မဖြစ်ခင်ကထဲက ပါ။ ဘုရင် ဖြစ်ရင် မိဖုရားခေါင်ကြီးနေရာမှာ ထားရမယ်လို့ ပြောတဲ့ မယ်နုရဲ့ စကားကိုလည်း လက်ခံခဲ့တယ်လို့ ဆိုပါတယ်။
ဖလံခုံရွာကနေ မယ်နု နေပြည်တော် ရောက်လာရတာကလည်း ထူးဆန်းပါတယ်။ စွန်ငှက်တကောင်က မြစ်ဆိပ်မှာ ရေချိုးနေတဲ့ မယ်နုရဲ့ ထဘီအနီကို အစာထင်ပြီး သုတ်ချီသွားပါတယ်။ နောက်နန်းတော်ဆီကို တဟုန်ထိုးပျံသန်းသွားပြီး မိဖုရားခေါင်ကြီးရဲ့ အဆောင်တော်ပေါ်ကို ချထားခဲ့ပြီး သုံးကြိမ်တိုင်တိုင် အော်မြည်ပြီး ပျံသန်းသွားတယ်လို့ ဆိုပါတယ်။
အဲ့ဒီသတင်းစကားကို ကြားတဲ့ ဘိုးတော်မင်းတရားက နိမိတ်ထူးတယ် ဘုန်းကံရှိသူဆိုပြီး ချီးမြှင့်မြှောက်စားမယ်ဆိုပြီး နန်းတွင်းကို သွင်းပြီး တောင်နန်းမိဖုရားအဆောင်မှာ တောင်နန်းအပျိုတော်အဖြစ်ထားခဲ့ပါတယ်။ အဲ့ဒီမှာ စစ်ကိုင်းမင်းက တွေ့ပြီး တော်ကောက်ခဲ့တာပါ။
မယ်နုမမွေးခင် “ထောင်မှူးသမီး ၊ ခြေကျဉ်းကြီးနှင့် ၊ ကြီးရင်ငါ့ဘို့ ၊ လက်မတို့နှင့် “ ဆိုတဲ့ တဘောင်ပေါ်ခဲ့ပါတယ်တဲ့။ မယ်နုက ထောင်မှူးသမီးပါ။
အမျိုးနိမ့်သူ မိဖုရားခေါင်ဖြစ်လာတော့ သူ့ကို ဘယ်သူကမှ မကြည်ဖြူ မချစ်ခင်ပါဘူး။ နန်းတော်တွင်းမှာ ရှိနှင့်ပြီးဖြစ်တဲ့ မင်းမျိုးမင်းနွယ်များဟာ သူမကို သဘောမတွေ့ပါဘူး။ အဲ့ဒီမှာ မယ်နုက သူ့မောင်အရင်းဖြစ်တဲ့ မောင်အိုကို စလင်းမြို့စားအရာထားပြီး နန်းတော်တွင်းမှာ အင် အားမွေးပါတော့တယ်။ အဲ့ဒီအချိန်မှာ စစ်ကိုင်းမင်းရဲ့ ညီတော် သာယာဝတီ မင်းသားလည်း သူ့အခြွေရံ သင်းပင်းများနဲ့ သူ့ အကို စစ်ကိုင်းမင်းကို ခစားလျှက်ရှိပါတယ်။
စစ်ကိုင်းမင်းဟာ ရှေးဘုရင်များလို ဓားထက်တဲ့ လက်ရုံးရည် ပြည့်ဝသူ တယောက် မဟုတ်တဲ့ အပြင် စာပေဂီတ ပန်းချီ၊ ပန်းပု ၊ စတဲ့အနုပညာ လက်ရာများကိုသာ စိတ်ဝင်စားပြီး အဲ့ဒီဘက်မှာပဲ အချိန်ကုန်နေလေ့ရှိပါတယ်။ မင်းတပါးအနေနဲ့ ဆောင်ရွက်သင့် စိတ်ဝင်စားသင့်တဲ့ တိုင်းရေးပြည်ရာများကို စိတ်မ၀င်စားပဲ မိဖုရားဖြစ်တဲ့ မယ်နုကိုသာ လွှဲအပ်ထားခဲ့ပါတယ်။( ဒါကတော့ သိပ်ကို ဆိုးဝါးလှတဲ့ အချက်ကြီးပါ။ )
မယ်နုကလည်း ရတဲ့ အခွင့်အရေးကို အပိုင်ကိုင်ပြီး သူ့ဆွေမျိုး သူ့လူများကိုသာ နန်းတော်တွင်းမှာ နေရာပေးပြီး အားမွေးထားပါတော့တယ်။ ထီးနန်းအလယ်မှာ သူရေရှည်ရပ်တည်နိုင်ဖို့ အာဏာတည်မြဲနိုင်ဖို့ အတွက် အင်အားစုဆောင်းထားတဲ့ သဘောပါ။ပဒေသရာဇ်ခေတ်မှာ အင်အားနဲ့ လက်ဦးမှုကို အရေးကြီးတယ်လို့ မြင်ကြပါတယ်။
အဲ့ဒီမှာ ဖြစ်ချင်တော့ မယ်နုဆိုတာ အများက အမြင်မကြည်တဲ့ အမျိုးနိမ့်သူ ဖြစ်နေတော့ သူဘာပဲ ပြောပြောဘာပဲ လုပ်လုပ် နန်းတွင်းအပါအ၀င် သူ့ရပ်သူ့ရွာက ထောက်ခံသူ အားပေးသူ အကောင်းပြောသူ နည်းလှပါတယ်။ ရှေ့မှာ ကြောက်လို့ မလှန်ဝံ့ပေမဲ့ ကွယ်ရာမှာတော့ နန်းမတော် မယ်နုလို့ မခန့်လေးစားခေါ်ကြပါတယ်။
မယ်နုကလည်း ပြောပလောက်အောင် မာနကြီးပြီး မောက်မာတယ်လို့ ဆိုပါတယ်။ဘ၀င်မြင့်ပြီး တယူသန်ပါတယ်တဲ့။အာဏာနဲ့ငွေကြေးကို မက်မောပါတယ်တဲ့။ နိုင်ငံခြားသားများကို မလိုလားပါတဲ့။
သူ့ခေတ်မှာ မန်ကျည်းရွက်ကို နုတယ်လို့ မပြောရဘူး ။ ထွတ်တယ်လို့ ပြောခိုင်းပါတယ်တဲ့ ။ထွဋ်ခေါင်ဆရာတော်က တရားပြတော့မှသာ မာန်လျော့သွားတယ်ဆိုပါတယ်။
မောင်တော်သူ မောင်အို ကလည်း မင်းသားကြီးဘွဲ့ကို ခံယူကာ ဆိုးချင်တိုင်းဆိုး ၊ ပွေချင်တိုင်းပွေကာ မာနကြီးပြီး ခက်ထန်သူ ရက်စက်သူလို့ ဆိုပါတယ်။ ရာထူးရာခံ လိုချင်သူတွေက သူ့ကို တံစိုးလက်ဆောင်ထိုးပါက လွယ်လွယ်ရသလို သူကလည်း ဤနည်းနဲ့ပဲ စီးပွားဖြစ်နေတယ်လို့ ဆိုပါတယ်။ တိုင်းသူပြည်သားများဟာ သူ့ကို မုန်းလည်းမုန်း ကြောက်လည်း ကြောက်ပါတယ်တဲ့။
အဲ့ဒီလို နန်းတွင်းမှာ အာဏာတည်မြဲရေးကိုသာ လုံးပန်းနေတဲ့ မိဖုရားနဲ့ ဘာကိုမှ စိတ်မ၀င်စားပဲ သက်သာသလို နေခဲ့တဲ့ စစ်ကိုင်းမင်းသားတို့ မြန်မာပြည်ကိုအုပ်ချုပ်နေတဲ့ ခေတ်မှာ နိုင်ငံရပ်ခြားတိုင်းပြည်ဖြစ်တဲ့ ဥရောပတခွင်မှာ ၁၈ ရာစုမှာ ဖြစ်ပွားခဲ့တဲ့ စက်မှုခေတ်ပြောင်းတော်လှန်ရေးကြောင့် အင်္ဂလန်မှာ ကုန်ထုတ်လုပ်ငန်းများ ၁၉ ရာစု အစောပိုင်းမှာ ကထဲက တိုးတက်လာပါပြီ။ အင်္ဂလိပ်ဟာ အိန္ဒိယနိုင်ငံမှာ နယ်အချို့ကို သိမ်းပိုက်ပြီး ဖြစ်ပါတယ်။
နယ်ချင်းထိနေတဲ့ မြန်မာကိုလည်း ပြင်သစ်နဲ့ အပြိုင် မျက်စိကျနေပါပြီ။ နယ်ချဲ့ စစ်တိုက်သူဖြစ်လေတော့ လက်နက်ဆန်းများကို သူ့ထက်ငါ အပြိုင် တီထွင်ထုတ်လုပ်လာကြလို့ စစ်အင်အားကလည်း ကြီးမားနေပါပြီ။
ဒါကို နန်းတော်တွင်းမှာ အာဏာကိုပဲ အာရုံရနေတဲ့ မယ်နု ရော တိုင်းပြည်ရေးရာ စိတ်မ၀င်စားတဲ့ စစ်ကိုင်းမင်းရော ၊ အရှင်မွေးလို့ နေ့ချင်းကြီးလာတဲ့ စလင်းမင်းသားမောင်အိုတို့က မသိနိုင်ကြပါဘူး။
နောက်တချက်က မြန်မာ က အရင် ဘုရင်ခေတ်အဆက်ဆက်မှာ အိမ်နီးချင်းများနဲ့ စစ်ဖြစ်ပွားတဲ့ အခါတိုင်း နိုင်ချီများလို့ နယ်မြေဆုံးရှုးံရတယ်ဆိုတဲ့ အတွေ့အကြုံ မရှိခဲ့ပါဘူး။ နောက် အခု လက်ရှိ ကိုယ့်ပြိုင်ဘက်ရဲ့အခြေအနေမှန်ကိုလည်း မှန်ကန်စွာ သုံးသပ်နိုင်ခြင်းမရှိပါဘူး။ ၁၈၂၄ မှာ အင်္ဂလိပ်များဟာ မြန်မာကို ကျုးကျော်ဖို့ အစစအရာရာ ပြင်ဆင်ပြီး ဖြစ်လို့ ရှင်မဖြူကျွန်းအရေးမှာ စစ်ကြေညာပြီး တိုက်ခဲ့ကြတာပါ။
နယ်ချဲ့ သမိုင်းဆရာများကတော့ အဲ့ဒီကျုးကျော်စစ်ဖြစ်ရတာ မယ်နု စစ်လိုလားပြီး စစ်သူကြီး မဟာဗန္ဓုလ က အစွမ်းပြပြီးအမြှောက်စားခံချင်လို့လို ဆိုပါတယ်။ တကယ့်တကယ့် ပထမ ကျုးကျော်စစ်ဖြစ်တော့ မဟာဗန္ဓုလ ကျဆုံးပါတယ်။ အဲ့ဒီသတင်းကြားတော့ မယ်နုက ငိုပါတယ်တဲ့။ သူ့လက်ရုံးပြုတ်လေတာကိုး။ သာယာဝတီမင်းသားက ရှေ့ထွက်တိုက်ခဲ့သူ ဆိုတော့ စစ်ပြေငြိမ်းလိုပါတယ်။
မြန်မာဖက်က ဓား၊ လှံ၊ တူမီးသေနတ်များနဲ့ ပြိုင်ဖက် ရဲ့ ခေတ်မှီလက်နက်ဆန်းများကို ကိုယ်တိုင် လက်တွေ့ မြင်ခဲ့ရသူဆိုတော့ အခြေနေ မှန်ကို သိလို့ စစ်ပြေငြိမ်းလိုတာပါ။ နန်းတွင်းထီးနန်းကလွဲလို့ ဘာဆိုဘာမှမသိတဲ့ မယ်နု နဲ့ မောင်အိုက လက်မခံချင်ပါဘူး။ ဒါပေမဲ့ တခြားမှူးမတ်များရဲ့ လျှောက်ထားချက်ကြောင့် စစ်ကိုင်းမင်း က လက်ခံပြီး စစ်ပြေငြိမ်းခဲ့ပါတယ်။
“တစ်ပြည်လုံးဆုံးရချည့် စုန်းမရဲ့လင်၊ ပတောင်းတောင်ညာတင်မှ ညီခင်တပ်တော် လှည့်လို့ရယ် ပြန်ခဲ့မယ်လေး” ဆိုတဲ့ တဘောင်လည်း အဲ့ဒီအချိန်မှာ ပေါ်ခဲ့ပါတယ်။
မယ်နုကို မုန်းလွန်းလို့ စုန်းမ ၊ ငါးစိမ်းသည်မလို့လည်း အဲ့ဒီခေတ်အခါက သမုတ်ခဲ့ပါတယ်။
အဲ့ဒီမှာ ရန္တပို စာချုပ်အရ မြန်မာဘက်က ရခိုင်နဲ့ တနသာင်္ရီကို ပေးရတဲ့အပြင် လျော်ကြေးငွေ တစ်ကုဋေ ပေးခဲ့ရပါတယ်။ အဲ့ဒီမှာ အရှုံးဆိုတာကို မကြုံခဲ့ဖူးတဲ့ စစ်ကိုင်းမင်းဟာ စိတ်မဖြေနိုင်ပဲ ကိုယ်ကျန်းမာရေးသာမက စိတ်ကျန်းမာရေးပါ ထိခိုက်လာပါတယ်။( ခုခေတ်လိုဆို စိတ်ကျရောဂါစွဲကပ်လာတယ်လို့ ပြောရမှာပါ။ )
သူစိတ် မတည်ငြိမ်လေ နန်းတွင်းမှာ အာဏာပြိုင် ၊ အားပြိုင်မှုတွေ ကြီးထွားလာလေပါ။ မယ်နု နဲ့ မောင်အို က တစ်ဖက် သာယာဝတီ မင်းသားက တစ်ဖက် အုပ်စုဖွဲ့ ပြီး ရန်စောင်နေခဲ့ပါတယ်။ နောက်ပိုင်းမှာ မောင်အိုက သာယာဝတီမင်းသားနဲ့နှမတော် ပုဂံမင်းသမီးရဲ့ ကျွန်ကို ဖမ်းဆီးဖို့ ကြိုးစားလာပါတော့တယ်။
အဲ့ဒီမှာ သာယာဝတီမင်းသားဟာ လက်ဦးမှုရယူဖို့ အတွက် ရွှေဘိုဘက်ကို ထွက်ခဲ့ပါတယ်။
သာယာဝတီမင်းသားဟာ ဘိုးတော်ဘုရားရဲ့ မြေးအရင်းဖြစ်တဲ့ အပြင် ထက်ထက်မြက်မြက်လည်းရှိပါတယ်။ ပြည်သူတို့ကလည်း ရိုကျိုးပြီး အထူးသဖြင့် မင်းဆွေမင်းမျိုးတို့ ဧ။်ထောက်ခံမှုကို အပြည့်အ၀ရတဲ့သူပါ။
ဘုရင်ဧ။်ညီအရင်း ဖြစ်သော်လည်း မယ်နုမောင် မောင်အိုလောက်မှ သူကောင်းပြုခြင်းပေးခံရသူ မဟုတ်၍ လူအများက ပို၍မေတ္တာသက်ဝင်ခြင်းခံရပါတယ်။ အဲ့ဒီမှာ သာယာဝတီမင်းသားဘက်ကို ပူးပေါင်းသူများပြီး အင်အားကြီးလာပါတယ်။
နောက်ဆုံးမှာ သာယာဝတီမင်းက နန်းရပြီး အကိုတော် စစ်ကိုင်းမင်းကို နန်းချပြီး အကျယ်ချုပ်ထားပါတယ်။
မယ်နုနဲ့ မောင်အိုကို ရေချကွပ်မျက်ပါတယ်။ ဒါတင်မက တူတော် ညောင်ရမ်းမင်းသား( စစ်ကိုင်းမင်းရဲ့ သားတော်) ကိုလည်း ရေချကွပ်မျက်ခဲ့ပါတယ်။
နောက်ထပ်ပြောစရာလေးတခုက မယ်နုကို ရေမချခင်မှာ သူကိုးကွယ်တဲ့ဆရာတော်ဦးဗုဓ်ကို နောက်ဆုံးဖူးတွေ့ဖို့ခွင့်တောင်းပါတယ်။ ဖူးတွေ့ခွင့်ရတဲ့ အခါမှာ ဆရာတော်က မယ်နုကို “ဟဲ့ … မိနု သူ့ကြွေးရှိရင် ဆပ်ရလိမ့်မယ်” လို့ တိုတိုပြတ်ပြတ် မိန့်တော်မူပါတယ်။ အဲ့ဒီစကားကို ကြားလိုက်ရတဲ့ မယ်နုက နောက်ထပ်ဘာကိုမှ မပြောတော့ပဲ အေးဆေးတည်ငြိမ်စွာနဲ့ ရေချရာ အရပ်ကို လိုက်သွားခဲ့တယ်လို့ ဆိုပါတယ်။ သူ့ကို ရေချရာအရပ်ကလည်း ဧရာဝတီမြစ်ဆိပ် မဟုတ်ပဲ တောင်သမံအင်းရေပြင်ရဲ့ အရှေ့မြောက်ထောင့် မယ်ဘယက်ကုန်းကမ်းစပ်မှာ ကတ္တီပါအိတ်အနီအတွင်း ထည့်သွင်းပြီးရေချခဲ့ပါတယ်။
ခုချိန်ခါမှာ လှပနေဆဲ မြန်မာပြည်ရှုခင်းတခုရဲ့ နောက်ကွယ်မှာတော့ သမိုင်းရဲ့ အမည်းစက်တခု စွန်ုးထင်းနေခဲ့ပါတယ်။
ဒီနေရာမှာ နောက်ထပ်ပြောချင်တာလေးက အဲ့ဒီခေတ်အခါက မယ်နုရဲ့ ဘာသာရေးလိုက်စားပုံပါ။ တိုင်းရေးပြည်ရာမှာ နာမည်ဆိုးနဲ့ ကျော်ကြားပေမဲ့ ကုသိုလ်ရေးရာ အလှူအတန်းမှာတော့ စိတ်ပါလက်ပါရှိခဲ့ပုံပေါ်ပါတယ်။
ဖလ်နန်းရှင်နဲ့ ရှင်မင်းနုတို့ စိုးစံခဲ့ရာ ၁၈ နှစ်အတွင်းမှာ ဒီနေ့ထိ အထင်ကရ ရှိနေတဲ့ ကောင်းမှုများကို မြင်တွေ့နိုင်ပါတယ်။
၁။ ပုထိုးတော်ကြီး ( အမရပူရ )။
၂။ နန်းတွင်းအုတ်ကျောင်း (အင်းဝ)။
၃။ မဟာသကျသီဟ ရုပ်ပွားတော် ( မ န္တလေး )။
၎။ ရှင်ဖြူရှင်လှ စေတီနှင့်စောင်းတန်း ၊ ( စစ်ကိုင်းမြို့ )။
၅။ ကြေးချိန်တစ်သိန်းခေါင်းလောင်း (အမရပူရ)။
၆။ အနောက်တိုက်ဘုရားကြီး (ဖလံခုံရွာ)။
၇။ မြန်မာဇရပ် ၊ ဗုဒ္ဓဂယာ ( အိန္ဒိယပြည်)။
တို့ဖြစ်ပါတယ်။
မယ်နု ရဲ့ အကြောင်းကတော့ သမိုင်းကပြောသမျှကို ကျမတတ်နိုင်သလောက် အတိုချုံးပြီးရေးထားတာပါ။ ခေတ်တခေတ်ကို စာတမျက်နှာနဲ့ ပြီးအောင် ပြောရတာဆိုတော့လည်း လိုအပ်ချက်တော့ရှိမှာပါ။
မယ်နုတို့ ကုန်းဘောင်ခေတ်အပေါ်မှာ ခံစားမိတဲ့ ကျမရဲ့ အမြင်ကို အနည်းငယ်ပြောလိုပါတယ်။
၁။ ဘကြီးတော် (စစ်ကိုင်းမင်း) ဆက်ခံတဲ့ အချိန်မှာ အရင်မင်းက ယိုးဒယားကိုသွားတိုက်ခဲ့တဲ့အတွက် တိုင်းပြည်တွင်းစီးပွားရေး ကျဆင်းနေပါတယ်။
၂။ စစ်ကိုင်းမင်းဟာ ပြည်တွင်းရေးရော ပြည်ပရေးရာများမှာပါ မှန်ကန်တဲ့ အမြင်နဲ့ အောင်မြင်အောင်ဖြေရှင်းစွမ်းဆောင်နိုင်ခြင်း မရှိပါဘူး။ ဓားမထက်တဲ့အပြင် အဓိက ကတော့ မင်းတပါးဖြစ်လောက်တဲ့ အရည်အချင်းမျိုးမရှိပဲ စိတ်ဓာတ်ပျော့ ညံ့ခဲ့တဲ့ အတွက် မယ်နုလို လူမျိုးရဲ့ ကြိုးဆွဲရာကပြီး ပြည်ပျက်ခဲ့ရတာပါ။
၃။ တိုင်းတပါးသားတို့နဲ့ အပြိုင်တိုင်းပြည်ရဲ့ စစ်ရေးစစ်ရာ လက်နက်များကို အမှီလိုက်နိုင်အောင် ကြိုးစားအားထုတ်မှု မလုပ်ခဲ့ပါဘူး။
ကုန်းဘောင်ခေတ်မှာ တိုင်းပြည်အရှုံးဘက်က ရင်ဆိုင်ခဲ့ရခြင်းရဲ့ အဓိက တရားခံက ဘကြီးတော် ( စစ်ကိုင်းမင်း)ရဲ့ ခေါင်းဆောင်မှု အရည်အသွေးညံ့ဖျင်းခဲ့ခြင်းရယ် တိုင်းပြည်တွင်းမှာ သွေးစည်းညီညွတ်မှုမရှိခဲ့လို့ပါ။
မယ်နုကတော့ ရောက်ရှိရာအထွတ်အထိပ်နေရာမှာ တရားမျှတမှု၊ ပညာဥာဏ်သတိတို့နဲ့ ယှဉ်တွဲနေထိုင်ရမဲ့အစား အာဏာကို မက်မော၊ တယူသန်၊ ဘ၀င်မြင့်ပြီး ကိုယ့်ဆွေမျိုး၊ ကိုယ့်ဘက်တော်သားများကောင်းစားရေးကိုသာ ရှေ့တန်းတင်ခဲ့တဲ့အတွက် ရာဇ၀င်မှာ နာမည်ဆိုးနဲ့ကျော်ကြားခဲ့ရပါတယ်။
မြန်မာ့သမိုင်းကို ပြန်လေ့လာတဲ့အခါမှာ ၀မ်းနည်းစရာကောင်းတဲ့အချက်တစ်ခုကိုသွားတွေ့ရပါတယ်။
ပါးစပ်ရာဇ၀င်တွေ ၊ဇာတ်သမားတွေရဲ့ သမိုင်းအခြေခံထားတဲ့ထိုးဇာတ်တွေကြောင့် တစ်ဆင့်နဲ့တစ်ဆင့် မိမိပြောချင်တာကိုထည့်ပြောကြတဲ့ အိမ်တွင်းဖြစ်ပါးစပ်ရာဇ၀င်ကြောင့်လဲ မူရင်းသမိုင်းအဖြစ်မှန်နဲ့ ကွဲလွဲတဲ့သမိုင်းကြောင်းတွေဖြစ်လာတာပါဘဲ။
ခက်တာက က စာနဲ့ပေနဲ့ အတိအကျကြီး မှတ်တမ်းတင်ထားမျိုး ကို အလွယ်မတွေ့နိုင်ပြန်တော့လဲ သူတို့ပြောတာ ဟုတ်နိုးနိုးနဲ့နေခဲ့ရပါတယ်။
ဘုရားအနီးမှာနေထိုင်ပြီး ဘုရားဇာတ်ကြောင်းပြောပြသူကလေးတွေက သူတို့ ဘိုးဘွားမိဘတွေသင်ပေးတာကို ပြန်ပြော ၊ ဒီဘုရားကိုအလည်သွားရင်း နားထောင်မိသူက အဟုတ်ထင်လို့နောက်တစ်ဆင့်ပြန်ပြောဆိုတော့ နောက်ဆုံး ဘယ်သူက အမှန်ဆိုတာကို မသိနိုင်လောက်အောင်လမ်းစပျောက်ခဲ့ပါတယ်။
အဲတော့လဲအခု လေးပေါက်ရဲ့ ဓါတ်ပုံ ဆောင်းပါးထဲကလို ရာဇ၀င်မှာ အမဲစက်တွေတင်ကျန်ခဲ့တဲ့ မယ်နုဆိုတဲ့အတိုင်း မှတ်တမ်းတင်ကျန်ခဲ့ပါတယ်။
ဒါကြောင့်လဲ ကျမတို့ အားလုံးအမြင်မှာနန်းမတော်မယ်နုဆိုတာနဲ့ “ဆိုးတယ်နော်” ဆိုတာကို အသိမှာစွဲမြဲခဲ့ရပါတယ်။ တကယ်တော့ သူ့ပါတ်ဝန်းကျင်ကြီးတစ်ခုလုံးက ပျက်စီးယိုယွင်းနေတဲ့အထဲမှာ ကျော်ကြားထင်ရှားတဲ့သူ့အပေါ် အားလုံးကအပြစ်တွေပုံချလိုက်တာကို ခံရသူဆိုရင်လဲမမှားဘူးလို့ထင်ပါတယ်။
ဒါကြောင့်ခေတ်တစ်ခေတ်က လူတစ်ယောက်ကို အကဲဖြတ်မယ်ဆိုရင် သူနဲ့ပါတ်သက်ဆက်စပ်နေတဲ့ ဇာတ်ကောင်တွေကို ပါ လေ့လာပြီးမှ အကဲဖြတ်မှာသာ မှန်ကန်တဲ့အဖြေကိုရနိုင်မယ်လုိ့ယုံကြည်ပါတယ်။
အဲ့ဒီခေတ်နောက်ပိုင်း ဆက် ခံသူများဟာလည်း ရှေးခတ် ပုဂံမင်းများလို ဘုန်းမီးနေလ မထွန်းတောက်နိုင်ပဲ လက်ရုံးရည်ရော နှလုံးရည်ပါ မပြည့်ဝတော့တဲ့အပြင် တစစနိမ့်ဆင်းပြီး လူတစု အာဏာတည်မြဲရေး၊ ကောင်းစားရေးကိုသာ ရှေ့တန်းတင်ခဲ့တဲ့ အတွက် မြန်မာပြည်ကြီး အနိမ့်ဘက်ကို တောက်လျှောက်လျော့ကျခဲ့ရတာပါ။ အဆက်ဆက်ကနေ အခုထိပါ။
ကျမတို့ခေတ်မှာတော့ ဒီသမိုင်းအဆက်ဆက်ရဲ့ အမှားတွေကို သင်ခန်းစာယူပြီး တဖန်ပြန်လည်ဦးမော့နိုင်အောင် ကြိုးစားကြရအောင်ပါ။
ကိုး။ ။နန်းမတော်မယ်နု ရာဇ၀င်မူမှန်၊ ကုန်းဘောင်ရှာပုံတော် ( ညိုမြ )၊ ကုန်းဘောင်ခေတ်စစ်တမ်း (မောင်သော်)။
(အားမနာတမ်း ဝေဖန်ပါ၊ ထောက်ပြပါ၊ လွတ်လပ်စွာ ကွဲလွဲပါ)
အရမ်းကောင်းပါတယ်အစ်ကို။
ReplyDeleteဒီဘလော့လေးဟာ ဗဟုသုတတွေရော၊ ပညာတွေရော ပေးစွမ်းနိုင်တဲ့ ဘလော့လေးပါပဲ။
အားပေးနေပါတယ်။
တောင်တွင်းကြီးသမိုင်းဆိုတာလေးတွေ့မိတော့ အစ်ကိုက တောင်တွင်းကြီးသားများလား။
အဆင်ပြေမယ်ဆိုရင် ပန်ထွာဘုရင်မရဲ့ ကျိန်စာလေးအကြောင်း ရေးစေချင်ပါတယ်။
လက်ရှိတောင်တွင်းကြီးမြို့နဲ့လဲ ဆက်စပ်နေတုန်းပဲလေ။
ပေပင်တွေကို ကျိန်စာတိုက်ခဲ့တာ၊ မြို့ကို ကျိန်စာတိုက်ခဲ့တာ၊ အဲဒီအကြောင်းတွေပေါ့အစ်ကို။
ကျေးဇူးတင်ပါတယ်။
အသိအမြင်
ReplyDeleteများတိုးပွားစေပါသည်
ကျေးဇူးပါ